A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

agrionóngiu , nm Definition su ogrianae, lamentu o murrúngiu ca sa cosa est paga o no est bona Etymon srd.

agriòre acriòre

agrítinu , agt Definition chi est argu, aghedu, de sabore o fragu pitzigorosu Synonyms e antonyms acru, agratzadu Sentences aera trista, agrítina de chijina (G.Addis) Scientific Terminology sbr Etymon srd. Translations French âcre English acrid Spanish acre, áspero Italian acre German herb.

agrítu , agt: agritzu, arghitu Definition min. de agru, unu pagu aghedu Synonyms e antonyms acriolu, acrisinu, acronzu, agràciu, agrestinu, arghixi, argútzulu, asprixi | ctr. druce Surnames and Proverbs smb: Arghittu Scientific Terminology sbr Etymon srd. Translations French aigre, acidulé English sour, acidulous Spanish áspero, agrio Italian aspro, acìdulo German herb, säuerlich.

agritzàdu agratzàdu

agritzàre , vrb Definition fàere agritzu, cumenciare a si aghedare; prnl. (a. de una cosa), fàere ingestos de disgustu tastandho cosa agheda Synonyms e antonyms acriare Etymon srd.

agrítzu agrítu

agrógnu acrónzu

agrogostiàre , vrb Definition fàere sa boghe de sa pudha Synonyms e antonyms calcarare, carcagliare, cocolae, cracaciai Sentences sa pudha agrogóstiat ◊ candho intendhiat sa pudha agrogostiandho timiat po sa morte de callecunu in domo.

agronadúra , nf: ogronadura Definition su trebballu de pistadura chi si faet a su linu àrridu po che dhi bogare s'ossu Synonyms e antonyms argadonzu, bargadadura Etymon srd. Translations French teillage, tillage English hackling Spanish agramado Italian stigliatura German Brechen.

agróniu , nm: agrúmiu, agrúniu Definition sa boghe de is pegos de bulu Synonyms e antonyms múghilu Sentences e búmbitus e agrónius e iscràmmius e isciarrocus e súrbius e borrocus e currúghinus e cónius ◊ s'agrúmiu dhu fait su bòi Scientific Terminology bga Etymon srd. Translations French mugissement English moo Spanish mugido Italian muggito German Muhen.

agròre, agròri acriòre

agrú , agt Definition nau de terrenu, chi est chentza trebballau, chi no est prenu Synonyms e antonyms annicrarju, annicrinu, crodina, rodiu.

àgru àcru

agruài! agguài

agrucíri , vrb rfl Definition acostire, bènnere prus acanta, intrare, pònnere o su si pònnere a manera de istare a cómodu Synonyms e antonyms acodomai, acostai Sentences bengat, su dotori, agrucirisidha: est mariru miu su malàriu!

agrugài, agrugàri aggrucàre

agrugàu , agt Definition nau de cosa, chi est betada a dortu e a rugadis, betada apare, a s’afaiu Synonyms e antonyms | ctr. assentadu, remonidu Sentences sa coghina pariat unu cuile: bi aiat botos, iscannos e linna agrugada! Etymon srd.

agrúgu , nm Definition boghe de animale, mescamente su gúgulu de su cane; fintzes boghe de persona pranghendho Synonyms e antonyms gruju, gurrúliu, órulu Sentences s'agrugu de su cani 2. est a agrugus tzerriendi ca dhi est mortu su mairu ◊ scerau, cussu piciocu: est mortu a agrugus! Scientific Terminology bga Etymon srd. Translations French hurlement English animal howl Spanish grito de animal, gañido Italian urlo animalésco German Schrei, Heulen.

agruguài , vrb Definition genia de apédhidu chi faet su cane a boghe longa: si narat fintzes de gente po prànghere a boghes, a tzérrios Synonyms e antonyms abeliai, agruinai, agrumiai, guguliare, gurruliai, orulare Etymon srd.