àscamu , nm: òscoma Definitzione genia de disgustu o gana lègia chi si provat po cosas chi no praghent Sinònimos e contràrios afàstiu, aschiore, ascru, gheléstia, grisu, ischifu Frases fit totu brutu chi ndhe faghiat s'àscamu ◊ mi faghet àscamu a manigare sa peta crua ◊ su betzu a tremulea, in dolos mannos, a fizu e nura àscamu faghiat (Chighine) Ètimu srd. Tradutziones Frantzesu dégoût Ingresu disgust Ispagnolu asco Italianu ribrézzo Tedescu Ekel.

chérpu , nm: crebu, crepu Definitzione su crepare, prus che àteru nau solu po s'arrennegu o tzacu chi si sentit po calecuna cosa o chistione Sinònimos e contràrios crebacoro, crébidu, crepamentu, crepígiu, febi Maneras de nàrrere csn: a crepu, a crebu de… = po fai arrennegu a…; fai cherpu = fàghere fele, fintzas fàghere dirbetos, bogai crecus, difetos; fai una cosa a crepu de figau = a malaggana, ammarolla; pònnere crebu = pònniri cuadhu in faci, fai a biri de bàliri prus de àterus Frases mi sciundit su logu po mi fai cherpu ◊ de su cherpu chi tenit in cropus comínciat a prangi a cérrius, gelosa de sa sorri 2. dinaris triballados chin sudores e crepos ◊ fiaus partius ma sa màchina si fiat posta a fai crepus e pariat ca si boliat firmai 3. nois sighimus a nos istimare a crepu de sa zente imbidiosa ◊ dèu ti nau chi ei a crepu de fiancus! ◊ a crebu insoro si ndhe setzit sempre in coa mia ◊ a crebu de cantos bi at nemigos arrives a lobrare onore e gosu! ◊ su pisedhu lu mandhamus a istudiare costet su chi costet: as a bídere chi ponet a conca e ponet crebu! Ètimu srd. Tradutziones Frantzesu dégoût, dépit Ingresu disgust, mischief, anger Ispagnolu rabia Italianu disgusto, dispètto, stizza Tedescu Widerwille, Ärger.

dilgéniu , nm Definitzione su no pràghere de una cosa o de una persona, su no dha tènnere a géniu, su dh'àere a contragéniu / avb. a d. = a malaggana Sinònimos e contràrios afàstiu, àscamu, coscu, gheléstia, grisu, ischifu, noscu Ètimu itl. disgenio Tradutziones Frantzesu répugnance Ingresu disgust Ispagnolu repugnancia Italianu ripugnanza Tedescu Abscheu.

dirgustàre , vrb: disgustai, disgustare Definitzione pigare su gustu, su praxere de fàere cosa o po ccn. cosa, fàere naschire unu sentidu de arrefudu Sinònimos e contràrios dispiàchere, ilvilire | ctr. piàchere Tradutziones Frantzesu dégoûter Ingresu to disgust Ispagnolu disgustar Italianu disgustare Tedescu anekeln.

dirgústu , nm: disgustu Sinònimos e contràrios dispiachere Tradutziones Frantzesu dégoût Ingresu disgust Ispagnolu disgusto Italianu disgusto Tedescu Ekel.

ghelestiàre , vrb Definitzione fàere o provare àscamu, ischifu, crisare Sinònimos e contràrios abborrèschere, afeai, aschiai, grisai 1, irdinzare, surreschiare Ètimu srd. Tradutziones Frantzesu répugner Ingresu to disgust Ispagnolu repugnar Italianu ripugnare Tedescu anekeln.

irgrisiàre , vrb Definitzione tènnere o fàere irgrísiu, grisu, nau fintzes in su sensu de àere bregúngia Sinònimos e contràrios abborrèschere, afeai, aschiai, ghelestiare, grisai 1, ischifare Frases ca si fit irgrisiada de fàchere bida rimitana si at chircau una bubada prus còdoma 2. chie iscurtat a bois iscurtat a mimme, e chie s'irgrísiat de mene s'irgrísiat de chie mi at mandhau (Ev.) Ètimu srd. Tradutziones Frantzesu éprouver du dégoût Ingresu to loathe, to disgust Ispagnolu despreciar, disgustar Italianu schifare Tedescu verschmähen.

ischífu , nm, agt: ischivu, schifu Definitzione chi faet coment'e a gana lègia, genia de gana lègia chi si sentit po cosa chi no praghet, cosa de arrefudare Sinònimos e contràrios afàstiu, àscamu, ascu, gheléstia, grisu, irgrísiu, ischefa, ischifera, schivori Frases su corvu si detzidit a cantare fatendhe ischivu a totu sos puzones Ètimu itl. Tradutziones Frantzesu dégoût Ingresu disgust (ing) Ispagnolu asco Italianu schifo Tedescu Ekel.

ischivítzu , nm Definitzione genia de ganas lègia chi si provat po unas cantu cosas, cosa chi faet a gana lègia Sinònimos e contràrios afàstiu, àscamu, ascu, gheléstia, grisu, irgrísiu, schivori Frases custa, assumancu, est cosa bona e no bascaràmine che cussu ischivitzu de tramatas chi sunt bendhindhe! ◊ mi faghet ischivitzu ca no ndh'at fatu mai una bona! ◊ custu logu est totu ischivitzu, prenu de terpios Ètimu srd. Tradutziones Frantzesu dégoût Ingresu disgust Ispagnolu asco Italianu schifo Tedescu Ekel.

«« Torra a chircare