Ditzionàriu in línia
de sa limba e de sa cultura sarda

abburrúntu , nm Definizione briga chi si giaet a unu, su abburruntare Sinonimi e contrari afetuada, apoboretada, bria, certu, missamanu Frasi su físsiu est prus malu de s'abburruntu e isse, perrigónchinu, sighit a bufare, paret chi sa fémina apat faedhadu a su muru Etimo srd. Traduzioni Francese reproche Inglese reproof Spagnolo reproche Italiano rimpròvero, biàsimo Tedesco Vorwurf, Tadel.

aciótu , nm: atzotu Definizione aina po iscúdere fata totu a tiras longas de corria, ma prus che àteru su cropu de s'aciota, su aciotare; a logos, atzotu est sa candhelita de s'abrutzu e fintzes de su chibudhone; in cobertantza, sa briga o sa pena chi si giaet a unu / a. de pedhi, de cagnu, po cuadhus Sinonimi e contrari aciota / aciotada / aciociada Frasi cudha fémina cristiana dh'ant cundennada a is aciotus ◊ ndi essit de s'inserru e no timit aciotu ◊ chi ti cassant, a tui, un'aciotu no ti at a mancai! 2. atzotu lu narant a sa canna noa e modhe de s'almutzu ◊ su chibudhu mascru poltat s'atzotu Etimo spn. azote Traduzioni Francese reproche, punition Inglese reproach, punishment Spagnolo azote, castigo Italiano rimpròvero, castigo Tedesco Vorwurf, Strafe.

afetuàda , nf Definizione su chi si narat a briga a un'àteru, o fintzes paribari, po cosa male fata, ma podet èssere fintzes su chi si narat a difesa de ccn. Sinonimi e contrari abburruntu, atzúrridu, certu, murrúngiu Frasi mi at istunigadu s'ortu cun sos fiados e li apo fatu s'afetuada (G.Ruju)◊ nonna mi at fatu s'afetuada ca no bi so andhada addaghi at lómpidu sos annos ◊ nos amus fatu s'afetuada pari pari e semus torrados a su sólitu Etimo srd. Traduzioni Francese reproche, éclaircissement Inglese rebuke, exclamation Spagnolo reproche, aclaración Italiano rimpròvero, chiariménto Tedesco Vorwurf, Erklärung.

apoboretàda , nf: pabarotada Definizione cosa chi si narat po avertimentu, comente e a briga a ccn. Sinonimi e contrari abburruntu, atzúrridu, bria, missamanu, rimbicu Frasi est meda fissiosa e isalimentada, no ti artzat mancu de cristas si tue la cuntristas cun s'apoboretada (G.Ruju) Traduzioni Francese reproche Inglese recall, reproach Spagnolo reproche, reprensión Italiano rimpròvero, biàsimo, richiamo autorévole Tedesco Vorwurf, Verweis.

atzúrridu , nm Definizione boghe o cosa chi si narat a briga Sinonimi e contrari abburruntu, afetuada, apoboretada, rimbicu Etimo srd. Traduzioni Francese cri, reproche Inglese shout, reproach Spagnolo grito, reproche Italiano grido, rimpròvero Tedesco Verweis.

ifachílliu , nm Definizione su afachilare, totu su chi si narat brigandho e faendho a bregúngia a unu Sinonimi e contrari ifachilliadura, isvàpiu Frasi chi nemos apet de si ndhe rídere, de tene, e ne de ti fàchere ifachíllios! ◊ custu no l'at pótiu bajulare e rispondhet a tostu a s'ifachílliu de su maridu ◊ a cussos ifachíllios li rispondhet: Aggai s'isposu tuo est mezus de su meu?! Etimo srd. Traduzioni Francese reproche Inglese reproof Spagnolo reproche Italiano rinfàccio, rimpròvero Tedesco Vorwurf.

ispabarotàda , nf: ispaborotada Definizione su ispabarotare; boghe, cosa chi si narat brigandho a unu Sinonimi e contrari apoboretada, atzúrridu, chirella, iscamurriada, isvàpiu, isvrúdhiu, rimbicu Frasi làssami sas ispaborotadas: a mie no mi giughes a frunzita! Etimo srd. Traduzioni Francese mercuriale, semonce Inglese rebuke, sour Spagnolo reproche Italiano rimbròtto, rimpròvero aspro Tedesco Verweis, Vorwurf.

istrónciu , nm: istrúnchiu, istrúnciu, istrúntziu, strúnciu 1 Definizione cosa chi si narat a s'àteru coment'e a briga, a murrúngiu, a iscontróriu; fintzes atzione chi si faet a malu crabbu / tirada a i. = a corpu Sinonimi e contrari bria, certu, isvàpiu Frasi a su pipiu dhi ammancant is istrúncius de su babbu ◊ no dhu pighit a istrónciu, su fillu, gei dhu bit ca est iscónciu! ◊ cussu est a istrúnchios, inchietu! ◊ poite mi arresponnes a istrúntzios? 2. una tirada a istrúnciu e adiosu a is butonis de is prantalonis! Etimo srd. Traduzioni Francese reproche Inglese reproach Spagnolo reproche Italiano rimpròvero Tedesco Vorwurf.

rimbícu , nm: rumbicu Definizione su rumbicare Sinonimi e contrari afetuada, apoboretada, atzúrridu, missamanu, refàciu Frasi su giòvanu fit contendhe de sos rimbicos de su diretore ca nachi fit istudiendhe pagu Etimo srd. Traduzioni Francese reproche Inglese reproach Spagnolo reproche Italiano rimpròvero, rinfàccio Tedesco Vorwurf.