Ditzionàriu in línia
de sa limba e de sa cultura sarda

arruséri , agt, nm: ruseri Definizione chi o chie bogat o cricat rusas, iscusas Sinonimi e contrari arrebuseri, imbodhiosu, imbovadori, improseri, matracheri, tramperi, trancamallosu Terminologia scientifica ntl Traduzioni Francese tricheur, habile Inglese shrewed, cheater Spagnolo fullero Italiano baro, scaltro Tedesco Betrüger, schlau.

faulóngiu , agt, nm Definizione chi o chie narat fàulas, chi ingannat, chi trampat, faet a crèdere una cosa po àtera Sinonimi e contrari caldubberi, castangeri, fabularzu, fauànciu, fauloxu, mincidiosu, patoceri | ctr. beridadosu Frasi cussas sunt féminas faulòngias, afrodhieras e traitoras Etimo srd. Traduzioni Francese mystificateur, trompeur Inglese deceptive Spagnolo engañoso Italiano ingannévole Tedesco Betrüger, lügnerisch.

fugliéri , nm Definizione chie faet cosas ingannandho s'àteru Sinonimi e contrari afrascadore, arrebuseri, fraíciu, imbusteri, inganneri, ingregheri, macatrefa, mandragheri, tramperi, tramposu Terminologia scientifica ntl Etimo spn. fullero Traduzioni Francese escroc Inglese swindler Spagnolo estafador Italiano truffatóre Tedesco Betrüger.

imbodhiósu , agt, nm: imbolicosu, imboligosu Definizione chi o chie costumat a trampare, a pigare sa gente a ingannia giaendhodhi a bíere una cosa po un’àtera Sinonimi e contrari afrascadore, arrebuseri, imbodhicheri, imbolicantinu, imbusteri, inganneri, ingheniosu, ingregheri, introsigheri, inzomosu, pinnicule, tramperi, trapuleri / cdh. imbuliconi Frasi imbodhiosu atriviu… balla ca no mi futis prus! ◊ so tantu imboligante e imboligosu chi mancu eo mi poto isboligare ◊ su chi fachent cussos est cubau, ca sunt imbolicosos ◊ imbolicosu chi no bi ndhe aiat àteru in sa terra, issu nos la fachiat in cara che unu maghiarju ◊ cussu cummertzante est un'imboligosu Terminologia scientifica ntl Etimo srd. Traduzioni Francese filou, escroc Inglese swindler Spagnolo tramposo Italiano imbroglióne, truffatóre Tedesco Betrüger.

imbovéri , agt, nm Definizione chi o chie costumat a imbovare sa gente Sinonimi e contrari arrebuseri, fraitzu, imbodhiosu, imbusteri, inganneri, ingregheri, tramperi, tramposu Frasi no fait a giogai cun genti imbovera: ndi perdis totu! Terminologia scientifica ntl Etimo srd. Traduzioni Francese trompeur Inglese cheat Spagnolo embaucador Italiano gabbatóre Tedesco Betrüger.

impostòre, impostòri , nm Definizione faulàrgiu malu, de cudhos chi narant fàulas apostadamente po fàere male e no deasi po su pecu de èssere faulàrgios Sinonimi e contrari fabularzu, fingiu, fogaresu, fogoneri, fogoronarzu, mincidiosu / cdh. impustori | ctr. beridadosu, sentzígliu Frasi dh’intendhes? est un’impostore, unu faulàrgiu! ◊ semus picados pro impostores e semus verteros ◊ baxi, fraulàncius chi seis e impostoris, genti abburréscia chi girat su mundu imbrogliendi sa pòbera genti e furendi! ◊ ca ses impostori ti dhu nat sa faci! Etimo itl. Traduzioni Francese imposteur calomniateur Inglese impostor, backbiter Spagnolo impostor Italiano impostóre, calunniatóre Tedesco Betrüger, Verleumder.

incatramadòre, incatramadòri , agt, nm Definizione chi o chie leat s'àteru a ingannu Sinonimi e contrari afrascadore, arrebuseri, fraitzu, imbodhiosu, imbusteri, inganneri, tramperi, tramposu, trasseri Etimo srd. Traduzioni Francese trompeur Inglese deceptive, deceiver Spagnolo engañador Italiano ingannatóre Tedesco Betrüger.

ingannadòre, ingannadòri , agt, nm Definizione chi o chie faet ingannos Sinonimi e contrari aciseri, incatramu, inganneri, inganniosu / dimóniu Frasi custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora Cognomi e Proverbi prb: s'ingannu torrat a s'ingannadore Etimo srd. Traduzioni Francese trompeur Inglese cheat, deceiving Spagnolo engañador Italiano ingannatóre, seduttóre Tedesco Betrüger, Verführer.

ingannamúndhu , nm Definizione unu chi ingannat Sinonimi e contrari inganneri, tramposu Frasi ingannamundhu, disgrasciadu! Traduzioni Francese trompeur Inglese trickster Spagnolo engañamundo Italiano gabbamóndo Tedesco Betrüger.

ingannéri , agt, nm Definizione chi o chie costumat a ingannare Sinonimi e contrari afrascadore, arrebuseri, fraitzu, imbusteri, ingabberi, inganniosu, ingregheri, maltariosu, mànghinu, mariolu, tramperi, trasseri | ctr. sentzillu Frasi sentz'e nisciuna istima, coru fartzu, inganneri, mi as amau po finta! ◊ ses andhendhe cun sussos dimónios inganneris! Terminologia scientifica ntl Etimo srd. Traduzioni Francese trompeur Inglese deceiver, deceitful Spagnolo engañador Italiano ingannatóre, ingannévole Tedesco trügerisch, Betrüger.

latranghéri , agt, nm: letrancheri, letrangheri Definizione chi o chie cricat de imbovare o ingannare s'àteru Sinonimi e contrari arruseri, imbodhiosu, imbovadori, improseri, matracheri, tramperi, trancamallosu Etimo srd. Traduzioni Francese filou, escroc Inglese cheater Spagnolo estafador Italiano imbroglióne Tedesco betrügerisch, Betrüger.

mariólu , agt, nm: meriolu Definizione chie acostumat a pigare is àteros cun s'ingannu; fintzes unu chi abbarrat aifatu de su logu, sèmpere in giru Sinonimi e contrari afrascadore, arrebuseri, fraíciu, fuglieri, imbodhiosu, imbusteri, inganneri, ingheniosu, ingregheri, mànghinu, tramperi, trasseri / ttrs. marioru / rundhellu Frasi no s'ischit ite àteru li nesit cussa mariola pro la corogliare ◊ no ti lasses incantare dae su mariolu! ◊ pro si campare, dogni mariolu diat cunvelter sas pedras in pane! (G.Zicconi Tanchis)◊ innantis su sonnu beniat mariolu mariolu e mi abbratzaiat a note intrea: como no poto drommire! Cognomi e Proverbi smb: Mariolu Terminologia scientifica ntl Etimo itl. mari(u)olo Traduzioni Francese escroc Inglese swindler Spagnolo estafador Italiano truffatóre Tedesco Betrüger, Schwindler.

mascangànnu , nm: maschinganna, maschingannu Definizione mascu de ingannu, genia de mostru (pegus naschiu istrupiau), su dimóniu; fintzes una genia de móvia o chinnida chi trampat a chie est in crica de aciapare a un'àteru Sinonimi e contrari immostre, mastringannu, mostre / demóniu Modi di dire csn: leare a unu a maschingannu = trampare, leare s'àteru cun iscusas a ingannu; maschinganna (morisca) = marighedha de carrúciu, morisca créschida in mesu de sa tàula Frasi abba e aera sunt pienos de àligas e ferenos, essint maladias noas, sos pegos aultint o anzant mascangannos ◊ unu pastore una note at biu una grannu colunna altzannosi de terra e at pentzau ca cussu fiat Maschinganna ◊ su maschinganna essit in figura de mascu de brebè, de boe niedhu… Traduzioni Francese trompeur Inglese deceiver, deceiving move, dribbling Spagnolo engañador, movimiento engañador Italiano ingannatóre, mòssa ingannatrice Tedesco Betrüger, Finte.

melindréri , agt, nm Definizione chi o chie pigat s'àteru a milindros (no sèmpere po su bonu, ma fintzes a ingannu) Sinonimi e contrari fadadore, improsadore, incanteri Etimo srd. Traduzioni Francese emberlificoteur Inglese cheater Spagnolo engatusar Italiano abbindolatóre Tedesco Betrüger.

trampanéri , nm Definizione chie acostumat a fàere tràmpanas, a trampare, nàrrere fàulas Sinonimi e contrari trampanudu, tramperi, tramposu Frasi est in istadu malu totu pro curpa de sos trampaneris ◊ oe s'est atoscadu s'ambiente e trampaneris cun diplomas mannos cosas istranas s'ant fissadu in mente (R.Casula)◊ at a èssi cosa chi narat s'amigu trampaneri po bantaxeria! ◊ dèu dh'apu arróscia custa genti trampanera! Traduzioni Francese trompeur, escroc Inglese cheater Spagnolo tramposo Italiano ingannatóre, truffatóre Tedesco Betrüger.

trampéri , agt, nm Definizione chi o chie acostumat a cuncordare tramperias, trampas Sinonimi e contrari afrascadore, arrebuseri, fraitzu, imbodhiosu, imbusteri, inganneri, maciapaneri, mànghinu, tramposu, trampuceri, trobedheri Frasi tramperi chi no ses àteru! ◊ su grodhe est un'animale tramperi Terminologia scientifica ntl Traduzioni Francese d'escroc, trompeur Inglese conman Spagnolo tramposo Italiano truffaldino, ingannatóre Tedesco betrügerisch, Betrüger.

trampósu , agt, nm Definizione chi o chie est prenu de trampas, faet trampas, odríngiat ingannos / peràulas tramposas = chi lassant dudosos ca faent pentzare a prus de una cosa, o ndhe faent pentzare una po un'àtera (che candho si giogat a intzertare) Sinonimi e contrari afrascadore, arrebuseri, fraitzu, imbodhiosu, imbusteri, inganneri, inganniosu, ingregheri, mànghinu, mariolu, tramasseri, trampajolu, tramperi, trampista, trasseri Frasi apitzigada ti l'apo sa trampa: eo puru, si cheres, so tramposu ◊ cussu est tramposu che matzone, totu ingannos! ◊ tramposu ses? míseru moris! ◊ pàgami su salàriu, tramposu, chi ses rebbelle e no cheres pagare! (A.M.Scanu) Etimo spn. Traduzioni Francese escroc Inglese swindler, cheating Spagnolo tramposo Italiano imbroglióne, truffatóre Tedesco Betrüger.

trancamallósu , agt, nm Definizione chi o chie acostumat a fàere trancamàglias, imbodhigos, ingannos po su torracontu suo Sinonimi e contrari arruseri, trafaneri, tramposu, trancheri, trapuleri Frasi cussu trancamallosu narat de sa pedra pane: no li ponzas mente! Terminologia scientifica ntl Traduzioni Francese flibustier, escroc Inglese scoundrel Spagnolo estafador Italiano filibustière, imbroglióne Tedesco Betrüger.

trapasséri , agt, nm Definizione chi o chie faet male a s'àteru a traitoria, chi dhi portat sa traitoria Sinonimi e contrari caratzanu, falsu, fingidore, fingidu, ifidau, traitore Frasi trapassera, daet a bídere una cosa e ti est faghindhe sa furca! ◊ trapassera mala, est a prima cun totu su biginau Etimo srd. Traduzioni Francese traître, trompeur, perfide Inglese traitor, deceiful, wicked Spagnolo traidor, engañador Italiano traditóre, ingannévole, pèrfido Tedesco Verräter, Betrüger, betrügerisch.