A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tzàssu , nm: ciassu, giassu*, zassu Definitzione unu tretu de su logu piticu e precisu o fintzes mannu; apertura in is muros o in is cresuras ue faet a passare de una parte a s'àtera Sinònimos e contràrios àghedu, bracaxu, tretu.

tzatzadúra , nf: satzadura*, tatadura Definitzione su tzatzare, nau mescamente po su tanti chi si papat Frases tandho fimus manicandhe pane a tzatzadura.

tzatzàghine , nm Definitzione nau cun ironia, piciochedhu làngiu, istinghiritzu, ischirriolu, chi no si tzatzat Ètimu srd.

tzatzagrèba , nf Definitzione tzatzadura manna de crepare, a tropu Frases cudhos bufant sa birra a tzatzagreba!

tzatzallúca, tzatzalúga tzantzallúga

tzàtzara tzàntzara

tzatzaràre tzantzaràre

tzatzàre , vrb: tatare* Sinònimos e contràrios atzibbare, mascare Frases pensavant a si tzatzare de onzi piachere 2. no ne cheret intènnere de si tzatzare chin matemàtica, percentuales e àteras archibbusatas.

tzatzaróu , nm: satzaroi, totorroi, tzotzoroi, tzotzoroju, tzotzorrou, tzutzuroi Definitzione fògia de casada, folla de casaresa, língua de cani, càrica de porcu, tuturoi canu, genia de erba / argu che tzatzarou, crú che tzotzoroju = agru che totoroju, agru meda, crú pisai, crú mamale Sinònimos e contràrios tatarógiu*, tzotzorju Terminologia iscientìfica rba.

tzatzarulèdha , nf: tataruledha Sinònimos e contràrios aratuledha, pistigioni, prantuledha, taràntula*.

tzatzàtu , agt: ciaciatu, satzau Definitzione chi at papau bene Sinònimos e contràrios afiancu, atatu, mascadu, pienu, zibbu Frases est manchinanne dae una rebbota prus cotu chi no tzatzatu.

tzàtzu , agt, nm: atatu*, tatu Definitzione chi o chie at papau bene; su èssere tzatzaos / a tz. = a révudu, de si ndhe tzatzare bene; giare su tz. a unu = su dhi giare soddisfatzione Sinònimos e contràrios afiancu, mascadu, pienu, satzau, zibbu | ctr. famidu Frases su tzatzu no credet a su famitu 2. a papare za si papat a tzatzu, ma si papat dónnia pudéntzia! ◊ e deo andho a butega sua a comporare a marcare? Mancu po dhi giare su tzatzu!

tzàu , avb Definitzione a tzau tzau = a pagu a pagu Frases fit mannicanne a tzau tzau.

tzàula , nf Definitzione salia, genia de abba chi essit in buca Sinònimos e contràrios abbaolga, abbau, baba, bàbula, bae, baulada, saliàciu Frases Antiogu est a càschidos e ndhe dhi calat sa tzàula pentzandhe a sos macarrones cun ghisau (R.Cossu).

tzauladòri , agt Sinònimos e contràrios apedhadore, issauladori, tzaulosu.

tzauladúra , nf Sinònimos e contràrios apedhadura, bauladura.

tzaulài tzabài

tzaulaméntu , nm Definitzione su istare apedhandho Sinònimos e contràrios apédhida, apedhu, inciau Ètimu srd.

tzaulàre tzabài

tzaulónzu Definitzione su tzaulare, su istare tzaulendhe, apedhandho Sinònimos e contràrios apedhonzu, tzàulu Ètimu srd.