Legenda Incurtzaduras | Legenda Sìmbulos

arrevesciúmini , nm: revessúmine Definitzione su èssere revessos, dortos Sinònimos e contràrios arrevesciori, dortidúdine, revessidade, revessura, revessiu, tostorrímine Frases dognunu tenit unu pagu de arrevesciúmini Ètimu srd. Tradutziones Frantzesu entêtement Ingresu stubborness Ispagnolu necedad, terquedad Italianu testardàggine, stoltèzza Tedescu Starrsinn, Torheit.

dortidúdine , nf Definitzione su èssere trevessos, trotos, su no èssere bonos a cunsiderare (o su no bòllere cunsiderare) is cosas e giare arrexone a chie dha tenet Sinònimos e contràrios arrevesciori, dortine, revessidade, revessura, revessiu, tortíghine, trotímene | ctr. sabiesa Frases lampu ca ndhe zughet, de dortidúdine, cussu, est abberu: mancu a fune afilat! Tradutziones Frantzesu sottise Ingresu silliness Ispagnolu estupidez Italianu stoltézza Tedescu Unklugheit.

iscabadoría , nf Definitzione su èssere chentza cabu, trotos, revessos; isciolóriu, cosa chi no tenet sétiu Sinònimos e contràrios arrevesciori, dortine, revessura, trotímene / bambiore, isabidóriu, isciallóriu Ètimu srd. Tradutziones Frantzesu sottise Ingresu obtuseness Ispagnolu necedad Italianu stoltézza Tedescu Torheit.

locúra , nf: lucura 1, lugura 1 Definitzione fata o cosa de locos, de gente pagu sàbia, pagu abbista / learesila a lucura = a zogu, a brulla, chentza cabu Sinònimos e contràrios arrevesciori, dortidúdine, machighinada, macheine, revessidade, revessura | ctr. sabiesa, sabiore Frases pòvera conca: gríglios e luguras si sunt giambados in mughedhu sutzu (P.Casu)◊ canta cudhu cantu de sa tristura pro pibiu e pro lucura in cust'adhe de piantu! (A.Serra)◊ locura est chi presumant sos cocois ca giughent corros a pòdere arare (Cubedhu)◊ is lucuras fatas de is mannus tuus dhas tengu iscritas ◊ si no si ndh'at a àere frutu est locura su pagare! (F.I.Mannu) Ètimu spn. locura Tradutziones Frantzesu sottise, frivolité, futilité Ingresu foolishness, trifle Ispagnolu necedad, frivolidad Italianu stoltézza, frivolézza Tedescu Dummheit, Frivolität.

tortèsa , nf: trotesa Definitzione su èssere trotos, su dha pentzare a trotu, su abbetiare chentza arrexone; cosa pentzada o fata po male Sinònimos e contràrios tortíghine, tortiorja, tortura Frases po sa trotesa sua at fatu deasi! Ètimu srd. Tradutziones Frantzesu sottise Ingresu silliness Ispagnolu estupidez Italianu stoltézza Tedescu Torheit.

travessúra , nf: trevessua, trevessura Definitzione cosa trevessa, dannu mannu; fintzes atzione mala, fata de farabbutos / fai trevessuas = (nau de su tempus) fàere dannu Sinònimos e contràrios machiore, tortíghine, trevessúmini Frases is travessuras tuas ne dhas iscudes a mie ca tegno palas mannas! ◊ bosatrus seis cumbinandu trevessuras ◊ cras cuncordaus cussu macitu, prima chi cumbinit un'àtera trevessura ◊ sa genti traitora fait malis e trevessuras ◊ trevessuras naturalis funt isciutura, istracia, mortalla ◊ custa est noti de bentu forti e de trevessura Ètimu srd. Tradutziones Frantzesu sottise Ingresu silliness Ispagnolu necedad Italianu stoltézza Tedescu Dummheit.

trotímene , nm: dortímine* Definitzione su èssere revessos, trotos, su no èssere bonos a cunsiderare, o su no bòllere cunsiderare, is cosas e giare arrexone a chie dha tenet Sinònimos e contràrios dortidúdine | ctr. giustidadi Frases connoschindhe sa malintentzione e su trotímene de s'animale, s'ómine arrennesset a no che arrúere a terra Tradutziones Frantzesu sottise Ingresu stupidity Ispagnolu necedad Italianu stoltézza Tedescu Torheit.

«« Torra a chircare