A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ossighína , nf Definizione is ossos, cantidade, muntone de ossos Etimo srd.

ossiminàdu , agt Definizione nau de una carena animale, chi portat s'ossamenta, is ossos Traduzioni Francese osseux Inglese bony Spagnolo huesudo Italiano ossuto, provvisto di ossa Tedesco mit Knochen, knochig.

óssina , nf Definizione genia de depósitu inue chistint is ossos de is mortos, in campusantu; is ossos (nau de una carena): in custu sensu si narat ossina puru Sinonimi e contrari ossera / ossàmene 2. nci ghetu s'óssina a crocai: dèu mi arrimu in su letu!◊ unu fut andau a campusantu e fut intrau in sa domu de s'óssina Etimo srd.

ossiràsu , agt Sinonimi e contrari antigoridu, malacariu Traduzioni Francese cachectique, émacié Inglese gaunt Spagnolo caquéctico, macilento Italiano cachèttico, macilènto Tedesco siech, kränklich, abgezehrt.

ossixédhu ossichédhu

ossízene ossígenu

ossòne 1 , agt, nm Definizione chi est mannu e grussu de carena, chi portat ossamenta manna Sinonimi e contrari ossudu Terminologia scientifica zcrn.

ossonimàncu , avb Sinonimi e contrari assalumancu*, assumancu, medennessi, nensi Frasi ossonimancu forti po poderai custu ses! ◊ teneus annomíngius po ndi prèniri ossonimancu unu líbburu.

ossósu , agt Definizione de s'ossu; nau de unu (o de animale), chi est totu ossos Sinonimi e contrari ossudu Etimo srd. Traduzioni Francese osseux Inglese bony Spagnolo óseo Italiano òsseo Tedesco Knochen…

óssu , nm Definizione parte de aintru de sa carena animale fata de sustàntzia tostada meda (càlciu), de colore biancàciu, intrau o agguantau s'unu a s'àteru cun pedhutos fortes e a manera de fàere giogu in is annoigadòrgios (ammontaos de modhímene), permitindho a sa carena de si agguantare e a is músculos de fàere fortza: agiummai totu funt inditaos coment'e s'ossu de… (de sa còscia, de su bratzu e àteru): in sa carena umana funt 206 o 207; de sa petza chi si papat, sa parte chi si fúliat e po cussu bista coment'e su contràriu de sa prupa, s'arrefudu, cosa de fuliare; segundhu su frutu, parte de mesu, tostada, chi portat su chiu o sèmene / min. ossichedhu / genias de o.: de olia, de moriscu (su chi abbarrat de s'ispiga irranada), de morisca, de péssighe, de cariasa, de pruna, de linu (sa parte de mesu chi candho est àrrida si segat e che andhat lassandho su filu) Sinonimi e contrari pisu | ctr. carre, pècia, prupa Modi di dire csn: ossus de búngiu = su primu annugradorzu de sos pódhighes; su modhímene de s'o. = ossu modhe, itl. cartilàgine, zenia de ossu in colore de beladina, lísiu lísiu chi cuguzat sa conca o punta (o fintzas incàsciu) de un'ossu a manera de fàghere zogu bene paris cun s'àteru; zúghereche su fritu in ossos = àere leadu fritu gai meda de no resessire a si che lu bogare mancu caentèndhesi ora meda; zúghereche una cosa in ossos = fàghere tot'unu cun sa carena, èssere azummai parte de su naturale de sa pessone; contaresili sos ossos, a unu, a unu fiadu = èssiri marriu marriu, zúghere sa pedhe imboligada a s'ossu; torrai a s'ossu = illanzigare meda; agatai o. in sa frisciura = èssere mendheosu, agatare difetos fintzas inue no bi ndh'at Frasi dhi at ghetau unus cantus ossixedhus a us'e cani! ◊ portat doloris a dogna punta de ossu ◊ in donzi peta bi at ossu ◊ est romasu chi si li contant sos ossos ◊ coida dimónia, ispódhia is cambas ca no ses totu a un'ossu! 2. sa morisca est tot'ossu: no bi at impurpidu ca no li at próidu ◊ bi at melaeranu chi zughet ossu modhe, àtera lu zughet tostu 3. intendint su frius aintru de is ossus ◊ soi torrada a s'ossu po su dispraxeri Terminologia scientifica crn, rbr Etimo ltn. ossum Traduzioni Francese os, noyau Inglese bone, stone Spagnolo hueso Italiano òsso, nòcciolo Tedesco Knochen, Kern.

ossúda , nf Definizione dolimentu, male a su fuste de sa coa Terminologia scientifica mld.

ossúdu , agt: ossutu Definizione chi portat is ossos grussos, chi si bient meda; dhue at logu chi est una màscara de carrasegare a bisura de mamutzone Sinonimi e contrari acarenadu, aossadu, ossosu / cdh. ussutu Frasi su betzu giuchet sas manos ossutas Terminologia scientifica zcrn Etimo srd. Traduzioni Francese osseux Inglese bony Spagnolo huesudo Italiano ossuto Tedesco knochig.

ossumàncu , avb Sinonimi e contrari assumancu*, assunessi.

ossútu ossúdu

ostaría , nf: osteria Sinonimi e contrari istera, ostera, pasada Frasi arribbant a sa festa e bandant a s'osteria a circai un'aposentu Etimo itl. osteria.

ostènnere , vrb: astèniri Definizione fàere a mancu de una cosa, de nàrrere o de fàere ccn. cosa / pps. ostesu Sinonimi e contrari abompiai, aostare, refrenai, retènnere Frasi de su giogu no si ndhe podet ostènnere ◊ no si ndhe ostenet nudha nudha de su chi li faghet male: e aite a si curare, tandho?! Traduzioni Francese s'abstenir Inglese to refrain Spagnolo abstenerse Italiano astenérsi Tedesco sich enthalten.

ostensóriu , nm Sinonimi e contrari doséliu, espositóriu, tusedhu.

ostèra , nf: istera Definizione logu a ue andhant a crocare e papare is furisteris, a pagamentu; fintzes mere fémina de osteria Sinonimi e contrari istera, ostaria, pasada / stariàrgia / cdh. ustera Frasi candho si fit assentadu in s'ostera, tandho andhaiat de domo in domo a pedire ◊ intreit chentza ndh'ischire nudha sa mere de s'ostera Cognomi e Proverbi smb: Ostera Etimo itl. Traduzioni Francese bistrot, hôtelière Inglese tavern, hotelkeeper Spagnolo taberna, tabernera Italiano osterìa, albergatrìce Tedesco Gasthaus, Wirtin.

ostéri , nm Sinonimi e contrari osteriàrgiu / cdh. usteri Etimo srd.

ostería ostaría