Ditzionàriu in línia
de sa limba e de sa cultura sarda

denghéri , agt, nm Definitzione chi dhi praghent is denghes, a istare o a pigare a denghes Sinònimos e contràrios dengosu, melindrosu, minghenghi, mirringhengu, scanceriosu Frases custa est una fémina denghera Ètimu spn. Tradutziones Frantzesu minaudier Ingresu mawkish Ispagnolu denguero Italianu smanceróso Tedescu süßlich, Süßling, süßlicher Mensch.

isamanchiósu , agt Sinònimos e contràrios allodhiadu, apontziadu, dirredhu, isamanchiadu, scanceriau, strunciosu Terminologia iscientìfica ntl Ètimu itl. Tradutziones Frantzesu affecté, maniéré, minaudier Ingresu mawkish Ispagnolu remilgado, melindroso Italianu lezióso, smanceróso, smorfióso Tedescu affektiert, geziert, zimperlich.

leitànu , agt Definitzione nau de ccn., chi acostumat a èssere tropu delicau in is maneras de fàere, arrespetosu in manera esagerada e chentza bisóngiu; fintzes alligru Sinònimos e contràrios melindrosu, modosu 2. no est paghe leitana sa chi chirco! ◊ su pudhu est cantendhe leitanu Sambenados e Provèrbios smb: Leitanu Tradutziones Frantzesu minaudier, maniéré Ingresu maudlin Ispagnolu melindroso Italianu svenévole Tedescu geziert.

melindrósu , agt, nm: milindrosu Definitzione chi o chie acostumat a fàere tropu denghes, tropu milindros, o fintzes a èssere prenu de denghes, de milindros, a si crèdere meda Sinònimos e contràrios dengheri, dengosu, leitanu, minghenghi, mirringhengu, modosu, scanceriosu, spiscincosu Frases avantzat su matzone a conca tolta milindrosu, trassadu, iscoizendhe (P.Casu)◊ su paone melindrosu at postu in olvidu sas pumas suas cumbintu chi fit tropu pazosu ◊ bae, bae, o ebba milindrosa, bae e prosighi in su destinu tou! ◊ a s'intèndhere su re de sa foresta, s'àinu faghet su milindrosu Terminologia iscientìfica ntl Ètimu spn. melindroso Tradutziones Frantzesu minaudier, affecté, maniéré, mielleux Ingresu honeyed, affected (person) Ispagnolu melindroso Italianu svenévole, mellìfluo Tedescu geziert, gespreizter Mensch.

scanceriósu , agt: iscanceriosu, schenceriosu, schinceriosu Sinònimos e contràrios dengheri, dengosu, melindrosu, minghenghi, mirringhengu, scanceriau, schincedhosu / mendhecosu Frases si ndi benit a domu a iscrucullai, si acostat schenceriosa a s'acajolu e bufat a intullu ◊ a nàrriri diddinu est prus scanceriosu de nàrriri nonnu 2. mairu miu est scanceriosu: pani matzosu no ndi papat! ◊ sa pipia dh'intendu scanceriosa, no est prangendi ma si chèsciat: si depit intendi mali Ètimu srd. Tradutziones Frantzesu minaudier, timide Ingresu mawkish, reluctant Ispagnolu dengoso, melindroso, huraño Italianu smanceróso, smorfióso, ritróso Tedescu geziert, zimperlich, spröde.

schincedhósu , agt: schinchidhosu, schincidhosu Sinònimos e contràrios dengau, dengheri, dengosu, minghenghi, mirringhengu, scanceriau, scanceriosu Frases cussa piciochedha est schinchidhosa: faindedha benni a innòi! ◊ oi ge sesi schinchidhosa, Maria Candelera!… Ètimu srd. Tradutziones Frantzesu minaudier Ingresu mawkish Ispagnolu dengoso Italianu smanceróso Tedescu geziert.