A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

esclusívu , agt Definitzione chi apartenet o pertocat a unu ebbia.

èscra , nf Definitzione cantu de cosa chi si ndhe istacat a isperradura de un’orrugu prus mannu Sinònimos e contràrios àstua, àlcia.

escramatívu , agt: isclamativu Definitzione nau de su sinnu impreau in s'iscritura, puntu e., chi si ponet po significare s’intonu de sa boghe a isclamu naendho su foedhu chi dhu portat.

eséchias , nf pl: asséchias*.

esecutài, esecutàre escecutàre

esecutívu , agt, nm Definitzione chi si depet fàere, est postu a fàere, nau de un'órdine o decisione; nau de un'organísimu de amministratzione, cussu chi guvernat, chi decidit is cosas de fàere, chi faet e giaet is órdines a cunforma a s'incarreramentu de su parlamentu o àteru organísimu chi faet is leis e régulas Sinònimos e contràrios giunta, guvernu.

esémpiu, esémplu , nm: assembru* Definitzione paragone chi si ponet, cosa (o fintzes persona po su chi faet) chi si ammostat, si leat o si narat po fàere a cumprèndhere méngius su chi si bollet nàrrere o chi si bollet imparare Frases s'esémpiu tocat sèmpere a is mannus a dhu donai ◊ s'esémpiu utieresu de sa cantada benzeit sighidu in àteras bidhas ◊ esémpius bonus eus tentu de is babbus e mamas nostas ◊ Pina est istada mastra de generosidade,esémpiu de umiltade ◊ issu depiat servire de esémpiu a totu cussos chi de sa pulítica si ndhe afutiant, prus afusaos a trampare Tradutziones Frantzesu exemple Ingresu example Ispagnolu ejemplo Italianu esèmpio Tedescu Beispiel.

esentài, esentàre , vrb Definitzione su ndhe iscabbúllere a unu de calecunu óbbrigu o dovere a manera chi no dhu depat fàere.

esènte, esènti , agt, nm Definitzione chi o chie no est obbrigau che a is àteros a fàere unu dovere.

esentziòne, esentziòni , nf Definitzione su ndhe iscabbúllere a unu de calecunu óbbrigu o dovere a manera chi no dhu depat fàere, su no àere un’óbbrigu che a totu is àteros.

esércitu , nm: esértzitu Definitzione is fortzas armadas de terra de un'istadu, s'organizatzione militare de is sordaos ispartzia in diferentes corpos cun impreos diferentes Tradutziones Frantzesu armée Ingresu army Ispagnolu ejército Italianu esèrcito Tedescu Armee, Heer.

esercítziu , nm Definitzione css. cosa chi si faet imparandho po àere pràtiga; su fàere o èssere faendho unu mestieri, unu trebballu, una professione Tradutziones Frantzesu exercice Ingresu exercise Ispagnolu ejercicio Italianu esercìzio Tedescu Übung, Ausübung.

esértzitu esércitu

esígere , vrb: esígiri Sinònimos e contràrios asigiri, coberai Ètimu itl. esigere.

esígida , nf Definitzione su arregòllere is pagamentos Sinònimos e contràrios coberamentu coberantza Tradutziones Frantzesu perception des impôts Ingresu exaction Ispagnolu recaudación Italianu esazióne Tedescu Eintreibung.

esigíre, esigíri , vrb: asigiri* Sinònimos e contràrios coberai, esígere.

esígiri esígere

esiliài, esiliàre , vrb Definitzione istesiare de su logu suo, bogare fora a ccn. a logu angenu Sinònimos e contràrios disterrai, isterrare, terrafinare.

esíliu , nm Definitzione su che giagarare o bogare a unu de logu suo a logu angenu po chi no potzat fàere coment'e in logu e cun gente chi connoschet, mescamente po no fàere istrobbu a su guvernu o a chie cumandhat Sinònimos e contràrios confinu, disterru, isterru.

esímpre , agt: isimpre Definitzione chi est pagu abbistu, tontatzu / min. esimproto Sinònimos e contràrios innóchidu, scimpri, tontarrone | ctr. abbistu