Ditzionàriu in línia
de sa limba e de sa cultura sarda

abborrigàda , nf: abburricada, burrigada* Definizione brulla pesante, giogu de martzocu: una brulla ti fatzo, un'ogu ti ndhe bogo Sinonimi e contrari ghelea, molentada, tontesa Frasi fatu m'at sa mascarada proite mi cheriat bellu, ma no b'at piús apellu fata chi est s'abburricada! (G.Atzori) Traduzioni Francese sottise, bêtise Inglese bad joke Spagnolo borricada Italiano brutto schérzo, spropòsito Tedesco schlechter Scherz, großer Fehler, Dummheit.

atolondraméntu , nm: atrollondamentu Definizione su atolondrai Sinonimi e contrari alloriamentu Frasi tussit pagu pagu e pigat tempus po pòdiri acafai su spantu, s'atrollondamentu, s'imbídia de is cumpàngius Etimo srd. Traduzioni Francese étourdissement, abrutissement Inglese stupidity Spagnolo atolondramiento Italiano sbalordiménto, istupidiménto Tedesco Verblüffung, Dummheit.

balossàda , nf Definizione fatura de balossos Sinonimi e contrari balossímini, lollúghine, tonteria Etimo srd. Traduzioni Francese bêtise Inglese stipidity Spagnolo sosería Italiano stupidàggine, stupidata Tedesco Dummheit.

garrafatòni , nm Definizione machine mannu chi si narat o chi si faet, cosa chi no andhat bene própriu in nudha Sinonimi e contrari ciancarronada, perralia Etimo spn. garrapatón, gazafatón Traduzioni Francese bêtise Inglese non-sense Spagnolo burrada, disparate Italiano somaràggine, bestialità Tedesco Dummheit, Schnitzer.

isabidóriu , nm, nf: isapidóriu, isciapidória, isciapidóriu, issabidóriu, issapidóriu, ixapidóriu, sciapidóriu Definizione cosa nada cun pagu giudítziu, chentza seru, cosa de gente pagu sàbia, machine Sinonimi e contrari bambiore, ibbàmbiu, illériu, isapidoria, isapidura, isapidore, iscàntaru, isciallóriu, issapidesa, lofiori, scassolu, sciabóriu Frasi at nadu una cosa chi fut un'isapidóriu mannu (Z.Porcu)◊ est cenu de brullas e de isciapidória Etimo srd. Traduzioni Francese niaiserie, fadeur, bêtise Inglese foolishness Spagnolo sosería Italiano insulsàggine, scipitézza, stupidàggine Tedesco Fadheit, Dummheit.

isambrúliu , nm Definizione cosa chentza sustàntzia chi si narat Sinonimi e contrari bambura, ibbàmbiu, isabóriu, lollúghine, lolluine, sciapidóriu, tronia Frasi cantu l'azis pagadu cust'incruvu pro nàrrere isambrúlios e machines? Traduzioni Francese idiotie Inglese stupidity Spagnolo sosería Italiano scempiàggine Tedesco Dummheit.

isapidoría , nf Definizione cosa chi si narat o chi si faet chentza sabiesa, chentza sustàntzia Sinonimi e contrari bambiore, bambura, isabidóriu, isambrúliu, isapidura, sciabóriu Etimo srd. Traduzioni Francese insipidité, fadeur (fig.) Inglese foolishness Spagnolo sosería Italiano insipidità, stupidàggine Tedesco Fadheit, Dummheit.

isentíghine , nm Definizione su èssere isentos de conca, de crebedhos, su pecu de chie est isente a conca Sinonimi e contrari isempiúmene, isentúmine Etimo srd. Traduzioni Francese déficience, stupidité Inglese deficiency, idiocy Spagnolo imbecilidad Italiano deficiènza, imbecillità Tedesco Dummheit.

istrallóbbiu , nm: istralóbbiu, istrollóbiu, istrolóbbiu, istrolobbu, istrolófiu Sinonimi e contrari illériu, isabidóriu, isambrúliu, istrallogu, istrolichéntzia Frasi ndh'est torradu téteru de su risu de sos istrolobbos chi at intesu ◊ lassa sos istrolófios, ca no m'ingàdhinas chin sas tzarras! (E.A.Bernardini)◊ sos istrolobbos chi narat cussu? un'irbariadu! Etimo srd. Traduzioni Francese fadeur, bêtise Inglese foolishness Spagnolo sosería, insipidez Italiano scipitézza, stupidàggine Tedesco Dummheit.

lochímini , nm Definizione cosa de macos, chi faent o narant is macos Sinonimi e contrari balossímini, bambímine, desatinu, isabóriu, isambrúliu, lochesa, lochidadi, lolluine, tontesa Etimo srd. Traduzioni Francese bêtise, sottise Inglese silliness Spagnolo tontería Italiano sciocchézza Tedesco Dummheit.

locúra , nf: lucura 1, lugura 1 Definizione fata o cosa de locos, de gente pagu sàbia, pagu abbista / learesila a lucura = a zogu, a brulla, chentza cabu Sinonimi e contrari arrevesciori, dortidúdine, machighinada, macheine, revessidade, revessura | ctr. sabiesa, sabiore Frasi pòvera conca: gríglios e luguras si sunt giambados in mughedhu sutzu (P.Casu)◊ canta cudhu cantu de sa tristura pro pibiu e pro lucura in cust'adhe de piantu! (A.Serra)◊ locura est chi presumant sos cocois ca giughent corros a pòdere arare (Cubedhu)◊ is lucuras fatas de is mannus tuus dhas tengu iscritas ◊ si no si ndh'at a àere frutu est locura su pagare! (F.I.Mannu) Etimo spn. locura Traduzioni Francese sottise, frivolité, futilité Inglese foolishness, trifle Spagnolo necedad, frivolidad Italiano stoltézza, frivolézza Tedesco Dummheit, Frivolität.

lollúghine , nm: lullúghine Definizione cosas de lollus, de gente bamba, de pagu contu; fintzes cosa chi si narat a murrúngiu, su pisibisi chi si faet foedhandho a iscusi (fintzes a bodheta) Sinonimi e contrari balossímini, isabóriu, ischipudhàmene, isambrúliu, lolluine, pisibisi 1, pispisu, tonteria 2. abbizósicu e letranchicurtzu, fit a lollúghines, masticàndhesi una tzica a trachedhu de dentes Etimo srd. Traduzioni Francese bêtise, sottise Inglese silliness Spagnolo tontería Italiano sciocchézza Tedesco Dummheit.

lolluíne , nm Definizione cosas de lollus, de gente bamba Sinonimi e contrari bodheta, isabóriu, isambrúliu, isempiúmene, lollúghine, pisibisi 1, pispisu, scimpresa, tronia Etimo srd. Traduzioni Francese idiotie, histoire blague Inglese stupidity, fib Spagnolo tontería Italiano scempiàggine, fandònia Tedesco Dummheit.

macarronàda , nf: marraconada Definizione unu bellu papare de macarrones; nau in cobertantza, tontesa, fata de tontos, de gente pagu abbista Sinonimi e contrari cicionada, ciusonada Frasi sa meri tenit sa marraconada pronta, cuncordada cun petza de caboniscu Terminologia scientifica mng Etimo srd. Traduzioni Francese bon plat de macaroni Inglese dish of macaroni (abundant) Spagnolo atracón de macarrones Italiano maccheronata Tedesco Makkaroni-Essen, Dummheit.

macheíne , nm: machine, machini Definizione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza igudítziu, pagu abbista; css. fata o nada pagu sàbia, fintzes cosighedha de pagu importu Sinonimi e contrari machíghine, machímene | ctr. sabidoria, sabine Modi di dire csn: a m. = a meda, a fuliadura, a malistropiadura, o fintzas chentza zudíssiu; essíreche in machines = nàrriri iscimprórius, acabbai nendi tontesas, essiri in coranta mois; catzare su m.= lassai de fai tontesas, imparai a no fai tontesas, iscrammentai Frasi machine si niat, custu, sempre zoghendhe!…◊ su machine est de trinta ses zenias e tue l'as leadu 'e trinta sete! (Sassu)◊ ista mudu e lassa sos machines! ◊ che ingullit pro bonos totu sos machines chi intendhet ◊ ti lu catzat su machine si leas su ferru ingrujadu a manos!…◊ ponindhe fatu a su machine tou no mi apo fatu sas fainas ◊ su macheine unu filu at de picare! 2. at brigau po machines 3. los istimaiat a machine ◊ in campu bi fit s'antunna a machine Cognomi e Proverbi prb: de machine e poesia ognune at sa parte sua ◊ su machine alligatu est peus de su naturale Etimo srd. Traduzioni Francese folie, sottise Inglese madness, nonsense Spagnolo locura, desatino Italiano pazzía, dissennatézza, scemènza Tedesco Wahnsinn, Unsinn, Unverstand, Dummheit.

machighinàda , nf: machinada Definizione aconcada maca, fata de macos, de chie portat machiore, machine Sinonimi e contrari aconcada, cianciarronada, garrafatoni, isabidóriu, isconcata, isconchinada, locura, meleda, scioncheria Frasi a bi credes, Bustià, chi candho intendho machighinadas goi, su late che achirrat fintzas a mie?! Etimo srd. Traduzioni Francese balourdise, bêtise Inglese dullness Spagnolo necedad Italiano balordàggine, atto sciòcco, sconsiderato Tedesco Dummheit, Narrheit.

machiòre, machiòri , nm Definizione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza giudítziu, pagu abbista; css. fata o nada pagu sàbia; dannu fatu chentza dhue pentzare bene, faendho a sa maconatza Sinonimi e contrari desatinu, lochesa, locura, macheine, mancantésimu, mediori / travessura Modi di dire csn: piàchere a m. = pràxiri meda; bogai is machioris de conca a unu = catzàreli su machine, currèzerelu, iscarmentàrelu Frasi est unu machiori solu a dhu pentzai chi un'ómini de otanta annus bandit a si cojai cun d-una picioca de dexiotu! ◊ mancu mali chi no dhi est benniu su machiori de bociri custa puru! Etimo srd. Traduzioni Francese folie, sottise Inglese craziness Spagnolo locura Italiano pazzía, dissennatézza, scemènza Tedesco Wahnsinn, Unsinn, Unverstand, Dummheit.

managhéncia, managhéntzia , nf Definizione su èssere managos, ballalloes, bovos Sinonimi e contrari bovéntzia, boveria, tramalléntzia | ctr. abbistesa, ispeltitúdine Frasi tra preitza e managhéntzia, cussu dh'acabbat a fàmini! Etimo srd. Traduzioni Francese naïveté, crédulité Inglese naivety Spagnolo simpleza, memez Italiano dabbenàggine Tedesco Dummheit.

mincionería , nf Definizione su èssere minchiones Sinonimi e contrari balossímini, boveria, tonteria Traduzioni Francese couillonnerie Inglese stupidity Spagnolo credulidad Italiano minchionerìa Tedesco Dummheit.

scimpredàdi , nf: scimpridadi Definizione su èssere iscimpros, cosa de iscimpros Sinonimi e contrari scimpresa, scimpróriu / ttrs. iscimpiumu Frasi s’at a parri scimpredadi ca pongu in menti a unu machiori! ◊ medas oi nant ca certas cosas de su passau funt scimpridadis ◊ cun is scimpridadis cosa tua oi abarraus chen'e pràndiri! Etimo srd. Traduzioni Francese bêtise Inglese nonsense Spagnolo tontería Italiano sciocchézza Tedesco Dummheit.