atréminu , nm Definizione
arrumóriu chi si faet cun is peis, movendho cosa; pruschetotu, genia de timoria manna, de trementa chi benit timendho ccn. cosa
Sinonimi e contrari
apeisinzu,
apeitu,
apetigu,
istrepitzu
/
cdh. trímini
Frasi
it'est custu: s'atréminu de sa chedha immandrada o sa boghe de su pastore chi l'acorrat? ◊ mi paret de intèndhere atréminu in su passaditzu: benindhe zente est? ◊ si est intesu s'atréminu de sos passos
2.
goi cumpostu in paghe est un'ammiru: paret chi apet sighidu a Bustianu in sonnos sentza atréminu e suspiru (A.Dettori)◊ patire s'atréminu ◊ pigant sos astudhos a s'atréminu chi dant sos inghírios de su tilibbriu
Etimo
srd.
Traduzioni
Francese
effarement,
peur
Inglese
fright
Spagnolo
temblor,
miedo
Italiano
trèmito,
sgoménto,
paura
Tedesco
Zittern,
Bestürzung,
Angst.
ispantàdu , pps, agt: ispantau,
spantau Definizione
de ispantare / a s'ispantada = cun ispantu, cun meraviza
Sinonimi e contrari
ammeravizadu,
irmeraculau,
irmerau
/
atrudiu,
trassidu
3.
at a èssi bellu e totu sa genti dh'at a castiai a s'ispantada
Traduzioni
Francese
étonné,
interdit,
éffaré
Inglese
dismayed,
amazed
Spagnolo
asombrado
Italiano
meravigliato,
allibito,
sbalordito,
sgoménto
Tedesco
verwundert,
betroffen,
erstaunt,
erschüttert.
isporàdu , pps, agt: isporau Definizione
de isporare; chi no tenet o chi at pérdiu su pore, su coràgiu, s'ibertu, chi pentzat de no bínchere is dificurtades
Sinonimi e contrari
aferrighinzau,
isarcadu
2.
isporada, no cherjo prus gherrare ◊ como so isporadu e no apo àschida ◊ aite sezis goi isporaos? corazu, azis a bíere chi benies impresse a bos isposare! ◊ sa robba est isporada e istasida dae s'atunzu male poltzedidu ◊ intendhendhe cantu aiat nau su dutore, si ndh'est pesau a cara asseriatzada e unu pacu isporau ◊ it'est custu oriolu chi est forrocandhe s'ànima isporada?!
Traduzioni
Francese
déprimé,
éffaré,
désespéré,
découragé
Inglese
daunted,
depressed,
desperate,
discouraged
Spagnolo
desanimado,
desalentado
Italiano
deprèsso,
sgoménto,
disperato,
sfiduciato
Tedesco
niedergedrückt,
verzweifelt,
verzagt.
isporónzu , nm Definizione
su s'isporare, su pèrdere de ànimu, su pentzare de no si dha pòdere fàere a bínchere is dificurtades
Sinonimi e contrari
isarcu,
isporu
Etimo
srd.
Traduzioni
Francese
découragement,
abattement,
effarement
Inglese
discouragement,
dismay,
dispair
Spagnolo
desaliento,
desánimo
Italiano
sconfòrto,
disperazióne,
sgoménto
Tedesco
Trostlosigkeit,
Verzweiflung.
salàrzu , nm: assalarzu Definizione
movimentu lestru de gente o animales fatos fuire; genia de avolotu mannu fintzas de s'ànimu, de sa mente, de su coro po dannu o cosa chi si timet
Sinonimi e contrari
agiàgaru,
assaltanu,
atréminu,
giagaradura,
ispavúciu,
ispràmminu,
istraju,
sulurju,
trúminu
| ctr.
asseretu,
sossegu
2.
za l'at tentu su salarzu, siscuru, candho at ischidu de su dannu de su fizu!…
Etimo
srd.
Traduzioni
Francese
agitation,
effarement
Inglese
dismay
Spagnolo
alboroto,
consternación
Italiano
agitazióne,
sgoménto
Tedesco
Aufregung,
Beunruhigung,
Erschütterung.