Ditzionàriu in línia
de sa limba e de sa cultura sarda

búndha 1 , nf, nm: bundhu 1 Definizione seriedade, naturale bonu e giustu de unu chi tenet firmesa Sinonimi e contrari bundóriu, cabu, capia, caràtere, cumprendhóniu, sinnu, tinnu Modi di dire csn: ómine, fémina chentza b. = chentza caràtere, chi no bi at de si ndhe fidare; pònnere b. in o a unu, a carchi cosa = pònnere cabu, pònnere fatu o iscurtare a unu, dare importu; passare sa bundha = passai sa ganas, su disígiu Frasi custas féminas no tenent bundhu, si ant intacadu s'onestade cun fainas malas ◊ fit cantadore de bundhu chi at onoradu sa poesia 2. s'istadu fit a ponner bundhu a tie ti aia dadu una proendha noa! (A.Serra)◊ a pònnere bundhu in féminas est lucura…◊ mudemus fundhamentu a sos inzitos ponzendhe bundhu a sas cosas chi contant! (P.G.Marras)◊ mi ndhe seo pentidu ca no apo postu bundhu a tie 3. ndhe zuchio brama, ma mi est passaa sa bundha (A.Cucca) Traduzioni Francese bon sens, jugement, sagesse Inglese wisdom Spagnolo sensatez, cordura Italiano sénno, saviézza Tedesco Verständigkeit, Weisheit.

giudísciu , nm: giudíssiu, giudítziu, zudísciu Definizione su averguare e iscumbatare is cosas, mescamente is chistiones naendho su chi si ndhe pentzat o fintzes betandho una senténtzia; capacidade de cunsiderare bene is cosas, de dhas fàere giustas, cun sabiesa Sinonimi e contrari capia, sabiesa, selembru, sinnu Modi di dire csn: bogai de giudítziu = fàghere irbariare; pèrdiri su giudítziu = irbariare, essire macu; giudítziu universale = su chi at a fàghere Deus a sa fine de totu sos tempos a totugantos; pàrrere su g. universale = irfaghíndhesi totu, unu mamudinu mannu Frasi custos funt is giudítzios chi apo iscritu po is poesias chi ant mannau a su de duos cuncursos ◊ su giudítziu po is poesias dhu lassaus a espertos e apassionaos: est a issos ch'ispetat a giare su pàrrere 2. destruidos cheriant custos chi no ant fide e ne giudísciu ◊ custa est sa terra chi mi at dadu giudítziu in sa vida ◊ cussa picioca fait is cosas cun giudítziu 3. a proba est su Giudítziu universale: ma sos umanos vivent in delíriu e parent in continu carrasciale (P.Casu)◊ finas sos montes trement dae fundhu chi paret su giudísciu universale! Etimo itl. Traduzioni Francese bon sens, sagesse Inglese wisdom Spagnolo juicio, sabiduría Italiano giudìzio, saggézza Tedesco Urteil, Weisheit.

madurèsa , nf Definizione su èssere maduru, prus che àteru nau in sensu morale de acabadu, abbistu, sàbiu Etimo spn. madureza Traduzioni Francese sagesse, maturité Inglese maturity Spagnolo madurez, cordura Italiano saviézza, maturità Tedesco Weisheit, Reife.

sabidoría , nf: sabiduria, sapidoria Definizione su èssere sàbios, capacidade de pentzare e fàere totu is cosas cun cunsideru, abbaidandho su prus giustu, su prus méngius, su necessàriu Sinonimi e contrari gusàriu, sabine, sabiore, sapidóriu | ctr. locura, macheine Frasi "Iscurta, abbàida e càglia" fut cumandhamentu de sabidoria chi sos mannos ammentaiant a sos chi funt creschendhe ◊ sa sapidoria animaiat sos printzípios giurídicos de sa Carta de Logu ◊ in su mundhu, de sabidoria bi ndh'at pagu meda Etimo spn. Traduzioni Francese sagesse Inglese wisdom Spagnolo sabiduría Italiano saggézza Tedesco Weisheit.

sabiénscia, sabiéntzia , nf: (sa-bi-én-sci-a) sapiénscia, sapiénsia, sapiéntzia Definizione su ischire, su cunsiderare e fàere is sàbios, su èssere sàbios in su sensu méngius e prus erricu Sinonimi e contrari sabidoria, sabiesa, sabine, sabiore | ctr. locura Frasi so cumbintu chi pro locura, no pro sabiénscia, a mi crere tantu abbistu fia ispintu ◊ sa providéntzia divina ti at dadu tratos, bellesa e sabiéntzia Traduzioni Francese savoir, sagesse Inglese understanding Spagnolo sabiduría Italiano sapiènza Tedesco Weisheit.

sabièsa , nf: saviesa, saviéscia Definizione su èssere sàbios Sinonimi e contrari sabidura, sabiénscia, sabine, sabiore, savímene | ctr. dortidúdine, locura, trotímene Frasi s'antiga saviesa no ispírigat prus su bene dae su male ◊ Deus ti at dadu saviéscia Etimo itl. saviezza Traduzioni Francese savoir, sagesse Inglese wisdom Spagnolo sabiduría Italiano sapiènza, saggézza Tedesco Weisheit, Wissen.

sabiòre, sabiòri , nm: sapiore Definizione su èssere sàbios Sinonimi e contrari sabidoria, sabiénscia, sabiesa | ctr. locura Frasi fint de grandhe respetu siat pro su sabiore e siat pro su grabbu chi aiant fatendhe sas cosas Etimo srd. Traduzioni Francese sagesse, bon sens Inglese common sense Spagnolo sabiduría, juicio Italiano saggézza, assennatézza Tedesco Weisheit, Vernunft.

séru , nm: sieru Definizione su si serare, su cunsiderare bene totu is cosas, sa capacidade de si acatare de una cosa e de dha cumprèndhere Sinonimi e contrari àrviu, imprastu, saeru, selembru, sinnu Modi di dire csn: male chentza s. = male (fintzas pecu, físsiu) chi unu no si lu connoschet; fémina, ómine de s. = abbistus, àbbilis, atentus, giuditziosus; cane de s. = chi abbizat; leare su s. de carchi cosa = leare oru, àrviu; fora de seru = fora de tinu, chi no atinat, ammachiadu; èssere in seru = in tinu, zustu de conca Frasi sas criaduras sunt chentza seru, ma su mannu depet atuare a su chi faghet! ◊ de sa note chi ant segadu a pedra sos bidros de sos barcones nche li est intrannadu unu seru malu ◊ cussu est macu chena seru ◊ a sos fizos de seru su nuraghe mustrat luntanas andheras ◊ est galu a seru sanu mancari apat giampadu sos chent'annos ◊ carimanna, si seru aias tentu ti fist assolada che murone! (M.Murenu)◊ tue morta e deo… ancora so in seru?! ◊ ses resultadu sentza cunsideru ca in sa conca no giughias seru ◊ faedha sintzeru, prite ue sia no ndhe tenzo seru ◊ cussa est genti chen'e sieru! Etimo srd. Traduzioni Francese jugement, sagesse, conscience Inglese judgement, consciousness Spagnolo juicio, sabiduría, conciencia Italiano sénno, giudìzio, saggézza, consapevolézza Tedesco Verstand, Vernunft, Weisheit, Bewußtsein.