Ditzionàriu in línia
de sa limba e de sa cultura sarda

limontziànu , nm Definitzione limone druche Sinònimos e contràrios lumia, perotu Terminologia iscientìfica frt, Citrus aurantifolia.

limòsa , nf Definitzione una calidade de lissa Sinònimos e contràrios birrotalla Terminologia iscientìfica psc Ètimu srd.

limósina lemósina

limosinài lemusinài

limosinàju , nm Sinònimos e contràrios pedidore, pedulianu Ètimu srd.

limosinàlzu , agt Sinònimos e contràrios caridadosu Ètimu srd.

limosinàre lemusinài

limosinéri lemusinéri

limósu , agt, nm Definitzione chi portat limu; calidade de lissa Sinònimos e contràrios limigosu, ludosu Frases mindhe un'àteru ancora, de flúmene: custa bolta feu e totu limosu Ètimu srd. Tradutziones Frantzesu limoneux, vaseux Ingresu slimy Ispagnolu fangoso Italianu limaccióso Tedescu schlickig.

limpàssu lampàtu

limpiabbàssas , nm Sinònimos e contràrios basseri, merderi Ètimu srd.

limpiadèntis , nm Definitzione frustighedhu fatu apostadamente, a punta, po illimpiare in mesu de is dentes Sinònimos e contràrios forrocadentes, ispulicadentes Ètimu srd.

limpiadúra , nf: limpiarura Definitzione su fàere límpia, neta, sa cosa, su logu e àteru Sinònimos e contràrios limpiamentu, pulidura, samunada | ctr. imbrutadura Frases toca ca donaus una limpiaruredha a su logu! Ètimu srd. Tradutziones Frantzesu nettoyage Ingresu cleaning Ispagnolu limpieza Italianu ripulitura Tedescu Säuberung.

limpiài , vrb: allimpiare, limpiare Definitzione fàere netu, límpiu, siat bogandhoche sa malesa, s'àliga, siat fintzes cosa chi no si bolet, chi no serbit o no si papat (es. corgiolu, cambos) Sinònimos e contràrios innetare, pulire, samunae | ctr. allodrigai, imbrutai Frases s'at limpiau is dentis isfustigonendu cun s'agulla ◊ is massajus límpiant is loris de s'erba ◊ s'at limpiau una mela po si dha papai ◊ ite mi siat cura de dutore si si límpiant bene limba e manos e faghent a su pratu inue papant! 2. mi siant perdonaus is pecaus e limpiada s'ànima mia! Ètimu srd. Tradutziones Frantzesu nettoyer Ingresu to clean Ispagnolu limpiar Italianu pulire Tedescu säubern, reinigen.

limpiaméntu , nm Definitzione su limpiare, fàere netu Sinònimos e contràrios limpiadura, pulidura, samunada Ètimu srd.

limpiaorígas , nm Definitzione fustighedhu cun cotone po intrare in is origas a dhas pulire Ètimu srd.

limpiàre limpiài

limpiarúra limpiadúra

limpidèdha , nf: limpiedha Definitzione genia de erba, a fogighedhas piticas agiummai tundhas, a cambighedhos longhitos, unu pagu crocaos, de bellu fragu, bona a cundhire papares Sinònimos e contràrios arrígamu, arégumu, maidana, pérsiga 1, prensa Terminologia iscientìfica cndh, Origanum majorana Ètimu srd.

limpidèsa , nf: limpiesa Definitzione su èssere límpiu, netu Sinònimos e contràrios limpidore, lughidesa, netesa | ctr. brutore, lotzore, muga, sodrímini Frases ti chirco, poesia, in sa limpidesa de su chelu Tradutziones Frantzesu propreté Ingresu limpidity Ispagnolu limpidez, limpieza Italianu limpidézza Tedescu Sauberkeit.