A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tuvàna , nf Definizione tretu tuvudu, isperradura in s'orroca Sinonimi e contrari abbelta, calanca.

túvara túfera

túvara 1 , nf: túvura 1 Definizione una genia de codrolinu / calidades de t.: cardulinu de t. = tuvaredha, tuntunnina; t. niedha, t. de arena, t. de canna, itl. tartufo Sinonimi e contrari antunna, cardolinu, corrorinu, cucumedhu, tugnu, tontonniu Frasi mi seu crocau asuba de una túvura e… coment'est créscia mi nd'at pesau sa conca de terra! Terminologia scientifica atn Etimo ltn. tuffera.

tuvaràlgiu , nm: tuveràrgiu, tuverarzu Definizione logu inue dhue faet meda sa túvera, su ghidhostre, boschile de ghidhostre; tuveràrgiu est fintzes unu cricadore de codrolinu (túvara 1) Etimo srd.

tuvarèdha , nf: tuveredha, tuvuledha Definizione una genia de codrolinu, sa túvara de arena Sinonimi e contrari toa 1 Terminologia scientifica atn Traduzioni Francese psalliote Inglese meadow mushroom Spagnolo champiñón, hongo de cepa Italiano fungo prataiòlo Tedesco Wiesenchampignon.

tuvaretàna , nf Definizione genia de codrolinu bonu chi faet fintzes mannu, grogo asuta, in colore de castàngia in pitzu Sinonimi e contrari bulè, cacaledha, cachedha Terminologia scientifica atn.

túvaru , agt: túvulu 2 Definizione chi est totu coment'e buidu, a buidedhos, nau de ebrúgios passaos (es. arraigàrgia, fenugu de ortu)/ matone túvulu = istampau, a traparili Sinonimi e contrari bóidu, pimonatu, tuvonatu, tuvu, tuvudu | ctr. pienu Frasi in terra de ardu túvulu e mudeju, istrambos ramos bogant annoizos dae s'antigu mutzu truncu beju (S.Casu) Etimo srd. Traduzioni Francese filandreux Inglese towy Spagnolo fibroso Italiano stoppóso, fibróso Tedesco faserig.

tuvàtu , agt Definizione chi est buidu, a buidedhos in mesu, nau de linnas Sinonimi e contrari bóidu, cambarau, precolatzu, tufudu, túvaru, tuvonadu, tuvonatu | ctr. pienu Etimo srd. Traduzioni Francese poreux Inglese porous Spagnolo poroso Italiano poróso Tedesco porös, porig.

tuvèdha trobèdha 1

tuvèdha 1, tuvédhu tovédhu

tuvedhàtile , agt Definizione chi est tuvudu, meda o fintzes pagu (es. su pischedhu de su casu) Sinonimi e contrari tuvedhatu.

tuvedhàtu , agt Definizione chi est totu a tuvedhos, tufudu, buidu aintru, in mesu, nau de pedra, de linna Sinonimi e contrari tuvatu | ctr. pienu Etimo srd.

tuvèle tevèle

tuvèra , nf Definizione su cannone de ferru de is fodhes de is ferreris po bogare s'ària a surbare su fogu Etimo ctl. tubera.

túvera túfera

tuveraitàna , nf Definizione napu tamburru o túvara vitània, genia de patata americana, druche meda e tostada Sinonimi e contrari tamburra Terminologia scientifica rbzc, Helianthus tuberosus Traduzioni Francese topinambour Inglese jerusalem artichoke Spagnolo aguaturma Italiano topinambùr Tedesco Erdapfel.

tuveràrgiu, tuveràrzu tuvaràlgiu

tuverèdha tuvarèdha

tuvidòre , agt, nm Definizione chi o chie papat meda Sinonimi e contrari inguglione, sassagoni Etimo srd.

tuvidúvi , avb Definizione andai t. = acanta a orrúere, a conca a denanti coment'e orruendho a cara a terra apustis imbruconau o po un'ispinta forte Frasi c'est essiu tuviduvi, comenti dh'ant ispintu ◊ su giogadori, comenti fut currendi e dhi at postu unu pei in mesu unu cumpàngiu, nc'est essiu tuviduvi ma no est arrutu Etimo srd.