Legenda Abbreviazioni | Legenda Simboli

aviliméntu , nm Definizione su avilire, su èssere abbàtios, dispràxios meda, afligios, iscoraos, a bregúngia Sinonimi e contrari avilidura, iscoramentu, mortificu Frasi essendhe allegros calchi bolta nos immentigamus de s'avilimentu ◊ est arrivadu a s'avilimentu cun su landhe cheríndhesi nutridu! ◊ a chircare mere su tzeracu fiat un'avilimentu ◊ so emigradu e so morinne de s’avilimentu! Etimo itl. Traduzioni Francese découragement Inglese dejection Spagnolo abatimiento, humillación Italiano avviliménto Tedesco Entmütigung.

disconsólu , nm: discossolu, discunsolu Definizione su no àere consolu o cunfortu, su èssere dispràxios meda Sinonimi e contrari isconnortu, isconsolu | ctr. conciolu Frasi píghidas nues ant iscorvuladu bírridos de piantu e disconsolu e posca de sa traschia dannu e dolu in bidhas e cussorzas ant lassadu (G.A.Salis)◊ sos minores fint pranghendhe a discossolu ◊ za ndh'at postu de zente in disconsolu a fagher bochire sa muzere pro un'àtera fémina!… Etimo spn. desconsol Traduzioni Francese abattement, découragement Inglese depression Spagnolo desconsuelo Italiano sconfòrto, sconsolazióne Tedesco Trostlosigkeit.

isàlcu , nm: isarcu Definizione mancamentu o pérdia de ispera, de coràgiu, su bènnere mancu in manera grave de s'idea de arrennèscere, su tímere o pentzare de no arrennèscere Sinonimi e contrari disisperu, isporu, scoramentu | ctr. aficu, ispera, isperànscia Frasi a bi ndh'at, totu, de isarcos: si no ti pones, si mancu proas est seguru chi no bi resessis a fàghere nudha! ◊ s'isarcu meu est comente apo a fàghere a istudiare cussu muntone de cosa in duas dies! ◊ isarcu mannu b'at pro fàghere cussa faina…: si ti fis postu, a cust'ora fit istada fata! Etimo srd. Traduzioni Francese découragement Inglese discouragement Spagnolo desaliento, desánimo Italiano scoraggiaménto Tedesco Entmutigung.

isconnórtu , nm: iscunnortu Definizione dispraxere mannu, tristesa, su èssere afrigios, chentza acunnortu Sinonimi e contrari acoradura, afrigimentu, disconsolu, pesari, scoramentu, triltura | ctr. aconnortu, conciolu Frasi aite custu iscunnortu? aperi su coro e nara, no nos lasses in tribbulia! ◊ bortzis est naturale chi cada artista at urdos de isconnortu e de tristura ◊ sos fizighedhos fint totu in iscunnortu pro sa morte de su babbu Etimo srd. Traduzioni Francese découragement Inglese discouragement Spagnolo desaliento, desánimo Italiano sconfòrto Tedesco Trostlosigkeit.

isconsólu , nm: iscossolu, sconsolu Sinonimi e contrari disconsolu*, dispiachere | ctr. conciolu, cuntentesa Frasi sa pitzinna pranghet a iscossolu, impudada de abbarrare sola Traduzioni Francese découragement Inglese dejection Spagnolo desaliento Italiano sconsolazióne Tedesco Betrübnis.

isporónzu , nm Definizione su s'isporare, su pèrdere de ànimu, su pentzare de no si dha pòdere fàere a bínchere is dificurtades Sinonimi e contrari isarcu, isporu Etimo srd. Traduzioni Francese découragement, abattement, effarement Inglese discouragement, dismay, dispair Spagnolo desaliento, desánimo Italiano sconfòrto, disperazióne, sgoménto Tedesco Trostlosigkeit, Verzweiflung.

ispóru , nm Definizione mancamentu o farta de coràgiu, de ibertu, genia de isarcu malu, a s'apretu, de no pòdere arrennèscere in calecuna cosa Sinonimi e contrari dirrenu, disisperu, isalcu, isporamentu, scoramentu Frasi sa soledade m'imbelat sas pupias chin tadharanos de isporu ◊ làcrimas de isporu in pupias de àstragu nighedhu murghendhe est su dolore ◊ dae intzidu e ispera pro no tzèdere a s'isporu! Etimo srd. Traduzioni Francese démoralisation, abattement, découragement, consternation Inglese demoralization, dejection, dismay Spagnolo desaliento, desánimo Italiano demoralizzazióne, scoraménto, costernazióne Tedesco Entmutigung, Niedergeschlagenheit.

«« Cerca di nuovo