bàdula , nf: Definizione su istare foedhandho meda, coment'e capacidade de foedhare cun facilidade ma fintzes coment'e chistionu chentza cabu Sinonimi e contrari allegantina, apísciulu, argiolu 1, baràglia, ciaciarra, ciaramedha, ciarra, lúlluru, nànnara, paraleta, ragàglia Frasi custas sunt veridades, no bàdulas de binu! Etimo srd. Traduzioni Francese bavardage, babillage Inglese gift of the gab Spagnolo labia, parla Italiano parlantina Tedesco Zungenfertigkeit.

càdara , nf: càdera Definizione su istare sèmpere foedhandho o cantandho, a mémula, e fintzes chie dhu faet Sinonimi e contrari annériu, argioleri, ciaciareri, foxileri, nànnara, paraleta, paraletadore, tàcula / biatzeria, càntara, fanfarronada, làntara Frasi s'intendhent in sas badhes sas toncas mimulosas e ranas totu a càdera acovatzadas in s'oru de su poju (B.Truddaju)◊ ses una càdara! ◊ sa fémina aiat boghe de rana e no la finiat piús cun sas càdaras Traduzioni Francese bavardage, impertinence, fanfaronnade Inglese chat Spagnolo charla, petulancia Italiano chiàcchiera, petulanza, smargiassata Tedesco Geschwätzigkeit, Aufdringlichkeit, Angeberei.

ciàciara , nf: ciànciara, tzàntzara Definizione boghes chi s'intendhent a meda de gente foedhandho, a chistionu / lassare a unu in ciàciaras = lassàrelu solu, lassaidhu a perdi Sinonimi e contrari apísciulu, argiolu 1, arralla, bàdula, ciaciarra, ciaramedha, ciarra, lillora, lúlluru, paraleta, prafata, ragàglia Etimo spn. chàchara Traduzioni Francese bavardage Inglese chatter Spagnolo charlas Italiano chiàcchiera, ciarla Tedesco Gerede.

ciaciarèdha , nf Sinonimi e contrari ciaramedha, laredha, trepedha Etimo srd. Traduzioni Francese bavardage Inglese idle-talk Spagnolo charla Italiano ciància Tedesco Geschwätz.

ciaciàrra , nf Definizione su istare foedhandho chentza importu, a boghe arta, meda Sinonimi e contrari apísciulu, argiolu 1, bàdula, ciaramedha, ciarra, lúlluru, paraleta, ragàglia Traduzioni Francese bavardage, jacasserie Inglese talk Spagnolo charlas Italiano chiàcchiera Tedesco Plauderei.

ciaramèdha , nf, nm: ciaramedhu, tzaramedha Definizione chistionu, prus che àteru chentza cabu e ne coa, boghes de gente a chistionu, lega, bodheta Sinonimi e contrari apísciulu, argiolu 1, bàdula, ciaciarra, lúlluru, paraleta, ragàglia / argioleri / bodheta, naravèglia Frasi in sos ciaramedhos insoro si faedhaiat finas de cosas importantes ◊ resessimos a evitare ciaramedhos, disgràscias e ispesas ◊ e cantos ciaramedhos cunfidados in annos de fainas tra amigos disizosos de lorodhos!…◊ ischire si fit fàula cheriat su ciaramedhu chi aiant bogadu (A.Rubattu) Etimo itl. ciaramella Traduzioni Francese bavardage, chahut Inglese uproar Spagnolo (cirimía), charla Italiano ciarla, cagnara Tedesco Gerede, Krach.

cufàfara , nf: cunfàfara, cunfànfara Definizione su istare foedhandho chentza cabu, cun pagu importu Sinonimi e contrari apísciulu, arralla, bàdula, ciaciarra, ciaramedha, lúlluru, paraleta, ragàglia, unfàfara Etimo srd. Traduzioni Francese bavardage Inglese tittle-tattle Spagnolo charla Italiano ciarla Tedesco leeres Geschwätz.

larèdha, larédhia , nf, nm: laredhu, leredha, lerédhia, lerédhina, leredhu, loredha Definizione irbàmbiu, chistionu chentza imprastu, isciolóriu Sinonimi e contrari allera, creganta, ibbàmbiu, ibéntiu, illériu, larodhu, lérina, trepedha / bodheta, lorea Frasi sa bidha contularjat e bocat a pizu sas leredhas ◊ aimus semper intesu cussa lerédhia lamentosa ◊ naraiat totu custas larédhias iscacagliendhe che macu ◊ candho isse cumintzat chin cussa lerédhia su pitzinnu fachet finta de dormire ◊ chi intrat in larédhias no si arragodat mancu de papai! (A.Garau)◊ no istaiat seganne sa lerédhia a niunu ◊ beh, làssami sa lerédhina! ◊ ancora cun custa loredha de andai a mari ses?! Etimo srd. Traduzioni Francese bavardage Inglese idle-talk Spagnolo cotorreo Italiano ciància Tedesco Geschwätz.

lúlluru , nm Sinonimi e contrari apísciulu, arrelatu, bàdula, chidériu, ciaciarra, ciaramedha, ciarra, lillora, paraleta, ragàglia Frasi in medas butegas fuit unu lúlluru, pariat chi dhui annàt su ballu, de sa zente, de sas bussas, de sas allegas (A.Cossu) Traduzioni Francese babillage, bavardage Inglese babble of voices Spagnolo cháchara, palique Italiano chiacchierìccio, cicaléccio Tedesco Geschwätz.

papardèlla , nf Definizione scioncheria: si narat de cosa iscrita, òpera literària fata male, de su foedhare meda chentza fundóriu, chentza sustàntzia Traduzioni Francese bavardage, jacasserie Inglese mash Spagnolo monserga Italiano pappolata Tedesco Gefasel.

trepèdha , nf, nm: trepedhu Definizione tzarra, chistionu iscioloriau, prus de istrobbu chi no àteru Sinonimi e contrari ciaciaredha, ciaramedha, laredha Frasi chene sa trepedha de su socru cussu si fit pótiu fàchere ◊ sa zente s'intendhiat totu a trepedhu a boche arta in fora, in su mortu Etimo srd. Traduzioni Francese bavardage, babillage Inglese chitchat Spagnolo cotorreo Italiano ciància Tedesco Geschwätz.

«« Cerca di nuovo