A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

óspili óspile

óspinu , nm Definitzione genia de erba chi faet in s'abba, unu pagu pitzigorosa, bona a insalada Sinònimos e contràrios acione, giúgiuru, grúspinu*, íspini, martutzedhu, mastrutu, nartussu Terminologia iscientìfica rbz, Nasturtium officinale.

ospiòne , nm: ispione* Sinònimos e contràrios aporridore, medianeri, uspia.

ospisóspis , avb Frases essiat dae bidha a su primu postale ma, imbetzes de partire, ospisospis si ch'essiat a su terrenedhu suo (A.Satta).

ospítziu , nm Definitzione logu, locale inue acasàgiant gente bisongiosa, bècia, sola Tradutziones Frantzesu hospice Ingresu hospice Ispagnolu hospicio Italianu ospìzio Tedescu Heim.

òssa , nf Definitzione is ossos Sinònimos e contràrios ossamenta Ètimu ltn. ossa.

ossàja, ossàju , nf, nm: ossarju Definitzione genia de frundhagu o depósitu asuta de terra inue chistint is ossos de is mortos, betaos a muntone, in campusantu Sinònimos e contràrios ossera, óssica.

ossàju 1 , nm Definitzione maistu chi faet trebballos de ossu Ètimu srd.

ossàmene , nm: ossàmine, ossàmini Definitzione is ossos, ossos de animales, de gente Sinònimos e contràrios ossamenta / cdh. ussàmini Frases in su pàtiu bi ant lassadu ossàmine de berveghe Ètimu srd. Tradutziones Frantzesu os, ossements Ingresu bones Ispagnolu huesos, osamenta Italianu òssi, òssa, ossame Tedescu Knochen.

ossamènta , nf Definitzione is ossos, totu is ossos de sa carena (de gente, de animale) Sinònimos e contràrios ossàmene, ossigaza Frases s'ossamenta de su porcu salida si faghet a piscadura cun erbuzu Ètimu srd.

ossaméntu , nm Definitzione totu is ossos de sa carena po comente funt intraos apare s'unu cun s'àteru Sinònimos e contràrios carasu Ètimu srd. Tradutziones Frantzesu squelette Ingresu skeleton Ispagnolu esqueleto Italianu schèletro Tedescu Skelett, Knochengerüst.

ossàmine, ossàmini ossàmene

ossàri , agt Definitzione dhu narant de una genia de untúrgiu Terminologia iscientìfica pzn Ètimu srd.

ossàrju ossàja

ossàssi , nm Definitzione iscova de argiolas o mundha domos, una genia de erba linnosa, fragosa, bona po iscovas e po auscare porcos Sinònimos e contràrios alacasu, bronzedhu, calacasu, cocici, locasu, lucrexu, mummueu, spinedopis Terminologia iscientìfica rbl, Stachys glutinosa Ètimu srdn.

osselínu , nm Definitzione ossu de linu, sa parte tostada de su linu chi ogronandho candho est àrridu che andhat a orrughedhos Ètimu srd.

osséllu , nm Definitzione papare, ou cotu in bagna cun chibudha Terminologia iscientìfica mng.

osselvàre , vrb: osserbare, osservai, osservare Definitzione castiare bene, cun atentzione, a manera de bíere totu de una cosa e pruschetotu su chi si cricat; arrespetare unu cumandhamentu, una lei Sinònimos e contràrios abbadiai, abberguare, castiai, selvare / arraspetai 2. e tui, chi ses bonu, osserva su cuntratu chi tenis cun Deus e fai che a su samaritanu! Ètimu itl. Tradutziones Frantzesu observer Ingresu to observe Ispagnolu observar Italianu osservare Tedescu beobachten.

ossèra , nf Definitzione in is campusantos, logu inue arrimant e chistint ammuntonaos is ossos de is mortos, candho che dhos bogant de is tumbas; muntone de ossos Sinònimos e contràrios ossaja, óssia, óssina Frases como chi est mortu, in s'ossera no tenet diferéntzia ◊ tristu e mudu mi at paradu su bídere sa foresta che un'ossera ◊ cancunu at arrogau sa porta de sa domu de s’ossera po ndi bogai una carròcia 2. in pag'ora cudhos canes fint furriados totu a un'ossera, totu mortos Ètimu ctl. ossera Tradutziones Frantzesu ossuaire Ingresu ossuary Ispagnolu osario Italianu ossàrio Tedescu Ossarium.

osserbadòre , agt, nm Definitzione chi o chie osservat Sinònimos e contràrios allampiadore, averiguadore.