Ditzionàriu in línia
de sa limba e de sa cultura sarda

cadídu , agt Definizione nau de animales e de gente, chi est làngiu a su peus puntu, cun sa pedhe imbodhigada a s'ossu Sinonimi e contrari fadicadu Frasi cussu fiadu est romasu cadidu ◊ sos unturzos si betant a sos pegos cadidos Traduzioni Francese épuisé, squelettique Inglese worn-out Spagnolo consumido, agotado, chupado Italiano sfinito, schelètrico Tedesco erschöpft, abgezehrt.

chelichéli , avb Definizione deasi fine, consumau, chi si podet bíere de una parte a s'àtera Sinonimi e contrari consumidu, irgheleniu, lizinidu Traduzioni Francese consumé, transparent Inglese worn-out, transparent Spagnolo gastado, consumido Italiano consunto, trasparènte Tedesco abgezehrt, durchsichtig.

fadicàdu , agt: fadicau, fadigadu, fatigadu Definizione romasu cadidu, làngiu meda, andhau male meda de carres po fàmine o maladias, o fintzes de su tropu trebballare; nau de unu terrenu, chi giughet pagu sustàntzia Sinonimi e contrari afésiu, irmarridu, lagnu, mabagrabiu, marriu, scalarxiu, scariatzu, surgiu 1 | ctr. arrunzonadu Frasi una giunta de orzu no ti la nego, ca ses fadigadu: ma si ti firmas assazas su puntorzu! ◊ tres ndhe incontrat lanzos, fadigados, malancinidos e gai maltratos chi li ant fatu una tale impressione de zente essindhe dae sa presone ◊ coment'e unu calledhu fadigadu in pè no ti rezias de su fàmine 2. za l'ingrassat su logu fadigadu totu cussu ledàmine! Etimo srd. Traduzioni Francese affaibli Inglese run down Spagnolo agotado, consumido Italiano deperito Tedesco heruntergekommen, abgezehrt, abgemagert.

irgheleníu , agt, pps: irghiliniu Definizione de irghelenire Sinonimi e contrari afésiu, consumidu, mabagrabiu, maluvratu, marriu, scalarxiu, scariatzu, surgiu 1 2. mi aggarrant, mi picant a fichias de pede e mi lassant a un'ala, mesu irghiliniu: abbarro pacos secundhos gai, a dolores, e tandho zúbilo Traduzioni Francese émacié, épuisé Inglese worn out Spagnolo agotado Italiano consunto, sfinito Tedesco abgezehrt, erschöpft.

istrimuzídu , pps, agt Definizione de istrimuzire; torrare a pagu, a malu puntu, isfrutau meda Sinonimi e contrari antigoridu, issiminziu, mabagrabiu, maltratu, marriu 2. cussu a fortza de istare chentza manigare est fintzas cari istrimuzidu ◊ berbeghes, boes istrimuzidos Traduzioni Francese émacié, épuisé Inglese wan, worn out Spagnolo macilento, demacrado Italiano macilènto, smunto, stremato Tedesco abgezehrt, abgemagert, erschöpft.

mabagrabíu , agt: malacariu, malincaridu, malincariu Definizione chi est acadidu male, meda, tropu (istat male, nau de gente ma fintzes de matedu), fintzes chi faet a tímere de sa bisura lègia chi portat, chi paret una pantuma, in cara mala, iscarugiu, istrupiau puru Sinonimi e contrari afésiu, istrimuzidu, marriu, maltratu, scalarxiu, scariatzu, surgiu 1 Frasi fut tanti malacariu chi dhu tzerriànt "Puntedhu" ◊ in atonzu àrbores, predas e tupas si bient malincarios ◊ a piciochedha arrigollendi ispiga nci dh'est istichiu unu cambu de fenu in s'ogu e abarrara est istrupiara, ma mancai cun s'ogu malacariu no si est arréndira mai Etimo srd. Traduzioni Francese émacié, blême, pâle Inglese gaunt Spagnolo macilento Italiano macilènto, smòrto Tedesco abgezehrt, hager, blaß, bleich, verblaßt.

maltràtu , agt, nm: malutratu, matratu Definizione prus che àteru nau de ccn., chi est fintzes légiu de bisura a fortza de istare male o de dhu tratare male, chi si biet a sa bisura chi at sufriu o est sufrindho meda; nau de cosa, chi est malacòncia, andada male; su maletratare Sinonimi e contrari atrasatadu, ispitiu, issiminziu, istrimuzidu, mabagrabiu, stravaciau / matratamentu Frasi tres ndh'incontrat malancinidos e gai maltratos chi pariat zente essindhe dae sa presone ◊ sa zente maltrata patindhe meda creschiat sa vida ◊ ses de persone maltrata ◊ nàrami ite as àpidu, Antioga, totu aggruncida e maltrata! ◊ zughes sa carena matrata pro cantu ses patindhe 3. pro ti dare maltratu, no t'iscrio! (Moretti)◊ cantu malutratu l'apo fatu a muzere mia!…◊ a imperriotu mi dh'ia cicida: a su maltratu chi teniat de mei sa madriola si fut aortida Traduzioni Francese fané, mal en point, affaibli Inglese run down Spagnolo maltrecho Italiano sciupato, deperito Tedesco abgezehrt, heruntergekommen, beschädigt, verdorben.

marríu , agt Definizione chi istat male de prupas, làngiu fintzes meda; nau de unu terrenu, chi est annigrinu o de pagu sustàntzia / èssiri m. in candela, che tzinniga = sicu che linna, romasu cadidu; marriu a fessu [afésiu]= totu pedhe e ossos Sinonimi e contrari acarestiatu, afésiu, finigosu, lagnu, mabagrabiu, scalarxiu, scariatzu, surgiu 1, suspiu | ctr. rassu Frasi de annomíngiu dhi nant "Fustigu" ca est marriu in candela ◊ portat sa faci marrida ma diaici marrida chi assimbillat prus a una coga chi no a genti de custu mundu ◊ est una tzia bècia bècia e marria marria 2. su piciochedhu fiat grogu che sa cera, non s'iscièt ita tenera e fut torrau marriu a fessu (A.Simbula) Etimo spn. marrido Traduzioni Francese pâle, émacié, hâve Inglese wan Spagnolo demacrado Italiano smunto Tedesco abgezehrt, abgemagert, mager.

ossiràsu , agt Sinonimi e contrari antigoridu, malacariu Traduzioni Francese cachectique, émacié Inglese gaunt Spagnolo caquéctico, macilento Italiano cachèttico, macilènto Tedesco siech, kränklich, abgezehrt.

scariàtzu , agt Definizione si narat de gente, candho unu est coment'e consumau, làngiu Sinonimi e contrari afésiu, irgheleniu, mabagrabiu, maluvratu, marriu, scalarxiu, scariau, surgiu 1 | ctr. rassu Traduzioni Francese maigre Inglese consumed Spagnolo flaco Italiano consunto, magro Tedesco abgezehrt, abgemagert.

surzídu , pps, agt: surziu Definizione de surzire; nau de unu po sa carena, chi est làngiu meda Sinonimi e contrari afésiu, assúspidu, carasu, mabagrabiu, marriu, scalarxiu, scariatzu Traduzioni Francese émacié Inglese skinny Spagnolo demacrado Italiano emaciato Tedesco abgezehrt.