erriscài , vrb: arriscai* Definitzione su si pònnere apostadamente in perígulos de àere dannu Sinònimos e contràrios aprontai 1, atreviri Frases fut errischendu perígulu, lotendu in su fogu, in sa stracia e in sa gherra.
errisciòni , nm: arrescioni, errissone, errissoni, erritone, erritzone, erritzoni Definitzione arritzone de mata, de terra, de sicu, genia de animaledhu chi si faet sa tana in terra o in matas buidas e essit solu a denote, giughet sa pedhe totu ispinas (foras sa bentre) e candho dhu tocant si faet a unu lómboru de pàrrere una bòcia ispinosa; genia de animale de mare, tundhitu, a ispinas longas a dónnia bandha (arritzone de mari): de sa fémina si papant is oos / intrada de lioni, essida de erritzoni = torrare cun meda prus pagu de su chi s'ispetaiat o chi si cheriat, azummai fatos a birgonza Sinònimos e contràrios eritu* Terminologia iscientìfica anar, crx, rbr.
errisigórgiu , agt Definitzione nau de ccn., chi est alligru, erriet meda, ma nau fintzes in su sensu de erríere tropu, po dónnia cosighedha (e deosi a disprétziu: fémina errisigòrgia = sciàpida, locàcia) Sinònimos e contràrios arrisigóngiu, arrisulanu, errisingianu.
errisingiànu , agt Sinònimos e contràrios allegru, arrisigóngiu, risulanu | ctr. séliu, tristu Frases est pagu errisingianu e non saludat a nisciunus (G.Desogus) Ètimu srd.
errísiu, erríssiu , nm, pps, agt: rísidu, arrisu, errisu, irrisu, risu* Definitzione alligria chi si paret aperindho unu pagu is lavras e pruschetotu faendho una genia de boghe a iscracàlliu, a bortas po cuntentesa, po cosas curiosas, a befa; pps. de erríere / min. errisigedhu Sinònimos e contràrios befa, bischíglia / allegru, rísinu / rísidu | ctr. piantu Frases ti àuguro sa bona sorte, s'errísiu, sa salude ◊ sendhe pranghendhe su coro m'incantat, ite no diat èssere in s'errisu! 2. sas féminas ant errisu gai meda chi no la finiant ◊ trabballu de note errísiu de dedie.
errissólu erriciólu
errissòne, errissòni errisciòni
errísu errísiu
errisulànu , agt: arrisulanu, irrisulanu, risulanu* Sinònimos e contràrios allegru, arrisigóngiu | ctr. séliu, tristu.
erritòne errisciòni
erritzadúra , nf: arritzadura*, irritzadura Sinònimos e contràrios àscamu, gheléstia, ischifu, ischinzadura.
erritzàre , vrb: arritzae*, irritzare Sinònimos e contràrios grisai 1, ischifare, ischinzare 1, orrèschere.
erritzíre erricíe
erritzólu erriciólu
erritzòne, erritzòni errisciòni
erritzósu , agt: arritzosu, irritzosu Definitzione chi provat orretzu; chi faet orretzu, ischifu Sinònimos e contràrios afastiadori, ascamosu, ascosu, ghelestiosu, gravellosu, ingrivigliosu, pullinu, schivinosu Ètimu srd.
errítzu , nm: arritzu 3*, irritzu Sinònimos e contràrios àscamu, gheléstia, grisu, ischinzu, orretzu.
errítzu 1 , nm: arritzu* 1 Sinònimos e contràrios abighíngiu, brutura, rena, rosca, solla Frases portaia un'erritzu in s'ogu.
erríu , nm: arriu, irriu, ribu* Definitzione camba de abba meda currendho e su logu (càscia) inue passat arregorta, fintzes cora manna de abba o àteru deasi Sinònimos e contràrios frúmene, traghinu Frases ti apu inténdiu in erriu currendi ◊ in mesu a duos errios at naschiu una pramma ◊ sigheus erriu erriu e lompeus a cussa piscina ◊ bae erriu erriu! 2. su pipiu at prantu fuliandhe errios de làmbrigas Sambenados e Provèrbios smb: Erriu / prb: erriu mudu ndhe leat s'ómine.