A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istuntonàre istantonài

istúpa iltúpa

istupaciàra , nf Sinonimi e contrari ispaporada, isufulada Frasi mancumali ca si ndi est andau, fut totu s'ora a istupaciaras de fumu pudésciu, fumendi!(A.Simbula) Etimo srd.

istupàciu , nm Definizione chirrione de istupa Sinonimi e contrari stupinella Frasi brincaiat dae artu a sa baltza prena de abba arrivendhe a modhe che un'istupàciu.

istupàda , nf Definizione su istupare Sinonimi e contrari istupamentu Etimo srd.

istupadúra , nf Definizione su istupare; fintzes essidura in sa carre Sinonimi e contrari istuponatura Etimo srd.

istupài, istupàre istapàre

istupàre 1 , vrb: stopai Definizione segare is tupas, ispatzare su logu segandhondhe sa malesa; essire a s'ingrundha de is tupas, de su cuadórgiu Sinonimi e contrari ammatutzare, immatai, ispatare, irrascare / essire 2. su porcrabu ch'est istupadu che lampu ◊ su manzanu deo che istupo prima de fàghere die a triballare! Etimo srd.

istupéndhu , agt Definizione chi est bellu meda Sinonimi e contrari meravizosu, stravanau.

istupiàre , vrb: istuspiare Definizione istidhigare o ispudare baulada, salia Sinonimi e contrari gruspiare, gruspire, ispudai Frasi cussu a issos finas los istúpiat in cara ◊ tue istúpias bae velenosa! ◊ istúpio in terra e si candho torras s'istúpiu est asciutu cheret nàrrere chi no as coitadu Etimo itl. sputare.

istupidàta , nf Definizione nada, fatura o faina de istúpidos.

istupidèsa , nf Definizione su èssere istúpidos.

istúpidu , agt Sinonimi e contrari babbalocu, carbàgliu, gingiorre, labadu, scimpri, tolondro, tontu.

istupíglia , nf Definizione genia de tela grussa Terminologia scientifica ts Etimo spn. estopilla.

istupígnu, istupínzu , nm: stupíngiu Definizione su loghíngiu de sa candhela Sinonimi e contrari loghíngiu, pabilu 1 Frasi como li fuit sa vida che istupinzu de candhela mori mori (G.Porcheddu)◊ s'istupinzu si ch'est frazendhe (e s'istiàrica puru!) Etimo itl. itl./luchinzu Traduzioni Francese mèche Inglese wick Spagnolo mecha Italiano stoppino Tedesco Docht.

istúpiu , nm Definizione salia chi s'ipudat de buca / i. de sàmbene = sàmbene chi si catzat in buca o chi essit de nares, itl. emottisi Sinonimi e contrari carràschiu, grúspidu, iscaràsciu, istarràsciu, larodhu, salchedha, scupidura, seca, spudu Etimo srd.

istuponàre , vrb Definizione bogare, trantzire su tupone Sinonimi e contrari istupare | ctr. tuponare Frasi si intendhes pagu istuponadi sas origas! Etimo srd.

istuponatúra , nf Definizione su istuponare; su essire a fortza, lestros, su s'istuponare Frasi su mere, totu apantejatu, essiat a istuponatura dae sa gianna chin sos pódhiches afrimmatos a su cane de su fusile Etimo srd.

istupòne , nm Definizione genia de aina a ventosa po istupare tubbos chi, po comente podent serbire, si podent tupare, arribbiri Terminologia scientifica ans Traduzioni Francese ventouse, débouchoir Inglese sink unblocker Spagnolo desatascador Italiano sturalavandini Tedesco Ausgußspüler.

istupósu , agt: stuposu Definizione chi paret istupa Sinonimi e contrari stupaciosu Traduzioni Francese comme de l'étoupe Inglese towy, stringy Spagnolo como rastrojos Italiano stoppóso Tedesco wergartig.