A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cuidàtu, cuidàu coidàde

cuidèra , nf, agt Definitzione genia de màniga a bestire in pitzu in su bratzu, fintzes a cuidos / capotina cuidera = bestimenta de furesi, abberta in dainanti, cun su cugutu Ètimu spn. Tradutziones Frantzesu manchette Ingresu oversleeve Ispagnolu codera Italianu soprammànica Tedescu Schutzärmel.

cuidína cobedína

cuidítu , agt Definitzione chi istat comente e cuau, apartau Ètimu srd.

cuídu, cúidu , nm: cuitu, cúriu, cúvidu, guidu Definitzione in sa carena, s'annoigadórgiu in mesania de su bratzu / fàghere a cuidu (nau de is moris, istradas e cosas aici) = furriai, fai una furriada Sinònimos e contràrios coidale Frases su sutzu de manos a cuidos ti ch'est falendhe, comente zughes cussa cosa! ◊ zughet sa camisa pinnigada in mànigas fintzas a su cuidu Terminologia iscientìfica crn Ètimu ltn. cubitus Tradutziones Frantzesu coude Ingresu elbow Ispagnolu codo Italianu gómito Tedescu Ellbogen.

cuighína coichína, coighina 1

cuíla coíbi

cuilàglia, cuilàrgia, cuilàrza, cuilàrzu, cuilàrxa, cuilàrxu, cuilàtza, cuilaxa coilàrza

cuíle, cuíli coíbi

cuillài coigiàre

cuincuénniu , nm Definitzione sumana o tempus de chimbe annos Terminologia iscientìfica tpc Tradutziones Frantzesu espace de cinq ans Ingresu five-year period Ispagnolu quinquenio Italianu quinquènnio Tedescu Jahrfünft.

cuíndigi , agt: bíndhichi, cuíndixi Definitzione deghe prus chimbe; fintzes torrada chi benit dónnia bíndhighi dies Frases su carnanseri macellat dónnia cuíndigi diis e solu su sàbudu 2. dónnia cuíndixi feus su pani in domu ◊ su pastori oi fiat in bidha ca dhi est tocau su cuíndixi Ètimu itl. quindici.

cuindigína bindhichína

cuindixàda , nf Definitzione tempus o sumana de bíndhighi dies Sinònimos e contràrios bindhigada, bindhichina Frases custu fatu est de sa primu cuindixada de su mesi Ètimu srd.

cuindixéri , nm Definitzione ómine de càmbiu chi giaet su bíndhighi a su cumpàngiu (pastore, àteru), una die dónnia bíndhighi Ètimu srd.

cuíndixi cuíndigi

cuínta , nf Definitzione foedhandho de iscolas, sa de chimbe classes segundhu s'órdine de gradu; foedhandho de su càmbiu de una màchina, sa de chimbe màrcias chi si podet pònnere po adatare sa fuliesa de su motore cun cussa de sa màchina Ètimu itl. Tradutziones Frantzesu cours moyen 2e année, cinquième vitesse Ingresu fifth class Ispagnolu quinto grado Italianu quinta Tedescu fünfte Klasse.

cuintalàgiu , nm Definitzione su tanti de pesu misurau in cuintales chi podet pigare unu mezu.

cuintàle chintàle

cuintíglia, cuintílla , nf Definitzione genia de pesada de poesia Frases Bonaventura Licheri nos at lassau una pariga de cuintillas in onori de su Redentori (J.Murgia).