A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

turràju , nm Definitzione maistu chi faet e bendhet turras, terudhas, e palas de còere Sinònimos e contràrios tirudharzu Ètimu srd.

turraméntu , nm Sinònimos e contràrios turradura Ètimu srd.

turrànti , nm Definitzione tella, pedra lada de imbudhidare in su fogu po orrostire fitas de pane; genia de tumbarinedhu de làuna cun isportellitu e unu ferru intrau in mesu de longu a bisura de ischidone, po turrare cafei Sinònimos e contràrios fronígliu, turradore.

turràre turrài

turràrgiu , nm: ciurràrgiu* Definitzione istrampu, logu artu de inue orruet s'abba in is errios Sinònimos e contràrios istrampu, spéndula.

turràri turrài

turraròi, turraròri turradòre

turràtza , nf Definitzione turre manna Sinònimos e contràrios turrione.

turràu , pps, agt: aturradu Definitzione de turrare; nau in cobertantza de unu, chi est malu a intèndhere, chi no iscurtat, tostorrudu meda, chi faet totu de conca sua, o fintzes chi no cumprendhet bótziga (t. che su cíxiri) Sinònimos e contràrios malacoi, testarrudu Frases po mòlere su cafè apusti chi dh'iant turrau ant impreau su molineto 2. su porru a supa si papat cun fitas de pane turradas ◊ uscrandhe, sas ungras de su porcu cherent turradas pro ispitzicare 3. ma lah ca tui ses turrau, lah, o Pinóchiu!… Tradutziones Frantzesu torréfié Ingresu roasted Ispagnolu tostado Italianu torrefatto Tedescu geröstet, gebrannt.

túrre túrra 1

turrèdha , nf Definitzione genia de braxeri piticu cun su tapu totu a istampos, fatu de dhu pòdere pigare apicau cun tres cadenitas, ue si ponet pagas braxas e s'incensu po fàere unu fumu chi praghet, in is funtziones de crésia, coment'e singiale de adoramentu a Deus Sinònimos e contràrios afumentadore, andhaeni, andhalutorro, incenseri, timanzeri, turrita Terminologia iscientìfica prdc Tradutziones Frantzesu encensoir Ingresu censer Ispagnolu turíbulo, incensario Italianu turìbolo Tedescu Weihrauchfaß.

turrèdha 1 , nf, nm: turredhu Definitzione genia de pane modhe cun patata Terminologia iscientìfica pne.

turredhàda , nf Definitzione su tanti de una turra Sinònimos e contràrios terudhada Frases poni su pratu ca ndi poneus un'atra turredhada! Ètimu srd.

turrédhu turrèdha 1

túrri túrra 1

turrío trullío

turrionàju , nm: turronàgiu, turronaju, turronàrgiu, turronarju, turrunaju Definitzione chie faet o bendhet turrone Frases est in donzi festa paret turronaju! ◊ sunt connotos sos turrionajos tonaresos Terminologia iscientìfica prf Ètimu srd. Tradutziones Frantzesu personne qui fait du nougat Ingresu torrone maker Ispagnolu turronero Italianu fabbricante di torróni Tedescu Nougathersteller.

turriòne , nm Definitzione turre manna, fumajolu mannu (es. de fàbbricas), fintzes muntone de pedra in làcanas o fatu apostadamente po àteru singiale; nue manna arta càrriga de abba, prus che àteru a sola, o fintzes acanta cun àteras ma bene distinta Sinònimos e contràrios turratza Frases màchinas potentes in aeras, fràbbicas cun fumantes turriones ◊ turriones de nues che cuaiant a iscutas sa Luna 2. e ite si imbucant a pròere cussos turriones, a ndhe faghent de abba!… Ètimu srd.

turriòne 1 , nm: turrone, turroni Definitzione genia de druche fatu cun chiu de méndhula ispigiolada (o fintzes nughe) e mele (ma fintzes unu tanti de tzúcuru): famau su de Tonara Frases aiat lassatu su turrione e benniat solu tzuculate ◊ ant postu paradas in dogna cantoni cun binu, turronis licantis e carapigna ◊ mai che torrant a bidha turrone chentza béndhiu Terminologia iscientìfica drc Tradutziones Frantzesu nougat Ingresu torrone (kind of nougat) Ispagnolu turrón Italianu torróne Tedescu Nougat.

turrisànu , agt, nm Definitzione chi o chie est postu a badrare una turre Sinònimos e contràrios turritanu.