A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tzifitzàfa , nm: cipiciapa* Definizione faghevaghe, istare a su tira e tosta, a murrúngiu, briga po calecuna cosa.

tzífra , nf: cifra* Definizione númeru a solu o cun àteros po inditare unu tanti Sinonimi e contrari númeru.

tzifràre , vrb: cifrai* Definizione pònnere is números, inditare cun números Sinonimi e contrari numerai.

tzigàrru tzicàrru

tzíghima , nf, nm: tzímighe Definizione malesa bianca chi bogat s'ogu, mescamente malàidu, e chi abbarrat in su cugigone de s'ogu etotu o apicigada a prabaristas Sinonimi e contrari gherda 1, pibisu, scrapa 1, simiga, tzerchidha / cdh. cimaca, ttrs. cimaga Frasi zughiat sos ogros frisciados de sa tzíghima Traduzioni Francese chassie Inglese eye-rheum Spagnolo legaña Italiano cispa, sèbo palpebrale Tedesco Augenbutter.

tzighimísa , nm Sinonimi e contrari chinchidha, cinciriga, cispa, flaria, fraidha, ichinchidha, ischinchiridha, istenchidha, tighinisa Frasi tandho pariat unu furru inchesu chi non fachiat a bi pònnere manu, gruspiat tzighimisas che vulcanu pro las ispaghinare fin'atesu (A.Brundu).

tzighimósu tzeghimósu

tzighínu , nm Definizione genia de orrobba / bistiu a tz. = totu bene allichidiu, a colletu e cravata Frasi fiat lómpiu unu sennori a bistimenta de tzighinu niedha 2. babbu fut acabbendusí de assentai, totu achichiritau, bistiu a tzighinu (M.Vacca). Terminologia scientifica ts.

tzignàu , agt Sinonimi e contrari cannidu, isperradu, tzinniadu*.

tzigòta , nf Sinonimi e contrari ciacota.

tzigulíta tzacollíta

tzigúndha tzicúndha

tzilchiatzílchia , avb: tilchiatílchia* Definizione isciustu colagola Frasi poltao sos pes tzilchiatzílchia in sas botas.

tzilchinzàdu , agt Definizione nau de un'animale, chi est a iscurrentziadura, a terchinzu Sinonimi e contrari lainosu, iscurrentziau, iscussuradu Etimo srd.

tzilèstre tzelèste

tzilibbèca , nf: ciribbeca, tziribbeca Definizione su tontonare sa conca de su sonnu, candho unu est dormindhosi ciciu Sinonimi e contrari drumícia, ingratziada, tzulumbrina Frasi sa testa diventat pesante, no cheret istare dereta, ruet a dresta e a manca, faghet sa tzilibbeca ◊ Itória, Itória, sa tzirimónia, sa tziribbeca, corru de beca!

tzilibbecàre , vrb: tzilimbecare, tzirimbecare Definizione tontonare sa conca lassandhodha orrúere a cropu, dormindhosi cicios, tènnere sonnu meda de no poderare sa conca firma Sinonimi e contrari abbiocare, dormitai, isconchidare, sconchiai, sconcoinai, tzurumbecare Frasi isse cantilenandhe e tzilimbecandhe e su sonnu falàndheli che bistrale ◊ est tzilimbecandhe serente su foghile Etimo srd. Traduzioni Francese sommeiller Inglese to doze Spagnolo dormitar Italiano sonnecchiare Tedesco schlummern.

tzilibbríu , nm: tilibbriu* Definizione genia de pigione mannu chi papat petza (sórighes, tilighetas, bobbois) Sinonimi e contrari arcidedhu, curreventu, futibbentu, serpedheri, spadheri.

tzilibíche , nm: ateribilche, silipirche, tilibilche*, tzilifriche, tzilipische Definizione pibitziri / tzilipirche pantzoi = pantzudu, bentrudu (ma nau a disprétziu po ccn.) Sinonimi e contrari mammagràida, pibiciri, pibisiu, telaporca, tziabróssima, tzilibrichi, tzimpilighe Frasi fiant pregandhe po fàede mòrrede su tzilibiche ◊ che ais bogau tzilipisches e arranas 2. cussu tzilipirche pantzoi crepat de s'imbídia! Terminologia scientifica crp.

tzilibríchi , nm: ateribilche, tilibilche* Definizione genia de bobboi de tantas calidades, longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Sinonimi e contrari mammagràida, pibiciri, pibisiu, telaporca, tziabróssima, tzilipische, tzilibrínchidi, tzimpilighe / cdh. tzilibricu Frasi cussu a sos massajos bis pretendhet in pagamentas su chi no che at ispérdiu su tzilibrichi! Terminologia scientifica crp Traduzioni Francese sauterelle Inglese grasshopper Spagnolo saltamontes Italiano cavallétta Tedesco Heuschrecke.