A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ibbadhinaméntu , nm: imbadhinamentu, irbadhinamentu Definizione furriamentu de conca de si pàrrere orruendho o chi siat girandho su logu, illuinu, nau fintzes in su sensu de no èssere cumprendhendho, confusione Sinonimi e contrari abbadhinamentu, abbatzinamentu, ammolighinadura, badhinedha, badhinzu, batzinu 1, imbàdhinu, imbatzinamentu, insimíngiu, sbollinu, tzuntzurrina Frasi sa gania disizosa de su càntigu e s'irbadhinamentu de sa cursa che li fint pigados a conca ◊ so a irbadhinamentu: mi est zirendhe totu su logu! Etimo srd. Traduzioni Francese vertige, tournis Inglese dizziness, staggers Spagnolo vértigo Italiano capogiro, capostórno Tedesco Schwindel.

ibbadhinàre , vrb: ilbadhinare, ilbanninare, imbadhinare, irbadhinare Definizione fàere a furriamentos de conca, a illuinu, de pàrrere totu su logu girandho, nau fintzes in su sensu de no èssere cumprendhendho Sinonimi e contrari abbadhinare, abbatzinare, ammolighinare, atambainare, imbadhainari, imbatzinare, ingadhinae, scimingiai Frasi lampos chi imbadhinant sos ojos ◊ su profumu de sos fiores imbadhinat sos poetes…◊ mi pariat chi unu profumu mi fit imbadhinandhe ◊ s'àinu beniat mascaradu pro no s'ilbanninare moliandhe 2. cussu est ibbadhinannosi! Etimo srd.

ibbadhinàu , pps, agt: imbadhinadu Definizione de ibbadhinare Sinonimi e contrari iscimingiau, istontorronau / cdh. abbadhinatu 2. apenas ilgiuntu ruet imbadhinadu.

ibbàdu , agt Definizione tostu mannu, tostau meda; nau in cobertantza de unu, chi si credet meda, chi ndh’est cuntentone, coment’e a bàntidu; chi est cuntentu, chi tenet ibba Sinonimi e contrari tostadu / chíbbalu, impompadu 2. curret che prudheru ibbadu ◊ sos nebodes si ndhe tenent ibbados e mannos, de s'ajaju, ca at fatu chentu e chimbe annos Cognomi e Proverbi smb: Ibbadu.

ibbagàda , nf Definizione su ibbagare, imbuidada, ma fintzes cropu, iscutulada 2. dhi apo iscutu unas cantas ibbagadas e n’est calau a terra coment'e una pira cota (G.Locci).

ibbagadúra , nf Definizione su ibbagare, su imbuidare sa cosa de un'istrégiu a betadura, a isciusciadura Sinonimi e contrari illichidadura, irbodiadura Etimo srd.

ibbagàre , vrb: irvagare, irbagare Definizione imbuidare un'istrégiu (o àteru deasi) leandhondhe (fintzes a betadura) su chi dhu'est aintru Sinonimi e contrari illichidare, irbacare*, sbuidai Frasi sa padedha, pro l'irbagare, l'irfundhat! ◊ s'ibbagat sa cosa de un'istrégiu a s'àteru ◊ sa castagna canno est cota si ne ibbagat a un'istérgiu.

ibbagliàdu , pps, agt: irballau Definizione de ibbagliare; chi no est giustu, no est fatu comente tocat Sinonimi e contrari arradu, fadhidu | ctr. giustu Traduzioni Francese erroné Inglese wrong Spagnolo equivocado Italiano errato, erròneo Tedesco falsch.

ibbagliàre , vrb: ibballiare, ilballiare, imbagliare, imballiare 1, irbagliae, irbagliai, irbagliare, irballare, isbagliai, isbagliare, isballiai, isballiare, sbagliai Definizione fàere sa cosa male, de no torrare paris cun sa beridade o cun su giustu o cun su chi andhat bene / mi so irballadu = mi so fadhidu, apo irballadu Sinonimi e contrari fadhie, ifartire, irbagiare, isdeinare | ctr. ingertai Frasi bae e chilca cantos annos si agatat custu letu: si no m'imbàglio fit de nonnumannu ◊ vi cheret pacu e nudha a s'irbagliare ◊ isbàgliat fintzas su predi nendi sa missa ◊ so cumbintu chi at imbagliadu caminu ◊ donzunu est suzetu a irballare ◊ mih chi as imballiadu domo! ◊ cussu si l'at irbagliata mannu e longu cantu est! ◊ apo ibballiau po no cumprènnede Etimo itl. Traduzioni Francese se tromper Inglese to mistake Spagnolo equivocarse Italiano sbagliare Tedesco irren (sich).

ibbaidòre , agt, nm: isbaidore Definizione chi o chie est avesu a perdimentare sa cosa Sinonimi e contrari isperditziau, istrubberi, spagaceri, sperdicieri, stragioni | ctr. arreguadori, straviadori Frasi aurradore de sa chijina e isbaidore de sa farina ◊ sos ibbaidores no ndhe faghent de domo! Etimo srd. Traduzioni Francese gaspilleur Inglese wasteful, waster Spagnolo despilfarrador Italiano sciupóne Tedesco Verschwender.

ibbàidu , agt: irbàidu, isbàidu Definizione chi no est faendho nudha, no est serbendho, no est impreau trebballandho Sinonimi e contrari disocupadu, irgaitzu, isbaidu, líchidu 1 | ctr. afainadu, afracoxau Frasi custa terra est isbàida ◊ chissai ite at a fàere po si campare, issu chi at bíviu sèmpere chentza fàere nudha, totu a s'ibbàida! (Deidda-Saderi) Etimo srd. Traduzioni Francese fainéant, vacant, inoccupé Inglese idle, vacant Spagnolo gandul, desempleado Italiano scioperato, vacante Tedesco arbeitslos.

ibbaldaràdu , agt Definizione mannu meda, de cantidade manna meda Sinonimi e contrari ispantosu Frasi teniat una richesa ibbaldarada Traduzioni Francese exorbitant Inglese amazing Spagnolo exorbitante Italiano sbalorditivo Tedesco außergewöhnlich.

ibbàldula , nf Definizione orrugu de terra coment’essit arandho (o marrandho) candho no est de bonu farigu ma tostada Sinonimi e contrari bàldile*, cheba, lea, léura.

ibballiàre ibbagliàre

ibbaloríe , vrb: irvalorire, isvalorire Definizione menguare o pèrdere de valore, de prétziu, de balia, de capacidades, de fortza / i. sos pentzamentos = lassare a pèrdere sos pidinos Sinonimi e contrari imbaratire / menguai | ctr. avalorai Frasi sa fémina est funtana de amore chi no isvalorit mai ◊ issu ischiat comente mi fàghere arríere e mi che fàghere ibbalorie su malumore (S.Firinu) 2. candho benit ómine antzianu de fortzas e vertudes s'isvalorit ◊ mi ch'est irvaloridu su cherbedhu: oe so babbu de tres fizos mannos chi mi cumandhant che unu pisedhu! Etimo itl. svalorire.

ibbàmbiu , nm: irbàmbiu Definizione cosa chi narat o faghet chie zughet pagu zudíssiu, cosa, chistionu, peràulas de pagu contu, de paga sustàssia Sinonimi e contrari bambíghine, ibéntiu, illériu Frasi làssami sos irbàmbios: como bae e faghe sa cosa e poi ndhe amus a chistionare de su chi ses nendhe! ◊ ohi, làssami s'irbàmbiu, chi no so in chirca de zogos, como! Etimo srd. Traduzioni Francese fadeur Inglese silliness Spagnolo sosería Italiano insulsàggine Tedesco Albernheit.

ibbamiàu , agt Definizione nau de ccn., chi est irbambiadu*, pagu sàbiu, pagu abbistu, iscioloriau Sinonimi e contrari arrembambiu, irbentiadu.

ibbandhàre , vrb Definizione essire de su camminu giustu, andhare de un'ala a s'àtera chentza arrennèscere a mantènnere sa filada; in cobertantza, pèrdere sa conca aifatu de calecuna cosa chi no andhat bene, essire de sa bona régula faendho male fintzes chentza ndh’èssere bene cumbintos Frasi sas cosas chi naraiat bastaiant po ti fàghere ibbandhare sos carvedhos.

ibbandhídu, ibbandhíu, ibbanníu , nm: ilbannidu, imbandhidu, irbandiu Definizione ómine bandhidandho Sinonimi e contrari bandhidu, foressidu, sbandiu Frasi is ibbandhidos sighint is bardanas e idorrobbatórios ◊ tiatia pragniat e cantàt po su pobidhu e po s'ibbanniu ◊ cussu est su brebu de is ibbannios (B.Liori)◊ s'ilgerru cun sa ghigna fea paret un'imbandhidu armadu de pugnale ◊ fui, custos depent èssere ilbandhios!

ibbàrcu , nm: irbarcu, isbarcu Definizione su lassare sa nave o s’aeroplanu a sa lómpia a su logu, su ndhe calare a terra de is viagiadores o de is cosas Sinonimi e contrari | ctr. imbalcu Frasi a s'imbarcu e a s'irbarcu dae sa nave cussos sunt sempre in cue ◊ is guàrdias depiant èssi prontas po s'isbarcu de is cundennaus ◊ non mi cheria pèrdere cussu sentidu de irbarcu chi cada borta segherabo falandhe in s’iscaledha de sa nave Traduzioni Francese débarquement Inglese landing Spagnolo desembarco Italiano sbarco Tedesco Ausschiffung.