Ditzionàriu in línia
de sa limba e de sa cultura sarda

abburrídu , pps, agt Definizione de abburrire; chi faet ischifu po sa manera de fàere chi tenet Sinonimi e contrari abborrésciu Traduzioni Francese dégoûtant, répugnant Inglese repugnant Spagnolo repugnante, aborrecido Italiano ripugnante Tedesco widerwärtig.

ascamilósu , agt Definizione chi ndhe faet s’àscamu, chi est unu grisu, nau pruschetotu de chie est avesu a fàere cosas disonestas Sinonimi e contrari ascamile, ascamosu, ascherosu Frasi custu mundhu revessu, ereze, ascamilosu, at su coro pilosu pro èssere gai cumbessu? (G.Ruju)◊ totu sezis a una tèmpera, ascamilosos de su logu! ◊ a custu ascamilzu ascamilosu, púdidu e infadosu, li meritat peus de gai! Terminologia scientifica ntl Etimo srd. Traduzioni Francese dégoûtant Inglese disgusting Spagnolo asqueroso Italiano làido, schifóso Tedesco widerlich, ekelhaft.

disgustósu , agt Definizione chi faet ischifu, chi est unu grisu Sinonimi e contrari schivosu, spreosu | ctr. piaghile Traduzioni Francese dégoûtant Inglese disgusting Spagnolo repugnante Italiano disgustóso Tedesco ekelhaft, widerlich.

irghelestiósu , agt Definizione chi po su fragu o su sabore faet gheléstia, a gana lègia, ischifu meda Sinonimi e contrari ascherosu Etimo srd. Traduzioni Francese repoussant, dégoûtant Inglese disgusting Spagnolo repugnante Italiano ributtante, rivoltante Tedesco widerlich.

ischifósu , agt, nm: ischivosu, schivosu Definizione chi o chie faet o ndhe tenet ischifu, nau fintzes a o de unu po su malu fàere chi tenet Sinonimi e contrari afastiadori, ascamile, ascamosu, ascherosu, ascosu, coniosu, ghelestiosu, ischivinosu, pullinu, stogumosu / pendoni Frasi no bastat ischifosu e mi naras drollo puru: arratza de arrespetu!… 2. cust'istória cudh'ischifosu no ndhe l'at bogada a pizu, ca sinono in su ludu bi diat àere betadu finas zente de domo sua (M.Danese)◊ fit su piús feu e ischifosu chi bi podiat èssere ◊ ischifosu, si est aprofitadu de una pisedha! Etimo itl. Traduzioni Francese dégoûtant, répugnant, lâche Inglese repugnant, craven Spagnolo repugnante, ruín Italiano schifóso, ripugnante, vigliacco Tedesco ekelhaft, widerwärtig, feige.

istogamósu , agt: istugamosu, stogumosu Definizione chi ndhe faet s'àscamu, chi faet furriare s'istògomo de su grisu Sinonimi e contrari istomacale Traduzioni Francese écœurant, dégoûtant Inglese sickening Spagnolo repugnante Italiano stomachévole Tedesco ekelhaft.

lodhàncu , agt Definizione chi istat totu male postu e brutu Sinonimi e contrari butzinosu, cadhóciu, cadrangiosu, mughedhosu, mugosu, scúmuru | ctr. límpidu, netu Etimo srd. Traduzioni Francese sordide, dégoûtant Inglese untidy, dirty Spagnolo desordenado, sucio Italiano disordinato, sózzo Tedesco schlampig.

pudidinósu , agt, nm Definizione chi o chie est unu crisu, chi faet ischifu coment'e cosa chi pudeschet; su dimóniu Sinonimi e contrari porcariarzu / demóniu Frasi unu podet èssere pudidinosu cantu cheres, forasgai maberò! (G.Ruju)◊ limba pudidinosa, puite tzarras e no ti callas?! Etimo srd. Traduzioni Francese cochon, dégoûtant Inglese swine Spagnolo guarro Italiano porcaccióne Tedesco Schwein, Schweinigel, Teufel.

putzinósu , agt, nm Definizione chi o chie faet crisu, ischifu, est brutu meda / su p. = su dimóniu Sinonimi e contrari ascamosu, pudidinosu Frasi putzinosu siat, isse solu! ◊ ses una petabúdida ischifosa, niedha e putzinosa! ◊ zughet sas manos putzinosas, fragu chi no est profumu! ◊ assumancu proite ti ses dendhe a bídere, pro chimbe francos putzinosos! ◊ putzinosu, no la toches cussa cosa bruta! Etimo srd. Traduzioni Francese dégoûtant, puant Inglese revolting Spagnolo asqueroso, repugnante Italiano schifóso, puzzolènte Tedesco ekelhaft, stinkig.

schivósu , agt, nm: ischifosu* Definizione chi o chie faet ischifu, o tenet ischifu Sinonimi e contrari ascamosu, ascherosu, ascosu, coniosu, ghelestiosu, ischivinosu, stogumosu Traduzioni Francese dégoûtant Inglese disgusting Spagnolo desagradable, disgustoso Italiano disgustóso Tedesco ekelhaft, widerlich.