Legenda Abbreviazioni | Legenda Simboli

arruséri , agt, nm: ruseri Definizione chi o chie bogat o cricat rusas, iscusas Sinonimi e contrari arrebuseri, imbodhiosu, imbovadori, improseri, matracheri, tramperi, trancamallosu Terminologia scientifica ntl Traduzioni Francese tricheur, habile Inglese shrewed, cheater Spagnolo fullero Italiano baro, scaltro Tedesco Betrüger, schlau.

chentupízas , agt, nm Definizione nau de gente, chi o chie portat pinnicas medas, est totu trassas e no faet a ndhe cumprèndhere nudha de ite est o bolet deabberu Sinonimi e contrari fraissinu, prinnigheri, totupizas Etimo srd. Traduzioni Francese rusé Inglese cunning (fellow) Spagnolo astuto, taimado Italiano scaltro, furbóne Tedesco schlau.

malfúsu , agt: marfusu Definizione nau de ccn., chi portat trassas, chi no est singillu Sinonimi e contrari chentupizas, fraissinu, fulbu, maciaresu, marfuseri, marrascu, prinnigheri, totupizas Frasi cheret chi ti fatas malfusa e abbista ◊ a connòschere un'ómine marfusu bi cheret tempus ◊ a sa funtana de su perdonu sos fizos mirant cun chizos marfusos ◊ si ses dotori marfusu, preparau e inteligenti, lassa a parti s'asurímini! ◊ su furone, marfusu, po istraviai is àndhalas s’iat fatu ferrare su cuadhu a su traessu Etimo spn. marfuz Traduzioni Francese rusé, malin, astucieux, hypocrite Inglese wily, false Spagnolo listo, hipócrita Italiano furbo, accòrto, scaltro, ipòcrita Tedesco schlau, pfiffig, Heuchler, Hypokrit.

malisciósu , agt, nm: malissiosu, malitziosu Definizione chi o chie giughet malítzia, pentzat male, cun calecunu iscopu, ma fintzes chi giughet trassa, abbistesa, ispertesa Sinonimi e contrari ammalisciadu, maganzosu, malitziau, trasseri | ctr. bovo, brallocu, bucamindotu, drodhe, immalisciadu Frasi puite lu sezis nandhe a mie chin cussu tonu malissiosu? ◊ custas fotografias las isvilupo e cras ti faco bídere cantu ses bella… li at nadu malissiosu ◊ candu mi arregordu cumenti giogàst e fiast malitziosa!…◊ óminis e féminas si intzutzullànt cantendusí mutetus cun rimas malitziosas chi fadiant arrubiscai is piciocas 2. gravégliu pretziosu, prestu deves partire a soldadare: ista malissiosu e dae atentzione in su gherrare! (M.Z.Funedda) Traduzioni Francese malicieux, rusé, habile Inglese artful Spagnolo malicioso Italiano malizióso, scaltro Tedesco arg, arglistig, Bösewicht.

trasséri , nm, agt Definizione chi o chie est totu trassas, prenu de trassas malas Sinonimi e contrari abbiseri, ammalisciadu, fraíciu, imbodhiosu, maganzosu, malisciosu, prinnigheri, transosu, trassadori, trassàrgiu Frasi no fatzas sa trassera, chi mi dh'ant iscoviau! ◊ cussa zòvana fuit una trassera chi l'ischiat fagher bene sa cumédia! ◊ ma lah ca sunt trasseris cussos pulíticos, lah!…◊ cussu est trasseri che marxani 2. cun móvidas trasseras de serpente ti dat sa manu e pesat avolotu e candho cres chi l'as bene connotu de s'internu sa cara est diferente Etimo srd. Traduzioni Francese rusé, celui qui fait des manigances Inglese shrewd, plotter Spagnolo listo, espabilado Italiano scaltro, macchinatóre Tedesco schlau, Anstifter.

travonéri , agt, nm Definizione nau de ccn., chi est o portat trassas malas Sinonimi e contrari ammalisciadu, malisciosu, trassadori, trasseri Traduzioni Francese rusé, vieux renard Inglese old fox Spagnolo zorrón Italiano scaltro, volpóne Tedesco schlau.

«« Cerca di nuovo