Ditzionàriu in línia
de sa limba e de sa cultura sarda

botíu , nm, nf: butia, butiu, bútiu, gutia* Definizione unu tanti pagu pagu de cosa, prus che àteru iscagiada: abba, ógiu, mele, binu e àteru deasi (si narat fintzes po pagu pagu) Sinonimi e contrari guta 1, istidha, istídhigu, làmbria, lutia, paspia / paghitzedhedhu Modi di dire csn: butiu mortu, butiu intro de muru = male cuadu, male chi no si bidet ma chi faghet dannu meda própiu pro cussu, mancari parzat cosa paga; butiu mortu = pudha crionzana, su chi si ndhe tenet de unu bene chi ant lassadu sos mannos, arrenduda; meighina a butios = de pigai a istídhius contaus; betare a butiu a butiu = a pagu a pagu; bogàreche sos butios = acontzare su tretu de una cabertura ue bi butiat abba projana a intro; su mastru de sos butios = mastru chi mendhat sas caberturas pro che bogare sos butios Frasi s'abba est falendhe a butiu in s'isseta ◊ at betadu pagos butios de binu a s'abba ◊ at annuadu meda ma at fatu duos bútios ebbia ◊ tocat de che bogare sos butios de cabertura, sinono nos proet intro de domo 2. ancu no si potat comporare unu butiu de abba! ◊ de cussa cosa tue no ndhe depes bufare mancu butiu, ca ti faghet male! ◊ pònemi duos butios de gafè a mi che leare custu sabore malu de buca! 3. si assemizant che duos butios de abba 4. dépidos no ndhe ponzo mai, ca sunt che gutiu in intro de muru! 5. fit sa matessi bellesa: li mancabat petzi su gutiu Cognomi e Proverbi prb: butiu mortu intro de muru che betat sa domo Traduzioni Francese goutte Inglese drop Spagnolo gota Italiano góccia, góccio Tedesco Tropfen, Schluck.

butiadúra , nf Definizione su butiare Sinonimi e contrari butiamentu, gutiadorzu, stidhiadura Etimo srd. Traduzioni Francese dégouttement Inglese dripping Spagnolo goteo Italiano gocciolaménto Tedesco Tropfen.

gutía, gútia , nf, nm: botiu, gutiu, gútiu Definizione unu tanti pagu pagu de cosa, prus che àteru lícuida / gútia intro de muru = male de domo (meda peus de unu male chi benit de fora), mescamente parente etotu chi faghet cosa a traitoria Sinonimi e contrari guta 1, istidha, istídhigu, làmbria, lutia, paspia Frasi isperas de luche e gútias de lentore ◊ deretu at trumentau a pròghere cada gútiu cantu un'obu 2. frade e sorre fint che duas gútias de abba: uguales de cara, de ghetos, in su modu de fàchere ◊ miseràbbile, sa gútia intro de muru ses tue! Etimo srd. Traduzioni Francese goutte Inglese drop Spagnolo gota Italiano góccia, góccio Tedesco Tropfen, Schluck.

ilgutadúra , nf: irgutadura, isgutadura, sgutadura Definizione su irgutare, su istidhigare, sa cosa chi orruet istidhigandho Sinonimi e contrari sucutadura Frasi so pronta a ti dare s'última isgutadura de su coro! Etimo srd. Traduzioni Francese égouttage Inglese dripping Spagnolo goteo Italiano sgocciolatura Tedesco das Tropfen.

istedhiàre , vrb: istidhai, istidhare, istidhiare, istidhigare, stidhiai Definizione calare o fintzes betare a istídhigu a istídhigu, pròere unu pagu, pruschetotu cumenciare a pròere Sinonimi e contrari aciaviai, arrosinai, botiare, cibinare, modhinare, plopighinare, proighinai / allardare, preutire, untinare Frasi serra bèni cussu grifoni ca abarrat istidhigandho! 2. totu su logu istidhiadu est, comente ses coladu cun s'isterzu sucuta sucuta! Etimo srd. Traduzioni Francese dégoutter, couler Inglese to trickle Spagnolo gotear Italiano gocciolare Tedesco tropfen.

istídhigu, istídhiu, istídhu , nm: stídhiu Definizione un'apenas de cosa, mescamente de css. lícuidu assimbigiau po tanti e bisura a una làmbriga / min. istidhiedhu; aconciai is istídhius de sa teulada = mendhare sa cabertura, cambiare carchi téula segada Sinonimi e contrari botiu, guta 1, gutiu, istidha, làmbria, làmpia, lútiu, lútria, paspia Frasi sa funtana fit falendhe a istídhiu ◊ ghetamí duus istídhigus de mexina! ◊ a istidhu a istidhu plenet su casidhu ◊ no at fatu prus un'istídhigu de abba! Etimo srd. Traduzioni Francese goutte Inglese drop Spagnolo gota Italiano góccia, góccio Tedesco Tropfen.

làmbria , nf: làmbriga Definizione una genia de abba chi bogant is gràndhulas de s'ogu; fintzes cosighedha pagu pagu, istídhigu de cosa (sudore, lentore), is granos de s'orrosàriu Sinonimi e contrari làcrima* / botiu, guta 1, gutiu, lútiu, lútria, istidha, istídhigu Frasi dhi calat, no dhi calat làmbriga ◊ connoscis cantus làmbrias mi ant fatu marigosu su pani! ◊ dhi calat dogna làmbriga che cariasa!… 2. s'afetu no est solu montovadu in sa moda de otavas e tertzinas ma lítzitu che làmbrias cristallinas (G.Ruju)◊ dha gradessis una lambrighedha de cafei? ◊ che chisina in sas àeras frundhida no siat custa làmbriga de vida! (A.Brundu) Traduzioni Francese goutte Inglese drop Spagnolo gota Italiano stilla, gócciola Tedesco Tropfen.

scolaméntu , nm Sinonimi e contrari scoladura, sucutadura Etimo srd. Traduzioni Francese suintement Inglese dripping Spagnolo goteo Italiano stillaménto Tedesco das Tropfen.

secútu , nm: assicutu, sucurtu, sucutu, sulgutu, suncurtu 1, suncutu, surcutu Definizione làmbrigas chi calant a cora candho si pranghet a meda; su respiru a cropu e a tzúnchiu chi si faet pranghendho Sinonimi e contrari singurtu, sunconi, tzaculitata / cdh. sicutu Frasi sa cuba est a sucutu ◊ no prangas làcrimas a sulgutu! ◊ in cuss'ammentu apo piantu a sucutu ◊ asciuta su sucutu de cussos ojos chi sunt bundhendhe làgrimas! ◊ mama e babbai prangint a suncutu sa morti de mulleri mia 2. sonant sas campanas a dolu, sas campanas a sucutu Etimo srd. Traduzioni Francese égouttement Inglese dripping Spagnolo goteo Italiano sgocciolìo Tedesco Tropfen.

sfài , vrb: ifàghere*, sfàiri Definizione isconciare, ma nau de istrégiu istampau chi perdet, chi lassat essire su chi dhue ponent Sinonimi e contrari falare, gessai, pèldere, sciai, sumire Frasi in custa domu totu scoscimingiara nci sfait che in su cioliru de scolai is macarronis! ◊ cuss'istrexu sfait, depit portai calancunu istampu ◊ custa carrada sfait: seu biendi sa lucina!◊ sa scifedha iscannia sfait a istídhiu a istídhiu Traduzioni Francese dégoutter, couler Inglese to drip Spagnolo gotear, chorrear Italiano gocciolare, colare Tedesco tropfen.

stidhiadúra , nf: istidhiadura* Definizione su stidhiai Sinonimi e contrari butiadura, butiamentu, gutiadorzu, stidhióngiu Traduzioni Francese égouttement continu Inglese dripping Spagnolo goteo Italiano gocciolatura Tedesco Tropfen.

stídhu , nm: istidha* Definizione un'apenas de cosa, mescamente de css. lícuidu Sinonimi e contrari botiu, ghema 1, guta 1, gutiu, istídhigu, làmbria, lútiu, lútria, paspia / cdh. stidhu Traduzioni Francese goutte Inglese drop Spagnolo gota Italiano stilla Tedesco Tropfen.

sucutadúra , nf Definizione su sucutare; cosa calada a istidhigadura, fintzes su fundhurúgiu, cosa chi abbarrat a úrtimu (e po cussu paga, unu tzichedhu) Sinonimi e contrari ilgutadura, scoladura, sucutonzu 3. sa sucutadura mi as dadu: abberi un'àtera ampulla! Etimo srd. Traduzioni Francese égouttage, suintement Inglese dripping Spagnolo goteo, gotas Italiano sgocciolatura, percolato Tedesco Tropfen, Perkolat.

sucutàre , vrb: sugutare Definizione lassare o fàere apostadamente orrúere s'abba (o àteru deasi) chi portat sa cosa, pruschetotu a istidhigadura, candho est paga; si narat fintzes in su sensu de su pèrdere o calare a istídhigos chi faet un'istrégiu istampau, chi sumit / andhare sucuta sucuta = istidhiendi, cun ccn. cosa ch'istídhiat Sinonimi e contrari aggutai, botiare, ilgutare, ilgutire, isciucutare, sucutire, sumire Frasi sos càlighes covacados fint sucutendhe in su lavandinu ◊ fit acabbandhe de si sucutare sas úrtimas istidhas de su sudore ◊ totu frades si nche aiant sucutau peri cussu fiascu (G.Piga)◊ s’abba est sucutendhe dae sa cobertura ca fit proindhe ◊ sa supressa at sessadu de sucutare ◊ su boe masellau est in sa gantziera apicau a sugutare 2. sa cupa at sucutau (G.F.Sedda) Etimo itl. soggotare Traduzioni Francese dégouliner, suinter Inglese to drip Spagnolo gotear Italiano sgocciolare, percolare Tedesco tropfen, perkolieren.