A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isorichedhàre , vrb: isorighedhare Definitzione ispistorare, segare orrughedhos pruschetotu de is oros de s'istrégiu de terra o de imbidru Sinònimos e contràrios irbicare, irmossighedhare, spissigorrai, spistorai Ètimu srd. Tradutziones Frantzesu ébrécher Ingresu to chip Ispagnolu desportillar Italianu sbreccare Tedescu anschlagen.

isoriciolàre , vrb Sinònimos e contràrios isasare, ismaniciulare Ètimu srd.

isoricràre irdoricràre

isoricredhàre , vrb Definitzione segare, immuciurrare is origas; fintzes segare is oros de calecuna cosa Sinònimos e contràrios irdoricrare / isorichedhare Ètimu srd.

isorídu , agt: assuriu, esuridu*, isuridu Definitzione nau de ccn., chi no giaet nudha, chi iat a bòllere totu issu, chi arrispàrmiat a tropu sa cosa Sinònimos e contràrios abbramidu, àidu 1, asuriosu, aulidu, codiciosu, limidu | ctr. isbaratadu, istrubberi Frases cuaiat su dinari in sa forra de sa tramata che a sos isoridos ◊ unu massaju isuridu no at chérfidu dare mancunu ranu de trigu a unu pedulianu ◊ cussos duos sunt unu isuridu e s'àteru isperdisciadore.

isorigàre irdoricràre

isorighedhàdu , pps, agt Definitzione de isorighedhare; nau de istrégiu, chi dhi mancat calecunu tretu de is oros, de s'órulu Sinònimos e contràrios irbicadu, ispistorau / idoredhau.

isorighedhàre isorichedhàre

isorigràre, isorijàre irdoricràre

isoriónzu , nm Definitzione su istare perdendho ora, passandho ora chentza fàere nudha, prus che àteru po mandronia Sinònimos e contràrios cilindramentu, cilindrúmene, preícia Frases s'isorionzu est maladia mala chi si depet curare luego, dai sendhe pitzinnedhos (G.Addis) Ètimu srd.

isorisòros , avb Definitzione oros oros, ororu, de oru a oru Frases curriat s'ispola isorisoros a s'isterrimenta Ètimu srd.

isóriu isòra

isorizàre , vrb Definitzione consumare, papare, segare, iscosire, isconciare s'órulu, is oros de unu trastu Sinònimos e contràrios isorulare, isoruledhare | ctr. orulare 1 Frases tatant sa gana a sa punna guasta isorizendhe che berme in sa mela! (G.Fiori) Ètimu srd.

isormedhicàre, isormichedhàre , vrb Definitzione istampare, istuvonare (linna, terra) comente faet sa formiga; in cobertantza, cricare de ischire is cosas Sinònimos e contràrios pertuntare, pertusai, sfustigonai, stuviolai / speculitai Ètimu srd.

isormichedhéri , agt, nm Definitzione chi o chie isormichedhat, nau de chie istat cricandho chistiones angenas e murrúngios Sinònimos e contràrios bestivocos, circabretus, insulladori Ètimu srd.

isorrobbadòre , nm Sinònimos e contràrios bardaneri, furone, irdorrobberi, irrobbadore, orrobbadore.

isorrobbàre , vrb: issorrobbare Definitzione leare, furare s'orrobba, sa cosa, a s'àteru a poderiu, cun sa fortza, a gherra: si narat fintzes in su sensu de imbuidare, fàere buidu Sinònimos e contràrios acrassare, afufai, arrapagnare, aungrare, furai, inghitai, irrobbare, sdorrobbai Frases si lu cheriant isorrobbare, totugantos ischiant a s'ora chi arribbaiat ◊ andhant a issorrobbare una dommo e cadaunu teniat sa posta de mantènnere 2. fit note manna candho mi che corchei cun sos ossos pistaos e sa conca isorrobbada de onzi alenu (B.Mazzone) Tradutziones Frantzesu voler, dérober Ingresu to rob Ispagnolu robar, hurtar Italianu derubare Tedescu berauben.

isorrobbatóriu idorrobbatóriu

isorrobbatóriu idorrobbatóriu

isorróbbu , nm Definitzione fura fata a poderiu, armaos, a gherra Sinònimos e contràrios acrassadura, irrobbamentu, irrobbatóriu, issorrobbatóriu, sdorrobbatóriu Frases sighindhe a ispreculare benint a ischire chi su dinari chi manizat est cussu de unu isorrobbu Ètimu srd.