Ditzionàriu in línia
de sa limba e de sa cultura sarda

apísciulu , nm: apísulu Definizione pisibisi, chistionedhu, boghighedhas de chistionu; genia de presse Sinonimi e contrari argiolu 1, bàdula, ciaciarra, ciaramedha, ciarra, ciarulitàglia, lúlluru, paraleta, ragàglia / furighedha Frasi chertu no bi at, no bi at apísulu perunu, no movet frina (N.Fois)◊ no s'intendhet apísulu perunu Etimo srd. Traduzioni Francese babillage, impatience Inglese babbling, impatience Spagnolo cotorreo, impaciencia Italiano chiacchierìo, cicaléccio, impaziènza Tedesco Geschwätz, Ungeduld.

ciaciarèdha , nf Sinonimi e contrari ciaramedha, laredha, trepedha Etimo srd. Traduzioni Francese bavardage Inglese idle-talk Spagnolo charla Italiano ciància Tedesco Geschwätz.

crastulímine, crastulímini , nm Definizione su istare crastulandho; gente crastulera, contos de crastuleris Sinonimi e contrari pidanciulímini Frasi no prus su tzérriu de su carrarori, crastulímini in giru a su grifoni: sa genti oi iscurtat su televisori (G.Carta) 2. cussa pratza est unu crastulímini totu! ◊ andant po contai e ascurtai crastulíminis e arriri Etimo srd. Traduzioni Francese commérages Inglese tittle-tattle Spagnolo cotilleo Italiano pettegolume, cicaléccio Tedesco Geschwätz.

cufàfara , nf: cunfàfara, cunfànfara Definizione su istare foedhandho chentza cabu, cun pagu importu Sinonimi e contrari apísciulu, arralla, bàdula, ciaciarra, ciaramedha, lúlluru, paraleta, ragàglia, unfàfara Etimo srd. Traduzioni Francese bavardage Inglese tittle-tattle Spagnolo charla Italiano ciarla Tedesco leeres Geschwätz.

larèdha, larédhia , nf, nm: laredhu, leredha, lerédhia, lerédhina, leredhu, loredha Definizione irbàmbiu, chistionu chentza imprastu, isciolóriu Sinonimi e contrari allera, creganta, ibbàmbiu, ibéntiu, illériu, larodhu, lérina, trepedha / bodheta, lorea Frasi sa bidha contularjat e bocat a pizu sas leredhas ◊ aimus semper intesu cussa lerédhia lamentosa ◊ naraiat totu custas larédhias iscacagliendhe che macu ◊ candho isse cumintzat chin cussa lerédhia su pitzinnu fachet finta de dormire ◊ chi intrat in larédhias no si arragodat mancu de papai! (A.Garau)◊ no istaiat seganne sa lerédhia a niunu ◊ beh, làssami sa lerédhina! ◊ ancora cun custa loredha de andai a mari ses?! Etimo srd. Traduzioni Francese bavardage Inglese idle-talk Spagnolo cotorreo Italiano ciància Tedesco Geschwätz.

lúlluru , nm Sinonimi e contrari apísciulu, arrelatu, bàdula, chidériu, ciaciarra, ciaramedha, ciarra, lillora, paraleta, ragàglia Frasi in medas butegas fuit unu lúlluru, pariat chi dhui annàt su ballu, de sa zente, de sas bussas, de sas allegas (A.Cossu) Traduzioni Francese babillage, bavardage Inglese babble of voices Spagnolo cháchara, palique Italiano chiacchierìccio, cicaléccio Tedesco Geschwätz.

paralèta , nf, nm: parleta, perleta, praleta, pralleta, preleta Definizione unu foedhare sighiu a meda; chie istat sèmpere foedhandho, chi no si citit mai, sèmpere naendho Sinonimi e contrari apísciulu, bàdula, ciaciarra, ciarra, lillora, lúlluru, ragàglia / argioleri, badaceri, càdara, ciaciareri, foxileri, paraletadore, tàcula, tzarrantinu Frasi est bella meda sa preleta nostra ◊ cun cudha issoro perleta tèmperant s'italianu ◊ za ndhe zughes de paraleta, no timas: no assutas un'iscuta! ◊ a mamma li est torrada sa paraleta chi paret unu riu bogadu! 2. ma ses unu paraleta, mih, sempre de unu contu a s’àteru chentza sessare nudha! Etimo spn. parleta Traduzioni Francese loquacité Inglese talkativeness Spagnolo labia, parla Italiano loquacità, parlantina, cicaléccio Tedesco Redseligkeit, Zungenfertigkeit, Geschwätz.

pisedhàda , nf Definizione nada o fata de piciochedhos, a conca de piciochedhos Sinonimi e contrari pitzinnada Etimo srd. Traduzioni Francese enfantillage Inglese childish action Spagnolo niñería Italiano bambinata Tedesco Kinderei, kindliches Geschwätz.

ragàglia, ragàlla , nf: regàglia Definizione chistionu a meda e a boghe arta de una cambarada, tanti po istare a chistionu o fintzes a briga Sinonimi e contrari apísciulu, argiolu 1, bàdula, bataloca, ciaciarra, ciaramedha, ciarra, lúlluru, paraleta / ttrs. ragàglia Frasi sunt a regàglia fata, chi nachi como sos tempos sunt giambados ◊ intendhendhe sa ragalla, si sunt acurtziados pro ndhe collire s'assuntu de su cuntrestu ◊ custa ragalla a cust'ora in sa carrela, ite bi at? Cognomi e Proverbi smb: Ragàglia, Regaglia Etimo srd. Traduzioni Francese vacarme, brouhaha Inglese noise, bawling Spagnolo estrépito, estruendo, parloteo Italiano chiasso, frastuòno di vóci, vocìo Tedesco Geschwätz, Quasselei.

trepèdha , nf, nm: trepedhu Definizione tzarra, chistionu iscioloriau, prus de istrobbu chi no àteru Sinonimi e contrari ciaciaredha, ciaramedha, laredha Frasi chene sa trepedha de su socru cussu si fit pótiu fàchere ◊ sa zente s'intendhiat totu a trepedhu a boche arta in fora, in su mortu Etimo srd. Traduzioni Francese bavardage, babillage Inglese chitchat Spagnolo cotorreo Italiano ciància Tedesco Geschwätz.