Ditzionàriu in línia
de sa limba e de sa cultura sarda

addolídu , pps, agt: addoliu Definitzione de addolire; chi est a dolores; chi sentit dolore, dispraxere mannu Sinònimos e contràrios addoliadu, addolimadu, addoloridu, indilighidu 2. sas féminas sunt pianghindhe addolidas Tradutziones Frantzesu endolori Ingresu numbed, grieved Ispagnolu entumecido, afligido Italianu indolenzito, addolorato Tedescu schmerzend.

addolimàdu , pps, agt Definitzione de addolimare; chi est a dólimas, chi dhi dolet calecunu arremu de sa carena, ma fintzes chi tenet dispraxere Sinònimos e contràrios addoliadu, addolidu, addoliminadu, addolofiatu, addoloridu, addolumenadu, indilighidu / cdh. addulumitu Frases est una percossada gai bruta chi si at insambenadu su carrone e tota addolimada est sa persone chi pro sa cura li ponet pedinu 2. addolimadu, sas pàzines serro de sos mentuados naradores Tradutziones Frantzesu endolori Ingresu aching, numbed Ispagnolu dolorido afligido Italianu dolorante, indolenzito Tedescu schmerzend, betrübt.

addolimalzàdu , agt Definitzione chi est totu dólimas o dispraxeres, totugantu addoloriu Sinònimos e contràrios addolimorjau, dobidori, dolintiosu, indoliu Frases est addolimalzada in unu letu fatu de ispinas Ètimu srd. Tradutziones Frantzesu désolé, douloureux Ingresu afflicted Ispagnolu dolorido, afligido Italianu dolènte Tedescu schmerzend, betrübt.

addolorídu, addolorítu, addoloríu , agt, nm Definitzione chi sentit, est sentindho dolore, dispraxere mannu; su parente de unu mortu Sinònimos e contràrios addoliadu, addolidu, addolimalzadu, dolotiosu / cdh. adduluritu Frases si ndh'est pesau addoloriu iscutulàndhesi su ludu ◊ sa pobidha est sufrindho addolorida s'atrite ◊ so passandhe sa vida addolorida ◊ sa famíllia fit pranghendhe su mortu e sa domo fit prena de zente addolorita ◊ sunt restadas addoloridas tantu de no àere ardúrios de ndhe asciare sa conca Ètimu srd. Tradutziones Frantzesu affligé, peiné Ingresu grieved Ispagnolu afligido Italianu addolorato Tedescu betrübt.

afligídu , agt, pps: afrigiu, afrizidu, afrizitu, afriziu Definitzione de afligire; chi est coment'e in pena, sufrindho in s'ànimu, dispràxiu Sinònimos e contràrios acoradu, atribbuladu, contribbuladu, iscoradu, iscoridu Frases est Deus beneitu e sapiente salvadore de s'ànima afrigida ◊ tui ses su consolu de is afligius ◊ sas oras bellas fuent e ti aciapas cun s'ànima afligida ◊ totugantos narant peràulas de acunnortu a sa mama afrizida ◊ ita vida afligia chi megu de passai!… Tradutziones Frantzesu affligé Ingresu afflicted Ispagnolu afligido Italianu afflitto Tedescu traurig.

aporàdu , pps, agt Definitzione de aporare / a. che carrabbusu chi at pérdiu sa botza = si narat a befe a chie si mustrat aporadu pro nudha, chentza bisonzu Sinònimos e contràrios acoradu, atribbuladu, contribbuladu, iscoradu, iscoridu Tradutziones Frantzesu affligé, tourmenté Ingresu afflicted Ispagnolu afligido Italianu afflitto, angustiato Tedescu traurig, betrübt.

contribbulàdu , pps, agt: contribbulau Definitzione de contribbulare; chi est sufrendho meda Sinònimos e contràrios acoradu, acronnoau, afligidu, iscoradu, iscoridu, pascionadu | ctr. contentu, prexau Tradutziones Frantzesu affligé Ingresu distressed Ispagnolu afligido Italianu afflitto, tribolato, travagliato Tedescu heimgesucht.

dolimalzósu , agt: dolimazosu, dolimogliosu, dolimorjosu Definitzione chi sentit dolore, dispraxere; chi dolet; fintzes chi sentit piedade, chi sentit piedu, ndhe tenet làstima Sinònimos e contràrios dispiàchidu, dobidori, dolentziosu, dolimentosu, dolimosu, dolorzosu, dolosu Frases est iscampiada un'ànima dolimorjosa a mi nàrrere a bènnere ◊ sa pessone dolimogliosa istat a cucutzu falatu ◊ dolimogliosu si aviat a domo de su nonnu ca fit mortu ◊ su cantare a mummucu est meta dolimogliosu: gai cantant chie est in tristura 2. piús ratas, piús ti essit sa fae chi dat dolimalzosu mandhighinzu ◊ su leperedhu est in su culvenu tantendhe a díligu a díligu sa carena dolimazosa 3. Deus est dolimogliosu de sos fígios suos pecadores Ètimu srd. Tradutziones Frantzesu désolé, endolori Ingresu painful Ispagnolu afligido, doliente, dolorido Italianu dolénte, dolorante Tedescu betrübt, schmerzend.

dolimentósu , agt Definitzione chi sentit dispraxere po su male angenu, po calecunu dannu Sinònimos e contràrios dispiàchidu, dobidori, dolentziosu, dolimorjosu, dolorzosu, dolosu | ctr. contentu, prexau Frases sas féminas, dolimentosas pro sa morte de sa pitzinna, chircant de dare cufortu a sa mama ◊ sunt totu dolimentosos ca no lis est andhada bene sa faina Ètimu srd. Tradutziones Frantzesu désolé Ingresu sorry Ispagnolu afligido, doliente Italianu dolénte, spiacènte Tedescu betrübt.

pascionàdu , pps, agt Definitzione de pascionare; chi est sufrindho, chi sufrit meda Sinònimos e contràrios sufridu / contribbuladu, patidore 2. tichirriade forte, frades, sa bostra pascionada vida! Tradutziones Frantzesu affligé Ingresu distressed Ispagnolu afligido Italianu soffèrto Tedescu heimgesucht.