A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pípiri , nm: píspiri Definitzione pira, cosa posta subràbari Sinònimos e contràrios muntone Maneras de nàrrere csn: a culu in p. (culimpípiri) = a conca abbasciada e a paneri parau, in artu; fàghere su p. = pònnere cosa subràbari, una subra de s'àtera a zisa de pira, de campanile Frases bi at zente chi faghet su pípiri, faghindhe domos de una pranta: lis essit sa domo totu iscalas ◊ no si ponzat a culu in píspiri chena s’aisetare nudha de malu!◊ sas origlietas candho sunt frissas si ammelant e si ponent a pípiri ◊ bogaiant su ortiju e ndhe faghiant pípiris prontos a garrigare.

pipiríche pibiríche

pipirídhu , nm Definitzione its Frases cussa est che lauraedha pipiridhos in iscola.

pipiridònna , nf Definitzione tzicamariola, bobboi pintirinau, cun is alas orrúbias a pintirighinos niedhos, paret una mesa luna castiau de fiancu Sinònimos e contràrios abbajola, abbasanta 1, babbajola, majola, mandioba, mariola, predupischedhu Terminologia iscientìfica crp Ètimu srd.

pipirigótu , nm Definitzione mamudinu de burdellu, tzarra, boghes Frases no si bi cumprendhet nudha, paret unu pipirigotu!

pipirillòdha , nf Definitzione persona pagu séria, metzana Ètimu srd.

pipirillódhi, pipirilòdhi pimpirillódhi

pipirína pibirínu

pipirinàtu, pipirinàu pibirinàdu

pipiringiòni , nm Sinònimos e contràrios pilinzone* Frases su gatixedhu est malàdiu de pipiringionis a peis e megat de si morri.

pipiriolàre , vrb Definitzione sonare su pipiriolu Sinònimos e contràrios pipiolare*.

pipiriólu pipariólu

pipiripí , nm Definitzione cosighedha de nudha Sinònimos e contràrios ignagnaria.

pipiripòni pimpirimpòni

pipirísta pabarísta

pipirriólu pipariólu

pipisía pibisía

pipíta , nf Definitzione p. de sant'Ignàtziu, frutu de una mata de is Ísulas Filipinas Ètimu spn. pepita.

pipitéri , agt Definitzione chi dhi praghent is cosas bonas a papare Sinònimos e contràrios pititeri Frases pipiteri, Zacu est a currellu chircandhe gàrdulas, ospiandhe sas tupas de murta, lestru che gatu! Ètimu srd.

pipítu , nm Definitzione cosa de papare licante, bona, de àere a disígiu Sinònimos e contràrios pititu Frases issos ca bi ant sa buteca za si ne mànnicant de pipitos! (M.A.Mula)◊ bi at parastazos prenos de botes chin tzuculates, caramellas e pipitos ◊ assazandhe cussos pipitos como no chenant ◊ sa landhe est pro su porcu unu pipitu!