A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

osserbàre, osservài, osservàre osselvàre

osservatóriu , nm Definizione logu, pruschetotu fruniu de machinàrios e istrumentos, inue si podent osservare cosas e fenòmenos, pruschetotu in s'universu, in sa Terra; logu de istúdiu, po cricare e osservare fatos de dónnia genia (o fintzes solu de una genia precisa, es. economia) Sinonimi e contrari isperiadolzu, spécula Frasi su caboni de murdegu si orientat cun is istedhus coment'e chi portit un'osservatóriu astronómicu e una computera in su ciorbedhu (M.Licheri) Traduzioni Francese observatoire Inglese observatory Spagnolo observatorio Italiano osservatório Tedesco Observatorium, Beobachtungs- stelle.

osservatziòne , nf Definizione su osservare, fintzes is cosas chi si agatant osservandho, cosa chi si agatat de nàrrere Sinonimi e contrari asserva, cadelu Traduzioni Francese observation Inglese observation Spagnolo observación Italiano osservazióne Tedesco Beobachtung, Bemerkung.

ossessiòne , nf Definizione genia de idea mala, firma in conca, coment'e cosa chi no si arrennescet a bínchere Sinonimi e contrari abeju, berinizu, grima, violu.

óssia, óssica , nf: óssiga Definizione logu a ue portant e chistint is ossos de is mortos, in campusantu; fintzes is ossos etotu, is ossos salios de su porcu cun pagu pagu de prupa e de lardu bonos a fàere sa piscadura Sinonimi e contrari ossaja, ossera, óssina / ossàmene, ossamenta Frasi e ite fit, pro isse, a giúghere, a perra de mesanote, una conca de mortu dae s'óssiga a sa pinneta? ◊ in campusantu asuta de sa capella dhui est sa domu de s'óssia 2. dae su porcu tenent sas provistas totu s'annu: su lardu, sa sartitza, s'óssica ◊ sa piscadura si faghet cun óssica, sartitza, cantos de prossutu, frinucu, irimulata Etimo srd. Traduzioni Francese ossuaire Inglese charnel house Spagnolo osario Italiano ossàrio Tedesco Ossarium.

ossichedhósu , agt Definizione chi portat ossighedhos meda, prus che àteru nau de frutuàriu chi portat granighedhos tostaos Sinonimi e contrari pedrosu, perdixedhosu Etimo srd.

ossichédhu , nm: ossixedhu, ussichedhu Definizione min. de ossu, ossu piticu; a logos fintzes oliedhu, su frutu de s'ogiastu Traduzioni Francese osselet Inglese small bone Spagnolo huesito Italiano ossicino Tedesco Knöchelchen.

ossidài, ossidàre , vrb Definizione cumpònnere cun s'ossígenu, nau pruschetotu de is metallos, portare a s'istadu de óssidu Traduzioni Francese oxyder Inglese to oxidize Spagnolo oxidar Italiano ossidare Tedesco oxydieren.

ossidiàna , nf Definizione pedra crobina, perda pistoni, perd'e fogu, imbidru vulcànicu, genia de pedra niedha lúghida chi, che imbidru etotu, àstulat a iscatas, a orrughedhos fines: si agatat a coròngios (mescamente in su Monte Arci) e is antigos ndhe faiant ainas po segare e púnghere e po cussu at distintu un'època manna de s'antigóriu, su neolíticu Terminologia scientifica mnr Traduzioni Francese obsidienne Inglese obsidian Spagnolo obsidiana Italiano ossidiana Tedesco Obsidian.

ossídricu , agt Definizione nau de sa fràmula, chi si faet abbruxandho ossígenu cun idrògenu, a temperadura arta meda de iscagiare is metallos e po cussu impreada po sardare o fintzes po segare metallu grussu.

ossídrinu , agt Definizione chi portat is ossos débbiles, chírdinos, chi si segant luego po maladia chi si dhos papat Traduzioni Francese ostéoporotique Inglese osteoporotic Spagnolo osteopórotico Italiano osteoporòtico Tedesco osteoporotisch.

óssidu , nm Definizione css. cumpostu de metallu cun ossígenu Traduzioni Francese oxyde Inglese oxide Spagnolo óxido Italiano òssido Tedesco Oxyd.

ossiédhu , nm Definizione est inue si atacant is singiales de su missale, de unu líbberu mannu; est fintzes ossighedhu po limbatzu de sonàgia, o genia de puncione (oto) in su giuale po fàere arrèschere méngius is loros Sinonimi e contrari assaedhu*.

ossiéri , nm: iscieri, uscieri* Definizione impiegau chi giaet atentzione a sa gente in intrada de ufícios, ma fintzes postu a fàere misciones de importu fora de su locale.

ossificài, ossificàre , vrb Definizione fàere o essire a ossu, tostau.

óssiga óssia

ossigàza , nf Definizione ossos Sinonimi e contrari ossàmene, ossamenta Frasi in sa tuva de un'àrbure ant agatadu ossigaza e concas de mortu Etimo srd.

ossigenadúra , nf Definizione su ossigenare.

ossigenàre , vrb Definizione giare ossígenu.

ossígenu , nm: ossízene Definizione elementu chímicu de símbulu O, númeru atómicu 8 e pesu atómicu 16: de totu is elementos est su prus chi si agatat in natura (pruschetotu in s'abba e in s'ària), intrat in totu sa sustàntzia orgànica, est necessàriu po sa vida, si cumbinat cun àteros elementos produendho calore (e fintzes fogu, abbruxamentu, fràmula) Traduzioni Francese oxygène Inglese oxygen Spagnolo oxígeno Italiano ossìgeno Tedesco Sauerstoff.