Legenda Incurtzaduras | Legenda Sìmbulos

fiàca , nf Definitzione manera de fàere, a sa lena ma cun trassa; cosa chi si narat o chi si faet cricandho de pigare a sa bona a unu Sinònimos e contràrios addàsiu, apódhiu, cagna / abbréngulu, carigna, frandhigu, imbímbinu, losinga, marieta Frases a ndhe zughes de fiacas, tue!…◊ míseros nois chi nos lassamus ingannare de sas fiacas chi fachent sos de su mundhu! ◊ unu padronu ricu cun fiaca unu giualzu at imbaucadu ◊ cussos coglionant sa zente cun sas fiacas 2. fit fachèndheli chentu zocos e fiacas ◊ sas pupias si ammodhicabant a sas fiacas de sa natura ◊ dae sa fiaca de sos canes si l'aiat pessau chi fit su fizu torrandhe ◊ issu no fit bonu a fàchere fiacas e carinnos frassos ◊ fit s'animedha tua in oriolu a su chelu pedindhe una fiaca de zocos Ètimu itl. fiacca Tradutziones Frantzesu lenteur, cajolerie Ingresu slowness, simpering Ispagnolu lentitud, zalamería Italianu lentàggine, moina Tedescu Langsamkeit, Geziertheit.

immajónu , nm: irmasionu Definitzione manera de fàere is cosas tropu abbellu, chentza presse nudha, cun tropu tempus Sinònimos e contràrios apódhiu, cassàssia, ingroedhu, isténia, lasinore, lenesa, lentesa, mighirimíghiri, priesa, priura | ctr. ispitzesa, lestesa, presse Frases lampu a irmasionu chi zughet cussu: istat tres oras pro unu nudha! 2. za no lu bochit sa presse: totu a irmasionu faghet! Ètimu srd. Tradutziones Frantzesu lenteur Ingresu slowness Ispagnolu lentitud Italianu lentézza Tedescu Langsamkeit.

ingroédhu , nm Definitzione manera de fàere is cosas tropu abbellu abbellu, chentza presse peruna a tropu; cosighedhas de fàere, impícios de pagu contu, inghírios Sinònimos e contràrios apódhiu, cassàssia, immajonu, isténia, lentesa, priura / ifiligristos, inghíriu | ctr. lestesa, presse 2. sico a istudiare: totu su restu de sos ingroedhos meos abbarrant addaesecus, como! (A.M.Carta) Tradutziones Frantzesu lenteur, longueur Ingresu slowness Ispagnolu lentitud Italianu lungàggine Tedescu Länge.

tontímine, tontímini , nm Definitzione su èssere tontos, farta de abbistesa, de inteligéntzia Sinònimos e contràrios balossímini, mincioneria, tontedade, tontíghine | ctr. abbistesa, inteligéntzia Ètimu srd. Tradutziones Frantzesu sottise Ingresu slowness Ispagnolu torpeza Italianu ottusità Tedescu Stumpfheit.

«« Torra a chircare