A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isociàre , vrb Definitzione iscúdere cun s'ogu de sa segure Frases su tziu chin sa bistrale l'isociavat a sa tàula de su chervedhu e su porcu rughiat illaganau Ètimu srd.

isocradòra , nf Definitzione genia de bobboi chi atacat e distruet sa bide Sinònimos e contràrios filòssera Terminologia iscientìfica mld, philloxera vastatrix Ètimu srd. Tradutziones Frantzesu phylloxéra Ingresu vine louse Ispagnolu filoxera Italianu fillòssera Tedescu Zwerglaus.

isocràre , vrb: isogare, isograre, isojare Definitzione bogare is ogos; betare o segare is ogos de sa linna; isfortzare sa vista abbaidandho e fàere male a ogos Sinònimos e contràrios irdogai, isocrire / isogritedhare 3. cudhos duos si abbaidaiant chentza nàrrere nudha, ma isojandhe a mie! Ètimu srd.

isocràu , pps, agt: isogradu Definitzione de isocrare; chi che dhi ant betau is ogos (nau de matedu); nau de unu, chi no bolet bíere is cosas prus ladinas, mescamente nau in su sensu de si aprofitare de s’àteru Sinònimos e contràrios aprofitadore 2. cussas cannas de bide sunt totu isogradas, comente istant a su friga friga cussos animales 3. lampu a isogradu: deo istracu che àinu, isse chentza fàghere nudha e preteniat de l'azuare deo! ◊ in d-un'àrbure ruta totus bi faghent linna che zente isograda!

isocríre , vrb Definitzione betare o segare is ogos a sa linna Sinònimos e contràrios isocrare Ètimu srd. Tradutziones Frantzesu enlever les bourgeons Ingresu to take out buds Ispagnolu desyemar, deschuponar Italianu sbocciolare Tedescu entknospen.

isócu , agt Definitzione si narat de una persona chi faendho is cosas o portandho in manu una ferramenta no giaet atentzione e faet dannu Sinònimos e contràrios ildeoltu, istramu, istrònscia Tradutziones Frantzesu grossier Ingresu uncomely Ispagnolu torpe Italianu sguaiato Tedescu unmanierlich.

isofranàre , vrb: isorfanare Definitzione fàere a òrfanu, fàere mancare unu parente custrintu; furare calecuna cosa a unu Sinònimos e contràrios orfanare Frases e benemindhe de su bene, a isorfanare sa muzere e su fizu!… 2. como za l'amus pérdidu s'isetu, de su monte nos ant isorfanadu: su demàniu s'est impossessadu (B.R.Carbone) 3. bois sezis féminas isofranadas Ètimu srd.

isogadúra , nf Definitzione prus che àteru, isfortzu a ogos a fortza de abbaidare mescamente cosa pitichedha Ètimu srd.

isogàre isocràre

isogràda isociàda

isogràdu isocràu

isogràre isocràre

isogritedhàre , vrb Definitzione isfortzare is ogos abbaidandho faendho cosas pitichedhedhas o chi a dónnia modu isfortzant is ogos Sinònimos e contràrios bisogai, isoxitare Frases mi so isogritedhendhe ricamendhe custu letolu! ◊ za ti isogritedhas bene lezindhe cussa cosa minuda!… Ètimu srd.

isogroenàre isarguenàre

isojàda isociàda

isojàre isocràre

isojulàre , vrb Definitzione abbaidare bene cun atentzione aperindho meda is ogos Sinònimos e contràrios abbadiai, castiai Frases annoteit suta de su bancale e nemos, isojuleit intro de s'armàriu e nemos! (G.Addis)◊ no andhes a isojulare in totu sos chizolos! Ètimu srd.

isoladòre , nm Definitzione acotzu (cícara) de materiale isolante po poderare filos o àteras cosas chi portant sa currente Tradutziones Frantzesu isolateur Ingresu insulator Ispagnolu aislador Italianu isolatóre Tedescu Isolator.

isoladúra , nf Definitzione su isolare Sinònimos e contràrios isolamentu Ètimu srd.

isolài , vrb: isolare Definitzione pònnere sa cosa o fintzes a ccn. a manera chi no tochet cun àtera, chi istet sola o no tèngiat iscàmbios; pònnere s'isolante Sinònimos e contràrios abbandhare, assolae Frases s'elétricu si depet isolare ca sinono est perigulosu e si perdet in terra.