Ditzionàriu in línia
de sa limba e de sa cultura sarda

addolimàdu , pps, agt Definitzione de addolimare; chi est a dólimas, chi dhi dolet calecunu arremu de sa carena, ma fintzes chi tenet dispraxere Sinònimos e contràrios addoliadu, addolidu, addoliminadu, addolofiatu, addoloridu, addolumenadu, indilighidu / cdh. addulumitu Frases est una percossada gai bruta chi si at insambenadu su carrone e tota addolimada est sa persone chi pro sa cura li ponet pedinu 2. addolimadu, sas pàzines serro de sos mentuados naradores Tradutziones Frantzesu endolori Ingresu aching, numbed Ispagnolu dolorido afligido Italianu dolorante, indolenzito Tedescu schmerzend, betrübt.

addolimalzàdu , agt Definitzione chi est totu dólimas o dispraxeres, totugantu addoloriu Sinònimos e contràrios addolimorjau, dobidori, dolintiosu, indoliu Frases est addolimalzada in unu letu fatu de ispinas Ètimu srd. Tradutziones Frantzesu désolé, douloureux Ingresu afflicted Ispagnolu dolorido, afligido Italianu dolènte Tedescu schmerzend, betrübt.

addolorídu, addolorítu, addoloríu , agt, nm Definitzione chi sentit, est sentindho dolore, dispraxere mannu; su parente de unu mortu Sinònimos e contràrios addoliadu, addolidu, addolimalzadu, dolotiosu / cdh. adduluritu Frases si ndh'est pesau addoloriu iscutulàndhesi su ludu ◊ sa pobidha est sufrindho addolorida s'atrite ◊ so passandhe sa vida addolorida ◊ sa famíllia fit pranghendhe su mortu e sa domo fit prena de zente addolorita ◊ sunt restadas addoloridas tantu de no àere ardúrios de ndhe asciare sa conca Ètimu srd. Tradutziones Frantzesu affligé, peiné Ingresu grieved Ispagnolu afligido Italianu addolorato Tedescu betrübt.

amargàdu , pps, agt: amargau Definitzione de amargare, -ai Sinònimos e contràrios amarguradu, dispiàchiu | ctr. contentu, prexau 2. mi at azostradu donzi bolu betendhemiche amargadu in bratzu a donzi turmentu ◊ cantas famílias amargadas de fele e umiliadas! ◊ proite custa buca amargada? Tradutziones Frantzesu désolé Ingresu embittered Ispagnolu amargado Italianu amareggiato Tedescu betrübt.

amarguràdu , pps, agt: amargurau Definitzione de amargurai Sinònimos e contràrios amargadu, amargurosu, dispiàchiu | ctr. contentu, pregiosu 2. tue e deo amargurados che seu noche finimus (G.M.Cherchi) Tradutziones Frantzesu désolé Ingresu embittered Ispagnolu amargado Italianu amareggiato Tedescu betrübt.

aporàdu , pps, agt Definitzione de aporare / a. che carrabbusu chi at pérdiu sa botza = si narat a befe a chie si mustrat aporadu pro nudha, chentza bisonzu Sinònimos e contràrios acoradu, atribbuladu, contribbuladu, iscoradu, iscoridu Tradutziones Frantzesu affligé, tourmenté Ingresu afflicted Ispagnolu afligido Italianu afflitto, angustiato Tedescu traurig, betrübt.

dispiàchiu , pps, agt: dispiàghidu, dispiàghitu, dispràsiu Definitzione de dispiàchere; chi est provandho dispraxere Sinònimos e contràrios abbrudhatu, amarguradu, annicadu, atassau, discuntentu | ctr. piàchiu / contentu, pregiau Frases si fiaus postus a arrí, perou sa cosa si fut dispràxia etotu 2. su sardu austesu puru at comintzau a mòrrede e seus totu dispràsios ◊ festus morendi de su sidi, andaus a circai àcua ma no nd'eus agatau e si ndi seus torraus dispràxius Tradutziones Frantzesu qui a beaucoup de peine Ingresu disliked, annoyed, sorry Ispagnolu disgustado Italianu dispiaciuto, contrariato Tedescu betrübt, traurig.

dolimentósu , agt Definitzione chi sentit dispraxere po su male angenu, po calecunu dannu Sinònimos e contràrios dispiàchidu, dobidori, dolentziosu, dolimorjosu, dolorzosu, dolosu | ctr. contentu, prexau Frases sas féminas, dolimentosas pro sa morte de sa pitzinna, chircant de dare cufortu a sa mama ◊ sunt totu dolimentosos ca no lis est andhada bene sa faina Ètimu srd. Tradutziones Frantzesu désolé Ingresu sorry Ispagnolu afligido, doliente Italianu dolénte, spiacènte Tedescu betrübt.

iscossolàu , agt Definitzione chi no tenet consolu Sinònimos e contràrios acoradu, afligidu, atribbuladu, contribbuladu, iscoradu, iscoridu Frases iscossolau, chene cufortu pranghet sa malasorte Ètimu srd. Tradutziones Frantzesu éploré, désolé Ingresu disconsolated Ispagnolu desconsolado Italianu sconsolato Tedescu betrübt.

pirmàtu , pps, agt: primau, primmadu, primmau Definitzione de pirmare; chi dha tenet cun ccn., ma fintzes tristu ebbia / primmada che a s'addolorada = trista meda Sinònimos e contràrios abbrudhatu, abbutzadu, acubadu, annicadu, annoxau, dispiàchiu, inconadu, muscunzinadu | ctr. allegru, contentu, pregiau Tradutziones Frantzesu désolé, boudeur Ingresu sulky, sulked Ispagnolu triste, enfurruñado, ceñudo Italianu rattristato, imbronciato Tedescu betrübt, schmollend.