A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cabútzulu , nm Definitzione càbudu de filu, de fune e de àteru deasi; cosighedha de fàere Sinònimos e contràrios cabu / cabítzulu, ifiligristos 2. apo chentu cabútzulos de arrangiare.

càcaba , nf Definitzione genia de istrégiu a costaos bàscios, a un'asa, po còere (e mescamente fríere) cosa Sinònimos e contràrios fressonera, grassonera, ischiscionera, saltàina 2. ajaju miu naraiat cacabedha a sa tassa! Terminologia iscientìfica stz Ètimu ltn. caccabus.

cacabàrre , agt Definitzione nau de unu pegus brebeghinu, chi portat marcos de colore in conca, in tzugu, in petorras Sinònimos e contràrios bardeju, cacavarru.

cacacartzònes , nm: cagagaltzones, cagagartzonis, cagagratzonis Definitzione chie timet a meda po dónnia cositedha Sinònimos e contràrios cacaramos, cachete, cacoi, cagasacu, timarosu, timetupas, timigiolu | ctr. atrividu, coragiosu Terminologia iscientìfica ntl Ètimu srd.

cacacú , nm Definitzione pane de sirbone, pane o fà de procus, patata pórchina, genia de frore chi faet a patatedha ladita, asuta Sinònimos e contràrios cacamalune, cacasennoredha, ciciugojuadu, cucú 1, lepirisposu, ortiedhu, sennoredha Terminologia iscientìfica rba, Cyclamen repandum Ètimu srd.

cacàda , nf: cagada Definitzione su cagare; su ladamíngiu fatu; foedhandho de s'ogu e de s'origa, genia de malesa chi bogant Sinònimos e contràrios cagarada / cdh. sbacinata Ètimu srd. Tradutziones Frantzesu crotte, caca Ingresu defecation Ispagnolu cagada Italianu defecata Tedescu Defäkation.

cacadhói , nm Definitzione chie timet totu Sinònimos e contràrios cachete, cacoi, cacone, timarosu, timetupas, timigiolu | ctr. coragiosu.

cacadórju , nm, nf: cacatógiu, cagadógiu, cagadógliu, cagadòrgia, cagadorzu Definitzione logu inue si faet de bisóngiu Sinònimos e contràrios cómudu Terminologia iscientìfica dmo Ètimu srd. Tradutziones Frantzesu water-closet Ingresu loo Ispagnolu letrina Italianu cèsso, cacatóio Tedescu Klo.

cacadúra , nf: cacatura, cagadura Definitzione su cagare; su ladamíngiu puru chi si faet Sinònimos e contràrios brutesa Ètimu srd.

cacài , nm Definitzione su ladamíngiu, nau foedhandho cun pipios fintzes po css. cosa bruta Sinònimos e contràrios chechei, chèchele, melda Frases putzidha, cacai, cussu: no lu toches! Ètimu srd. Tradutziones Frantzesu merde, caca Ingresu shit Ispagnolu caca Italianu caca Tedescu Kacke.

cacajólu , agt Definitzione chi timet meda Sinònimos e contràrios cacoi, timarosu | ctr. coragiosu Ètimu srd.

cacalacàsu , nf: cacaracasu Definitzione genia de erba bona po s'iscurrentziadura Sinònimos e contràrios brentedha, cacaràgiu, culuebba, lisandru 1, ocicanu, pibirina, preiderina, preiderissa Terminologia iscientìfica rba, Smyrnium rotundifolium Ètimu srd.

cacalèdha , nf: cacaredha 1, crachedha, cracaledha Definitzione cardulinu de padenti o grogu, túnniu de prade, una genia de codrolinu, cacaredha, cachedha o cardulinu de murdegu (si assimbígiat de colore a su Boletus sardous, ma est prus mannu meda), bonu de papare Sinònimos e contràrios cachedha, tuvaretana Terminologia iscientìfica atn, boletus edulis Ètimu srd. Tradutziones Frantzesu bolet comestible Ingresu boletus Ispagnolu boleto Italianu porcino buòno Tedescu Steinpilz.

cacalètos , nm Definitzione chie timet totu e ndhe cagat fintzes su letu… Sinònimos e contràrios cacoi, timarosu | ctr. coragiosu Ètimu srd.

cacalétu , nm Definitzione genia de latúrighe o luedha de campu, tupighedha chi bogat unu latighedhu toscosu Sinònimos e contràrios lua, runtza, titímbalu Terminologia iscientìfica rba, Euphorbia pithyusa ssp. cupanii Ètimu srd.

cacallénu , agt Definitzione caga a lenu, abbellu: si narat de chie dhue ponet tropu tempus faendho is cosas Sinònimos e contràrios cagallente, immajonadu, prodhosu | ctr. lestru Ètimu srd.

cacallòne , nm: cagalloni Definitzione ladamíngiu a orrugu longu: prus che àteru est foedhu chi si narat a disprétziu / cagalloni istrantaxu = sedhitzi o minchemoru, genia de codrolinu longhitedhu e grussu, in colore de castàngia cotu Ètimu ctl. cagalló Tradutziones Frantzesu étron Ingresu turd Ispagnolu sorete, cabrón, gilipollas Italianu strónzo Tedescu Scheiße.

cacallonédhu , nm Definitzione min. de cacallone Tradutziones Frantzesu petit con Ingresu little turd Ispagnolu capullo Italianu stronzètto Tedescu Kotwürstchen.

cacalòdha , nf Definitzione genia de frutu chi faet sa rosa canina (orruo cràbinu) e fintzes àteras linnas Sinònimos e contràrios balladore, pibirillò, pimpirillodhi, piscialetu, rullari Terminologia iscientìfica rbr Ètimu srd. Tradutziones Frantzesu gratte-cul Ingresu butcher's broom Ispagnolu escaramujo, rosla perruno, silvestre Italianu cinòrrodo Tedescu Hagebutte.

cacamalúne , nm Definitzione pane de sirbone, pane o fà de procus, patata pórchina: genia de frore chi faet a patatedha ladita, asuta Sinònimos e contràrios cacacú, ciciugojuadu, cucú 1, lepirisposu, ortiedhu Terminologia iscientìfica rba, Cyclamen repandum Ètimu srd.