A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

currughínu corrighínu

currulàre , vrb Definitzione fàere tzàcurros, sonos in bentre, fàere a cròcolos Sinònimos e contràrios borulare 1 Ètimu srd. Tradutziones Frantzesu gargouiller Ingresu to gurgle Ispagnolu hacer borborigmos Italianu borbogliare Tedescu gurgeln.

currulésu , agt, nm Sinònimos e contràrios bandhuleri, corruntoneri, currijolu, currulinu, garroneri, rundhajolu.

curruliètu , agt, nm Definitzione prus che àteru nau de piciochedhu, chi o chie istat sèmpere faendho, a su curre curre, andhandho Ètimu srd.

currulínu , agt, nm Definitzione chi o chie istat andhandho aifatu a ccn. o a calecuna cosa, a su curre curre Sinònimos e contràrios andariegu, bandhuleri, corruntoneri, currijolu, currulesu, garroneri, maltanu, rundhajolu, rundhellu, zirellu Frases currulinu, bribantoni, dhoi tenis sa picioca! Ètimu srd.

currulióti, curruliótu , nm Definitzione un'arratza de curruliu, abbitat e passat s'ierru in logu de paules Sinònimos e contràrios tzurruliota Terminologia iscientìfica pzn, numenius tenuirostris Ètimu srd. Tradutziones Frantzesu courlis Ingresu kind of curlew Ispagnolu zarapito Italianu chiurlottèllo Tedescu Dünnschabel-Brachvogel.

currulíu , nm Definitzione c. brentiniedhu, genia de pigione chi in Sardigna faet abbitu in beranu e in atóngiu Terminologia iscientìfica pzn, squatarola squatarola Ètimu srd. Tradutziones Frantzesu pluvière Ingresu black-bellied plover Ispagnolu chorlito real Italianu pivieréssa Tedescu Kiebitzregenpfeifer.

currulíu 1 , nm Definitzione una genia de pigiones a bicu longu, fàrchinu, chi in Sardigna abbitant solu in passera po passare ierru / curruliu o tzurruliu imperiali = s'arratza prus manna de custos pigiones (numenius arquata) Sinònimos e contràrios currulioti Terminologia iscientìfica pzn, numenius tenuirostris, n. phaeopus Tradutziones Frantzesu petit courlis Ingresu whimbrel Ispagnolu zarapito pequeño Italianu chiurlottèllo, chiurlo pìccolo Tedescu Dünnschabel-Brachvogel.

currullàda currillàda

currullài, currullàri currellài

cúrrulu , nm Definitzione murigu, murrúngiu de istentinas Ètimu srd. Tradutziones Frantzesu borborygme Ingresu belly gurgling Ispagnolu borborigmo Italianu borbogliaménto del vèntre Tedescu Gekoller.

currúmpere corrúmpere

currumpidòre, currumpidòri , agt, nm Definitzione chi o chie currumpet s'àteru Ètimu srd. Tradutziones Frantzesu corrupteur Ingresu corrupting, corrupter Ispagnolu sobornador Italianu corruttóre Tedescu Verderber, verderbend.

currumpidúra , nm Definitzione su currúmpere Ètimu srd.

currúmpiri corrúmpere

currúmpitu, currúmpiu corrúmpiu

currumpuài, currumpunài , vrb Definitzione furriare in tundhu, a caragolu, fàere su fúrria fúrria, nau de su cuadhu Sinònimos e contràrios archetare, crabiolai, ginetare Frases s'ègua parit chi portit ispíritus, allutendi is origas e currumpunendu Tradutziones Frantzesu caracoler Ingresu to caracole Ispagnolu caracolear Italianu caracollare Tedescu herumtummeln.

curruncòne , nm Definitzione brunchione, orrugu sicau o béciu mescamente in fundhos de bide.

curruncútu , agt Definitzione nau de animale, chi portat corros mannos, grussos Ètimu srd.

currungiài , vrb Sinònimos e contràrios arroncai, corroschiare, cosconare, farroscai, roschidare, sarracrare, sarrascare, surrusare Ètimu srd.