A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

osserbàre, osservài, osservàre osselvàre

osservatóriu , nm Definitzione logu, pruschetotu fruniu de machinàrios e istrumentos, inue si podent osservare cosas e fenòmenos, pruschetotu in s'universu, in sa Terra; logu de istúdiu, po cricare e osservare fatos de dónnia genia (o fintzes solu de una genia precisa, es. economia) Sinònimos e contràrios isperiadolzu, spécula Frases su caboni de murdegu si orientat cun is istedhus coment'e chi portit un'osservatóriu astronómicu e una computera in su ciorbedhu (M.Licheri) Tradutziones Frantzesu observatoire Ingresu observatory Ispagnolu observatorio Italianu osservatório Tedescu Observatorium, Beobachtungs- stelle.

osservatziòne , nf Definitzione su osservare, fintzes is cosas chi si agatant osservandho, cosa chi si agatat de nàrrere Sinònimos e contràrios asserva, cadelu Tradutziones Frantzesu observation Ingresu observation Ispagnolu observación Italianu osservazióne Tedescu Beobachtung, Bemerkung.

ossessiòne , nf Definitzione genia de idea mala, firma in conca, coment'e cosa chi no si arrennescet a bínchere Sinònimos e contràrios abeju, berinizu, grima, violu.

óssia, óssica , nf: óssiga Definitzione logu a ue portant e chistint is ossos de is mortos, in campusantu; fintzes is ossos etotu, is ossos salios de su porcu cun pagu pagu de prupa e de lardu bonos a fàere sa piscadura Sinònimos e contràrios ossaja, ossera, óssina / ossàmene, ossamenta Frases e ite fit, pro isse, a giúghere, a perra de mesanote, una conca de mortu dae s'óssiga a sa pinneta? ◊ in campusantu asuta de sa capella dhui est sa domu de s'óssia 2. dae su porcu tenent sas provistas totu s'annu: su lardu, sa sartitza, s'óssica ◊ sa piscadura si faghet cun óssica, sartitza, cantos de prossutu, frinucu, irimulata Ètimu srd. Tradutziones Frantzesu ossuaire Ingresu charnel house Ispagnolu osario Italianu ossàrio Tedescu Ossarium.

ossichedhósu , agt Definitzione chi portat ossighedhos meda, prus che àteru nau de frutuàriu chi portat granighedhos tostaos Sinònimos e contràrios pedrosu, perdixedhosu Ètimu srd.

ossichédhu , nm: ossixedhu, ussichedhu Definitzione min. de ossu, ossu piticu; a logos fintzes oliedhu, su frutu de s'ogiastu Tradutziones Frantzesu osselet Ingresu small bone Ispagnolu huesito Italianu ossicino Tedescu Knöchelchen.

ossidài, ossidàre , vrb Definitzione cumpònnere cun s'ossígenu, nau pruschetotu de is metallos, portare a s'istadu de óssidu Tradutziones Frantzesu oxyder Ingresu to oxidize Ispagnolu oxidar Italianu ossidare Tedescu oxydieren.

ossidiàna , nf Definitzione pedra crobina, perda pistoni, perd'e fogu, imbidru vulcànicu, genia de pedra niedha lúghida chi, che imbidru etotu, àstulat a iscatas, a orrughedhos fines: si agatat a coròngios (mescamente in su Monte Arci) e is antigos ndhe faiant ainas po segare e púnghere e po cussu at distintu un'època manna de s'antigóriu, su neolíticu Terminologia iscientìfica mnr Tradutziones Frantzesu obsidienne Ingresu obsidian Ispagnolu obsidiana Italianu ossidiana Tedescu Obsidian.

ossídricu , agt Definitzione nau de sa fràmula, chi si faet abbruxandho ossígenu cun idrògenu, a temperadura arta meda de iscagiare is metallos e po cussu impreada po sardare o fintzes po segare metallu grussu.

ossídrinu , agt Definitzione chi portat is ossos débbiles, chírdinos, chi si segant luego po maladia chi si dhos papat Tradutziones Frantzesu ostéoporotique Ingresu osteoporotic Ispagnolu osteopórotico Italianu osteoporòtico Tedescu osteoporotisch.

óssidu , nm Definitzione css. cumpostu de metallu cun ossígenu Tradutziones Frantzesu oxyde Ingresu oxide Ispagnolu óxido Italianu òssido Tedescu Oxyd.

ossiédhu , nm Definitzione est inue si atacant is singiales de su missale, de unu líbberu mannu; est fintzes ossighedhu po limbatzu de sonàgia, o genia de puncione (oto) in su giuale po fàere arrèschere méngius is loros Sinònimos e contràrios assaedhu*.

ossiéri , nm: iscieri, uscieri* Definitzione impiegau chi giaet atentzione a sa gente in intrada de ufícios, ma fintzes postu a fàere misciones de importu fora de su locale.

ossificài, ossificàre , vrb Definitzione fàere o essire a ossu, tostau.

óssiga óssia

ossigàza , nf Definitzione ossos Sinònimos e contràrios ossàmene, ossamenta Frases in sa tuva de un'àrbure ant agatadu ossigaza e concas de mortu Ètimu srd.

ossigenadúra , nf Definitzione su ossigenare.

ossigenàre , vrb Definitzione giare ossígenu.

ossígenu , nm: ossízene Definitzione elementu chímicu de símbulu O, númeru atómicu 8 e pesu atómicu 16: de totu is elementos est su prus chi si agatat in natura (pruschetotu in s'abba e in s'ària), intrat in totu sa sustàntzia orgànica, est necessàriu po sa vida, si cumbinat cun àteros elementos produendho calore (e fintzes fogu, abbruxamentu, fràmula) Tradutziones Frantzesu oxygène Ingresu oxygen Ispagnolu oxígeno Italianu ossìgeno Tedescu Sauerstoff.