A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

poète poèta

poéticu , agt Definizione chi pertocat sa poesia, chi est in poesia, praghillosu che poesia Frasi boghes de verbu de forma poética: pensao, torrao = pensaia, naraia, ma azummai guales a pentzamu, naramu ◊ a sas festas faghent sa gara poética Traduzioni Francese poétique Inglese poetic Spagnolo poético Italiano poètico Tedesco dichterisch, poetisch.

poétu , nm Definizione pou, putzighedhu pitichedhedhu (in logu de fognas, de cundhutos e tubbos de abba) Etimo ctl. pouet Traduzioni Francese petit puits, fosse d'écoulement à l'égoût Inglese well Spagnolo hoyo, pozo Italiano pozzétto Tedesco Abzugsgrube.

poforínu , nm: profurinu, purfurinu Definizione puzone trinu, de turra, de palatu, pigione múrinu o murinatzu, crunculleu, genia de pigionedhu chi faet meda su niu fintzes in is teuladas de is domos in bidha Sinonimi e contrari afuràrgiu, craculeu, crucúciu, fruferarzu, frufurinu*, muntonarjari, trinedha, tziria Frasi su sero torrant sos poforinos a drommire in s'àlvure ◊ sos poforinos de sa leada acudeint che cumandhados a bustare in su trigu sou ◊ candho a s'imbesse s'argumentu sonas tandho sos profurinos los ispannas!(Pirastru) Terminologia scientifica pzn, passer hispaniolensis.

poghédhu pachédhu

pogherítu , agt Definizione de pógheru.

poghertàde , nf Definizione su èssere pòberos, su no àere benes; is pòberos Sinonimi e contrari poberesa, pobertade | ctr. richesa / erricos.

pógheru , nm, agt Sinonimi e contrari pòberu*, coltzu, scedau Frasi pòghera mama, che campu chena ispicas! ◊ su pógheru cheret impicadu chin s'istintina de su ricu ◊ pògheras creaturas! Cognomi e Proverbi prb: no apas imbígia de priucu ingrassatu ne de pogheredhu mennatu.

pògias , nf, nm pl: pozas, pozos Definizione foedhu chi narant sèmpere pl.: cumandhu, podere de cumandhare / in p. de… = asuta su cumandu de…, a cumandu de…, bàsciu de… Sinonimi e contrari podere, possa Frasi fit in pògias de Lutziferru ◊ si fit istadu in pozos mios, fizu tou, aias bidu chi fit andhadu! ◊ no ant in pozas métrica e mesura, ne tratu bellu, ne ranza de sentidu ◊ lassa sa barca in pògias de s'echipàgiu!

pogimài , avb: apogiumai, pogiummai, potzumai, protzimai Sinonimi e contrari agimmai*, porummai Frasi pogiummai faent su sennore cant'e is erricus! ◊ pogimai ti ammàchias! ◊ sichinne a caminare a cara in secus, protzimai no istrempat sos murros a una domo.

pogiólu , nm: pugiolu Definizione tretu in artu, fatu fora de su muru maistu de una domo, a paris de unu pianu in artu, a ue si essit po si incarare Sinonimi e contrari ispassizu, passizu Etimo itl. poggiolo.

pogisía , iscl Definizione p. ca no seis prontas a si difendi apari!… = lampu ca sezis prontas a…

pogitacòe , avb Definizione ca assinuncas, ca sinono.

pógiu , nm, nf: poja 1, poju, pou, poxu, poza, pozu Definizione fossu prenu de abba mescamente in errios mannos (ma fintzes fossu ebbia); genia de bartza tundha, fraigada a muru, in su sartu Sinonimi e contrari bàtiga, cadhaja, corrovoni, fògia 1, foxone, gurgu 1, trógliu Modi di dire csn: una poja de ludu = fossu prenu de ludu; pozu de sàmbene = lacuina, lotzina de sànguini chi at pérdiu ccn. Frasi sa rana istat cracagliendhe intro de sos pojos ◊ si no ischis nadare, no ti abburres in sos pògios fundhucos! ◊ de tretu in tretu su pastore at fatu sos pojos pro abbare sa robba ◊ l’avio zirau e istrampau in su ludu de una poza, gherrandhe a istrumpa 2. in s'ortu bi amus fatu su poju pro collire s'abba 3. custu est fintzas tempus de oro pro chie est fora de pojos de peleu Cognomi e Proverbi smb: Poggiu Traduzioni Francese point le plus profond d'un fleuve Inglese river ditch Spagnolo hondonada en los ríos Italiano tónfano Tedesco Kolk.

pogiummài pogimài

pòglia , nf Definizione genia de arregalu chi si giaet a unu po si dhu fàere a sa manu, po dhu tènnere a favore / betare pòglias a una cosa = betare francas a una cosa, atacai a trabballai 2. tia Remundha, cun s'ispola in manu, mintet pòglia a su telarzu ◊ sa die chi li mintet pòglias a resolza lu bochit!◊ candho apo intesu a nonna mi ndhe so pesada dae su letu e che li apo postu pòglias in coghina Etimo spn polla (M.Maxia).

pói , avb: pois Definizione tempus chi benit aifatu de un'àteru / prep.: p. de… Sinonimi e contrari apustis, posca | ctr. innantis Frasi innantis faghimus su triballu, poi nos pasamus 2. pois de tantas dies est andhadu Etimo itl. poi.

poigéri , nm Definizione piscadore a bolígiu Etimo srd.

poígiu , nm: bolígiu* Definizione genia de arretza chi si pigat a tragu in su fundhu de su mare, po piscare: est fata cun duas bandhas largas e longas chi si aunint faendho a bisura de sacu (màiga) a punta (cugutzu o sacheta, o fintzes capelletu) Terminologia scientifica pscd.

poína palína 1