Ditzionàriu in línia
de sa limba e de sa cultura sarda

abbabballocàdu , pps, agt: abbabbalucau Definizione de abbabballocare; nau de cristianu o béstia, chi est coment’e atontau, chi paret de no cumprèndhere, chi dhue ponet tropu tempus a fàere sa cosa, chi si ndhe abbarrat firmu a una parte chentza de intrare in cumpangia Sinonimi e contrari ammammalucadu, arrellocau, imbabballucadu, isantalau, transidu 2. fuemus totus impari arriendi e bufendi, ma issu si ndi tiriat agoa: est abarrau totu su merí abbabbalucau ◊ currei a istudai su fogu, no abarreis abbabbalucaus! ◊ dh'ant nau totu cussu e est abarrau abbabbalucau! Traduzioni Francese stupéfait, étonné Inglese astonished Spagnolo atónito, pasmado Italiano attònito, incantato Tedesco erstaunt.

abbengàdu , pps, agt Definizione de abbengare; chi istat a buca aperta de sa meravíglia o àteru Sinonimi e contrari apapughinau Frasi za ses pagu abbengadu!…◊ est macu abbengadu, cussu Traduzioni Francese stupéfait, étonné, hébété Inglese astonished Spagnolo pasmado Italiano sbalordito, stupito Tedesco verblüfft, erstaunt.

abberelàdu , pps, agt Definizione de abberelare; chi est comente e incantau, firmu sentza cumprèndhere, sentza fàere, ispantau Sinonimi e contrari abbamballecadu, abbaucadu, abbeveladu, sustu 1 / cdh. abbiralatu 2. sos fiores mi los abbaidaia abberelada ◊ sa die no resurtai a fàghere nudha, fui abbereladu, meledandhe e abbaidandhe Traduzioni Francese stupéfait, étonné Inglese stupefied Spagnolo pasmado Italiano inèrte, estasiato, stupefatto, facies adenoidèa Tedesco verzückt, erstaunt, Drüsenfacies.

ammeravizàdu , agt: meravillau Definizione chi est provandho meravíglia, ispantu Sinonimi e contrari abbeveladu, apapughinau, atrassidu, irmeraculau, irmerau, ispantau, sustu 1 Frasi so abbarradu ammeravizadu de tanta bellesa ◊ ndhe so ammeravizadu de comente as imparadu luego Etimo srd. Traduzioni Francese étonné Inglese wondered, astonished Spagnolo asombrado Italiano meravigliato, stupito Tedesco verwundert, erstaunt.

apapughinàu , agt Sinonimi e contrari ammeravizadu, trassicu Frasi andhat a si apompiare in s'ispricu ma abbarrat apapughinau biendhe chi sas uricras si li sunt incurtziadas! Traduzioni Francese étonné Inglese astonished Spagnolo asombrado Italiano stupito Tedesco erstaunt.

assústu 1 , agt Definizione nau de ccn., chi est meravigliau meda, ispantau e coment'e ammammalucau Sinonimi e contrari apapughinau, atrassidu, sustu 1, transidu, trassicadu Frasi sos discípulos pómpiant assustos Traduzioni Francese stupéfait, étonné Inglese astonished Spagnolo atónito, pasmado Italiano stupito, attònito Tedesco erstaunt.

atrallaràdu, atrallaràtu , agt: trallaratu Definizione chi est coment’e atontau de s'ispantu, de su dolore o àteru, trassidu Sinonimi e contrari abbabballocau, atrassidu, ispantadu Frasi ndhe resto de su dolu atrallarada candho penso in sos males cantos sunt! ◊ bi est abbarradu atrallaradu ◊ fia totu atrallaradu e trimulendhe che canna candho mi at nadu gai Traduzioni Francese stupéfait Inglese flabbergasted Spagnolo asombrado, pasmado Italiano trasecolato, stralunato Tedesco verblüfft, verstört, erstaunt.

ispantàdu , pps, agt: ispantau, spantau Definizione de ispantare / a s'ispantada = cun ispantu, cun meraviza Sinonimi e contrari ammeravizadu, irmeraculau, irmerau / atrudiu, trassidu 3. at a èssi bellu e totu sa genti dh'at a castiai a s'ispantada Traduzioni Francese étonné, interdit, éffaré Inglese dismayed, amazed Spagnolo asombrado Italiano meravigliato, allibito, sbalordito, sgoménto Tedesco verwundert, betroffen, erstaunt, erschüttert.

sústu 1 , agt Definizione nau de ccn., chi est coment'e ispantasiau, assustau, siat po cosa manna o bella meda, siat po cosa chi dispraxet, faet a tímere o a dónnia modu est de cundennare Sinonimi e contrari abbereladu, abbeveladu, ammeravizadu, apapughinau, atrassidu, irmerau, ispantadu Frasi mirat acisadu sa diga e a coa est piús sustu puru ◊ ndh'est restadu sustu candho at ischidu chi fit sanadu ◊ sont abbarrados sustos e abbevelados bidendhe su pitzinnu pranghendhe 2. a lu bídere mastulendhe a sa tzega che prantamone istaias sustu (G.Ruju)◊ bidindhe cudha béstia est abbarradu sustu e pensat: "Custu est unu diàulu!"◊ comente ant bidu a mie sunt restadas sustas Etimo srd. Traduzioni Francese extasié, ravi Inglese enraptured, charmed, astonished Spagnolo extasiado, fascinado, estupefacto Italiano estasiato, affascinato, stupito Tedesco begeistert, erstaunt.

transídu , pps, agt: atrassidu, trassidu, trassitu Definizione de transire; nau de ccn., chi est coment'e atontau o ammammalucau de s'ispantu, de sa meravíglia, po cosa chi no s'ibertaiat própriu, bista mai Sinonimi e contrari abbaucadu, atrallaradu, spantau, trassicu Frasi daghi apo bidu cussa funtzione mi so restadu transidu e cunfusu ◊ fint trassitos de cantu fit baratu s'afitu pro una domo gai ◊ ndh'est restadu a buca abberta, trassidu, intendhindhe chi un'ambidha fit gai longa ◊ fint transidos abbaidendhe s'ispantu Traduzioni Francese stupéfait Inglese dismayed Spagnolo estupefacto, atónito Italiano sbigottito, stupefatto, attònito Tedesco verblüfft, erstaunt.