Ditzionàriu in línia
de sa limba e de sa cultura sarda

àscru , nm: ascu Definitzione genia de ganalègia chi benit po fragu o sabore malu; genia de sentidu contràriu a ccn. o a calecuna cosa / fai ascu = furriare s'istògomo, fàghere a ganamala Sinònimos e contràrios abburrimentu, afàstiu, àscamu, ischifu / imbídia, tírria Frases sa peta cheret bene salia chi no li andhet perunu ascru Ètimu spn. asco Tradutziones Frantzesu répugnance Ingresu repugnance Ispagnolu asco Italianu ripugnanza Tedescu Abscheu.

dilgéniu , nm Definitzione su no pràghere de una cosa o de una persona, su no dha tènnere a géniu, su dh'àere a contragéniu / avb. a d. = a malaggana Sinònimos e contràrios afàstiu, àscamu, coscu, gheléstia, grisu, ischifu, noscu Ètimu itl. disgenio Tradutziones Frantzesu répugnance Ingresu disgust Ispagnolu repugnancia Italianu ripugnanza Tedescu Abscheu.

gheléstia , nf, nm: gheléstiu Definitzione genia de gana lègia chi si sentit po calecuna cosa chi no praghet, su èssere ghelestiosu, gravellosu, su àere ischifu Sinònimos e contràrios afàstiu, àscamu, aschiore, dilgéniu, grisu, ischifera, ischifu, noscu Frases apustis de su godimentu probabat petzi gheléstiu ◊ Sennore meu, s'abba custa borta est diventada brodu e pro cussu a issa postu apo gheléstia e no ndhe bibo! (A.G.Solinas) Tradutziones Frantzesu répugnance, dégoût Ingresu repugnance, fussiness Ispagnolu repugnancia Italianu ripugnanza, schifiltosità Tedescu Ekel, Zimperlichkeit.

ischifèra , nf: ischivera Definitzione cosa chi faet ischifu, su fàere ischifu, a gana lègia, su no èssere aggradéssiu nudha, nau de calecuna cosa Sinònimos e contràrios afàstiu, gheléstia, grisu, irgrísiu, ischefa, ischifu, schivoria Frases cussu cumportamentu mi faghet ischivera Ètimu srd. Tradutziones Frantzesu répugnance Ingresu repulsion Ispagnolu repugnancia Italianu ripugnanza Tedescu Abscheu.

nóscu , nm Definitzione genia de sentidu, ifadu o gana lègia contr'a calecuna cosa chi no praghet o chi no si bolet Sinònimos e contràrios aburia, afàstiu, àscamu, coscu, dilgéniu, gheléstia, grisu, ischifu Frases chi tui dha istimas de coru, no timas su noscu de chini no bollit! ◊ fut de diora chi connada mia teniat unu noscu contras a is sorris mias Tradutziones Frantzesu aversion, répugnance, antipathie Ingresu dislike, loathing Ispagnolu aversión, repugnancia Italianu avversióne, ripugnanza, antipatìa Tedescu Abneigung.

schivòri , nm: schivóriu Definitzione cosa bruta, brutore chi faet àscamu Sinònimos e contràrios ischifera, schivoria / ischifu, pudémia Frases ge mi at infradhocau… putzi, putzi, unu schivóriu aici no dh'ia biu mai! Ètimu srd. Tradutziones Frantzesu dégoût, répugnance Ingresu loathsomeness Ispagnolu asco, porquería Italianu schifosità Tedescu Ekelhaftigkeit, Widerlichkeit.

schivoría , nf Definitzione cosa chi faet crisu, de crisare / schivoria de bòi = merdaula Sinònimos e contràrios ischifera, putzidhia, putzímene, putzinosia, schivéntzia, schivori Frases custa citadi est una schivoria, est lómpia a s'úrtimu arrematu de su bellu ◊ candu femu in bidha mia papamu píbiri e ganella, immoi ca seu in bidha allena papu dónnia schivoria Ètimu srd. Tradutziones Frantzesu dégoût, répugnance Ingresu disgusting thing Ispagnolu asco, porquería Italianu schifézza Tedescu Ekelhaftigkeit.

spréu , nm: ispreu*, spriu Definitzione calecuna cosa chi no si bolet, chi est contragéniu meda, chi giaet dirgustu, iscramentu malu; fintzes pelea, múngia Sinònimos e contràrios assunciudhu, astudhu, iscadha, iscalmentu, ispràgiu, spamentu Maneras de nàrrere csn: bodhiri s. = collire assuconu; tènniri ccn. cosa a spreu = timiresila, istare timindhe a la fàghere; unu spreu de tempus = tempus meda Frases ndi at a tenni spreu a dhoi torrai a domu de s'amigu, po s'istrobbu chi dhi at donau ◊ de candu apu pigau spreu po is dotoris no dhus pòciu biri! ◊ su pensamentu de sa morti dhu turmentat fintzas a dh'acorrai in cristas de spreu ◊ spriu mannu ndi apu tentu de cussa chistioni! 2. apustis de unu spreu de tempus dh'at torrada a cerriai Tradutziones Frantzesu répugnance, horreur, terreur Ingresu repugnance, dread Ispagnolu repugnancia, horror, terror Italianu ripugnanza, orróre, terróre Tedescu Widerwille, Horror, Schrecken.