acàssidu, acàssu , agt Definizione chi istat male, est sufrindho / èssere a. de fàmine, de sidis = èssere cassidu de fàmine, de sidi, patindhe fàmine, sidi meda Sinonimi e contrari achénsidu, achensu, cansidu, / cdh. svadhu | ctr. pasadu / mascadu Frasi acassu de sidis m'imbenugaia in s'oru de sa cora pro bíbere ◊ aisculto a buca abberta acassu de melodia ◊ che a poberitu in sos acassos apo rujadu làcanas pro bídere sa fortunedha mia (F.Dedola)◊ una die unu chervu, acàssidu, si acúrtziat a una funtana pro si catzare su sidis Traduzioni Francese épuisé, besogneux Inglese worn-out, needy Spagnolo agotado, necesitado Italiano esàusto, bisognóso Tedesco bedürftig.

achénsidu , agt: achéssidu Definizione immarriu meda, a tropu, chentza fortzas po su istare male, a fortza de sufrire Sinonimi e contrari acassu, achensu, cansidu, irbaléndhidu, irbalesiadu Frasi funt atambainados, chena ammentu perunu, achénsidos dae sas podhas chena pasu ◊ sas funtanas sunt achénsidas isetendhe a tie ◊ nessi mi esseras bénnidu achéssidu ma biu! Traduzioni Francese épuisé Inglese exausted Spagnolo exhausto, agotado Italiano esàusto Tedesco erschöpft.

afésiu , agt Definizione chi istat male de prupas, làngiu, indebbilitau Sinonimi e contrari cagancinu, ceghixedhu, immarriu, lepuciu, mabagrabiu, marriu, scalarxiu, scariatzu, surgiu 1 Traduzioni Francese maigre Inglese lean Spagnolo agotado Italiano sparuto, deperito Tedesco schmächtig, heruntergekommen.

ammunzàdu , pps, agt Definizione de ammunzare; immarriu a tropu, chi at leau tropu múngia Sinonimi e contrari istasidu 2. fuit totu sueradu, ammunzadu, istracu Traduzioni Francese en mauvais état, mal en point Inglese mistreated Spagnolo agotado Italiano strapazzato Tedesco mißhandelt.

cadídu , agt Definizione nau de animales e de gente, chi est làngiu a su peus puntu, cun sa pedhe imbodhigada a s'ossu Sinonimi e contrari fadicadu Frasi cussu fiadu est romasu cadidu ◊ sos unturzos si betant a sos pegos cadidos Traduzioni Francese épuisé, squelettique Inglese worn-out Spagnolo consumido, agotado, chupado Italiano sfinito, schelètrico Tedesco erschöpft, abgezehrt.

cansídu , agt: acansidu, cassidu Definizione immarriu meda, chi est a malu puntu Sinonimi e contrari acassu, achénsidu, achensu, ansidu, istracu | ctr. pasadu, folte Modi di dire csn: cassidu de sidi = morindhe de su sidi, chi tenet sidi meda; cassidu de pane = chi tenet bisonzu mannu de pane, famidu Frasi sas ancas no lu rezent: sunt cassidas 2. sa terra est cansida de suore: dade suore a sa terra chi bos dat in giambu ispigas! Etimo srd. Traduzioni Francese épuisé Inglese exausted Spagnolo exhausto, extenuado, agotado Italiano esàusto Tedesco erschöpft.

disartoriàdu , agt Definizione chi est chentza artórios, chentza fortzas, mescamente po calecunu dolore o debbilesa Sinonimi e contrari fiacu, iddardurau, ilgherradu, infraculidu, irfrachiu, istasidu, martoriadu, smardoscinau | ctr. briosu Etimo srd. Traduzioni Francese exténué Inglese enervated Spagnolo enervado, agotado Italiano snervato, spossato Tedesco zermürbt.

fadicàdu , agt: fadicau, fadigadu, fatigadu Definizione romasu cadidu, làngiu meda, andhau male meda de carres po fàmine o maladias, o fintzes de su tropu trebballare; nau de unu terrenu, chi giughet pagu sustàntzia Sinonimi e contrari afésiu, irmarridu, lagnu, mabagrabiu, marriu, scalarxiu, scariatzu, surgiu 1 | ctr. arrunzonadu Frasi una giunta de orzu no ti la nego, ca ses fadigadu: ma si ti firmas assazas su puntorzu! ◊ tres ndhe incontrat lanzos, fadigados, malancinidos e gai maltratos chi li ant fatu una tale impressione de zente essindhe dae sa presone ◊ coment'e unu calledhu fadigadu in pè no ti rezias de su fàmine 2. za l'ingrassat su logu fadigadu totu cussu ledàmine! Etimo srd. Traduzioni Francese affaibli Inglese run down Spagnolo agotado, consumido Italiano deperito Tedesco heruntergekommen, abgezehrt, abgemagert.

illaéndhidu , agt: islaéndhidu Definizione chi est chentza fortzas prus Sinonimi e contrari addrolliu, irbalesiadu, iscinigau Frasi una lughe poética noa a peuta est bolendhe lezera subra de sas frommas antigas islaéndhidas (G.Camboni)◊ fit totu illaéndhidu, a bratzos falados, réndhidu, ne rutu in totu ne ritzu Traduzioni Francese épuisé Inglese worn-out Spagnolo agotado Italiano sfinito Tedesco erschöpft.

ilmarrídu , pps, agt: irmarridu, ismarriu Definizione de ilmarrire; chi est chentza fortzas de su fàdigu, de su langiore, de su tropu trebballu Sinonimi e contrari afésiu, fadicadu, istasidu, mabagrabiu, marriu, scalarxiu, scariatzu, surgiu 1 | ctr. arrunzonadu 2. e poto nàrrere chi apo fatu proa, però tenia su giuo irmarridu, mancu artziare podiat sa coa!(B.R.Carbone)◊ deo no poto currer ne trotare che cadhu topu, betzu e ilmarridu (Moretti) Traduzioni Francese affaibli Inglese run down Spagnolo agotado Italiano deperito Tedesco heruntergekommen.

immarríu , pps, agt: smarriu Definizione de immarrire; chi istat male de petzas, làngiu; chi est istracu meda / immarriu che àinu = istracu che àinu Sinonimi e contrari lagnu, marriu* / istracu 2. is duos fiant lómpios a sa funtana immarrios ◊ apustis de totu cussu viàgiu a pè furint immarrios ◊ trebballandho deasi funt immarrios ◊ commo seo immarriu e no sigo su contu ◊ fiais immarria ma custa iscutighedha de sonnu bosi at pausau! Traduzioni Francese affaibli Inglese run down Spagnolo agotado Italiano deperito Tedesco heruntergekommen.

irbaléndhidu , pps, agt Definizione de irbalèndhere Sinonimi e contrari achénsidu, ammunzadu, fiacu, infrachiu, irbalesiadu, irmarridu, istasidu | ctr. briosu, folte, pasadu 2. semus totu irbaléndhidos de cantu semus istracos! Traduzioni Francese épuisé Inglese exausted, taken a short run Spagnolo agotado Italiano defatigato, esàusto Tedesco müde, matt.

irgheleníu , agt, pps: irghiliniu Definizione de irghelenire Sinonimi e contrari afésiu, consumidu, mabagrabiu, maluvratu, marriu, scalarxiu, scariatzu, surgiu 1 2. mi aggarrant, mi picant a fichias de pede e mi lassant a un'ala, mesu irghiliniu: abbarro pacos secundhos gai, a dolores, e tandho zúbilo Traduzioni Francese émacié, épuisé Inglese worn out Spagnolo agotado Italiano consunto, sfinito Tedesco abgezehrt, erschöpft.

isbagazàdu , agt Sinonimi e contrari addrolliu, allacanadu, ammarturau, disartoriadu, ilgherradu, isbriadu, iscinigau, smardoscinau Frasi ómine, fiadu isbagazadu de su triballu, de su fiazu Traduzioni Francese épuisé Inglese exausted Spagnolo agotado Italiano sfinito, spossato, stremato Tedesco erschöpft, völlig ermattet.

isbriàdu , agt Definizione chi no tenet briu, fortza Sinonimi e contrari abbrebesciau, addrolliu, isbagazadu Traduzioni Francese épuisé Inglese worn-out Spagnolo agotado Italiano sfinito, fiacco Tedesco erschöpft, matt.

iscinigàu , agt Definizione mortu e consumau, nau de ccn. chi est chentza fortzas nudha Sinonimi e contrari illaéndhidu, irbaléndhidu, irbalesiadu, isbagazadu, istasidu Traduzioni Francese épuisé, à bout Inglese all in Spagnolo agotado Italiano sfinito Tedesco erschöpft.

ispossibíu , pps, agt Definizione de ispossibire; chi est abbarrau chentza fortzas Sinonimi e contrari afalléssiu, allibiu, ilgherradu, infrachiu, istasidu, istéssitu, tzédidu 2. che so ispossibiu ca so sempre chin issu a tetemeche ◊ m'intendho ispossibiu, aiat nau, est coment'e chi mi apant secau s'ischina ◊ Bobbore pranghet s'amicu mortu e, orammai ispossibiu, rughet a terra (T.Ledda) Traduzioni Francese épuisé Inglese exausted Spagnolo agotado, extenuado Italiano spossato Tedesco erschöpft.

issustassiàdu , agt Definizione chi at pérdiu (o che dhi ant bogau) sa sustàntzia, sa fortza Frasi custu terrinu est issustassiadu ◊ so issustassiadu Etimo srd. Traduzioni Francese appauvri, épuisé Inglese impoverished Spagnolo empobrecido, agotado Italiano depauperato Tedesco verarmt.

istasídu , pps, agt: istasiu, istaxidu, stasiu Definizione de istasire; chi est chentza fortzas nudha, pigau a debbilesa, de s'immarritzone / porcu istasidu de su lardu = chi no si podet aúrghere de cantu est rassu, chi no bi la faghet a si mòere Sinonimi e contrari ammunzadu, fiacu, infrachiu, irbaléndhidu, irbalesiadu, irmarridu, iscaudhadu, iscinigau, istagiu / cdh. scussatu / frimmadu | ctr. briosu, forte Frasi su tempus malu l'at istasidu 2. tue andhas che muvra, giovanedha, e deo so che pegus istasidu (A.Casula)◊ it'e mandhigare no at fortza a ndhe chircare ca est débbile, istasida ◊ messajedhus cun duus bòis istasius, unu carru e calincunu terrenu, adítziu si campànt sa vida ◊ milliones de pipios morint istasios in cada ala de su mundhu Traduzioni Francese épuisé Inglese worn-out Spagnolo agotado, exhausto Italiano estenuato, stremato Tedesco erschöpft.

spoderàu , pps, agt Definizione de spoderai; chi est chentza fortzas Sinonimi e contrari débbile, disartoriadu, fiacu, infrachiu, ispossibiu, istasidu | ctr. folte Traduzioni Francese débilité Inglese weakened Spagnolo debilitado, agotado Italiano debilitato Tedesco geschwächt.

«« Cerca di nuovo