Ditzionàriu in línia
de sa limba e de sa cultura sarda

dúmida , nf: dúmmida Definizione muina, sonu coment'e de cosa chi girat fúlia, nau pruschetotu de sa bardúfola, ma fintzes su fragassu de su fogu abbruxandho a fràmmula meda, zúmiu de bentu, de muscone Sinonimi e contrari drínnida, zúmiu Frasi est tenendhe su focu a dúmidas de frama (G.Piga)◊ sas chícheras, chicherandhe a totu dúmida, irmedhighinabant a totus, zente e boes ◊ su bentu a dúmmida pilisat montes, badhes, chelu e mare Etimo srd. Traduzioni Francese tournoiement, crépitement Inglese crackilng Spagnolo trino, estallido, chisporroteo Italiano prillo, crepitìo Tedesco Schwirren, Geknister.

tracàda , nf Definizione su tracare; fintzes s'isperrada chi si faet in sa linna candho tracat Sinonimi e contrari tzacarrada / afilada, isperrada, tzacadura Etimo srd. Traduzioni Francese crépitation Inglese crackling Spagnolo chasquido Italiano crepitazióne Tedesco Geknister.

trachédhu , nm: traghedhu, tróchedhu Definizione su trachedhare; sonu coment'e de cosa àrrida e tostada segandho / t. de dentes = tzàcurru fatu a dentes faendho mòvere is barras a dentes sidhias Sinonimi e contrari istrachidhadura, rúmulu, tràchida, trachidada, tzacarrada, tzacàrridu Frasi unu corbu a trachedhu mi che ischidat de irbotu ◊ sont mannicanne tzuculate a tróchedhu ◊ de meriadorzu movet su masone in paschimenta, a lucore de luna in s'istula a gramuzu e a trachedhu ◊ su pane de fresa àrridu si mànigat a traghedhu ◊ candho sas berbeghes remuzant ossu de olia s'intendhent a traghedhu 2. Elias si aiat intesu sa carena artudhada e si fit torrau a sèdere a trachedhu de dentes (S.Spiggia)◊ in sa mandra s'intendhet sa robba gramuzandhe a trachedhu de barras Etimo srd. Traduzioni Francese crépitement Inglese creaking Spagnolo estallido, chisporroteo, crepitación Italiano crepitìo, stridóre, scròcchio Tedesco Geknister.

tràchida , nf: tràchita, tràxida Definizione genia de sonu de linna isperrandho, de cosa àrrida segandho, linna frisca cun fògia abbruxandho Sinonimi e contrari trachedhada, trachedhu, trachidada, tzacarrada Frasi a tràchitas fachent sas dentes, sos tronos, su fogu ◊ no s'intendhet de sa gherra sas tràchidas de fogu totu in tundhu ◊ si est intesa sa tràchida de sos ossos ◊ est sensada sa tràchida de sa trébbia ◊ in piata bi sunt sos ballos a tràchida Etimo srd. Traduzioni Francese crépitement Inglese rattle Spagnolo chasquido, chisporroteo, crujido Italiano scricchiolìo, crepitìo Tedesco Geknarre, Geknister.

trachidàda , nf: traghidada Definizione su trachidare Sinonimi e contrari intronnu, isbómbiu, istrachidhadura, tràchida, trechetada, tzacarrada Etimo srd. Traduzioni Francese crépitement Inglese crash Spagnolo crepitación Italiano crepitìo, fragóre Tedesco Geknister, Getöse.

tzacarèdha , nf: itzacarredha, tzacarredha 1 Definizione tzàcurru sighiu; furriadòrgia, arrana de canna, genia de aina po sonare in chida santa, o fintzes una genia de matraca fata cun tres tauledhas chi faent sonu iscudendhosi apare e fintzes su tzàcurru etotu; pipiriolu, pitariolu de canna de fenu; canna isperrada chi is bingiateris faiant tzacurrare po isciuliare is pigiones; aligusta pitica; genia de àghina niedha / èssiri una tz. = nau de ccn., abbarrare sèmpere foedhandho, a barra posta Sinonimi e contrari stóchidu, trachedhu, tzacàrridu / straciarana, tzaculitas 1 / tzacaredhu, tzacarradore Frasi portàt is ogus giai allugerraus de su fogu arrabiosu de is fosilis e in is origas sa tzacarredha de sa mitràglia 2. comenti a castiadori fiat bellu: cun sa tzacarredha in manu fadiat su fúrria fúrria in mesu de is giualis e su pilloni passàt atesu ◊ mi at lassau sa tzacarredha po agordai sa bíngia Terminologia scientifica sjl, crx Etimo srd. Traduzioni Francese crépitement, petite langouste Inglese rattle, small lobster Spagnolo estallido, pequeña langosta Italiano crepitìo, aragostèlla Tedesco Geknister, Heuschreckenkrebs.

tzacàrridu , nm: tzacarru, tzàcurru Definizione su tzacarrai, sonu o tzàcurru a sa sighia coment'e de cosa àrrida o chídrina segandho, abbruxandho, fintzes traghedhu o tzàcurru de dentes Sinonimi e contrari isbómbiu, isbomborada, trachedhu, trachidada, tzacariu, tzacarrada, tzacarredha 1, tzancurru Frasi si pesànt is trumbutus pariant tzacàrridus de linna frisca passionendu po fogu ◊ a candu intendeus custu tzacarru mannu pariat tronu ◊ s'intendit su tzacàrridu de s'erba chi tenit a pampa ◊ a mimmi mi pigat a tzàcurru de barras Etimo srd. Traduzioni Francese crépitement, éclatement, fracas Inglese crackling, burst, rumble Spagnolo crepitación, estallido Italiano crepitìo, scòppio, fragóre Tedesco Geknister, Bersten, Knall.

tzàchida , nf, nm: ciàchidu, tàchida, tzàchidu, tzàchiru Definizione genia de sonu a cropu o de moida puru, forte, sighia Sinonimi e contrari ciacu, iscópiu, itzàchidu, tracada, tzacarrada, tzacàrridu, tzàcurru, tzóchida, tzocu Modi di dire csn: tzàchida de dentes = traghedhu; tzàchidu de tronu = sciarrocada, traghidada; tzàchida de tonca = càntigu o boghe de tonca Frasi intendemu su tzàchidu de is ferrus acomenti fiast pudendi su sarmentu ◊ s'intendiat su tzàchidu de is ferrus de is cuadhus chi atobiamus ◊ apu inténdiu unu tzàchidu a is ossus ◊ s'intendit su tzàchidu de is bombas ◊ su tzàchidu de is tronus fait tremi is murus Etimo srd. Traduzioni Francese éclatement, craquement Inglese boom, creaking Spagnolo estallido, chasquido Italiano scòppio, scricchiolìo Tedesco Bersten, Geknister.