A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

agrionóngiu , nm Definitzione su ogrianae, lamentu o murrúngiu ca sa cosa est paga o no est bona Ètimu srd.

agriòre acriòre

agrítinu , agt Definitzione chi est argu, aghedu, de sabore o fragu pitzigorosu Sinònimos e contràrios acru, agratzadu Frases aera trista, agrítina de chijina (G.Addis) Terminologia iscientìfica sbr Ètimu srd. Tradutziones Frantzesu âcre Ingresu acrid Ispagnolu acre, áspero Italianu acre Tedescu herb.

agrítu , agt: agritzu, arghitu Definitzione min. de agru, unu pagu aghedu Sinònimos e contràrios acriolu, acrisinu, acronzu, agràciu, agrestinu, arghixi, argútzulu, asprixi | ctr. druce Sambenados e Provèrbios smb: Arghittu Terminologia iscientìfica sbr Ètimu srd. Tradutziones Frantzesu aigre, acidulé Ingresu sour, acidulous Ispagnolu áspero, agrio Italianu aspro, acìdulo Tedescu herb, säuerlich.

agritzàdu agratzàdu

agritzàre , vrb Definitzione fàere agritzu, cumenciare a si aghedare; prnl. (a. de una cosa), fàere ingestos de disgustu tastandho cosa agheda Sinònimos e contràrios acriare Ètimu srd.

agrítzu agrítu

agrógnu acrónzu

agrogostiàre , vrb Definitzione fàere sa boghe de sa pudha Sinònimos e contràrios calcarare, carcagliare, cocolae, cracaciai Frases sa pudha agrogóstiat ◊ candho intendhiat sa pudha agrogostiandho timiat po sa morte de callecunu in domo.

agronadúra , nf: ogronadura Definitzione su trebballu de pistadura chi si faet a su linu àrridu po che dhi bogare s'ossu Sinònimos e contràrios argadonzu, bargadadura Ètimu srd. Tradutziones Frantzesu teillage, tillage Ingresu hackling Ispagnolu agramado Italianu stigliatura Tedescu Brechen.

agróniu , nm: agrúmiu, agrúniu Definitzione sa boghe de is pegos de bulu Sinònimos e contràrios múghilu Frases e búmbitus e agrónius e iscràmmius e isciarrocus e súrbius e borrocus e currúghinus e cónius ◊ s'agrúmiu dhu fait su bòi Terminologia iscientìfica bga Ètimu srd. Tradutziones Frantzesu mugissement Ingresu moo Ispagnolu mugido Italianu muggito Tedescu Muhen.

agròre, agròri acriòre

agrú , agt Definitzione nau de terrenu, chi est chentza trebballau, chi no est prenu Sinònimos e contràrios annicrarju, annicrinu, crodina, rodiu.

àgru àcru

agruài! agguài

agrucíri , vrb rfl Definitzione acostire, bènnere prus acanta, intrare, pònnere o su si pònnere a manera de istare a cómodu Sinònimos e contràrios acodomai, acostai Frases bengat, su dotori, agrucirisidha: est mariru miu su malàriu!

agrugài, agrugàri aggrucàre

agrugàu , agt Definitzione nau de cosa, chi est betada a dortu e a rugadis, betada apare, a s’afaiu Sinònimos e contràrios | ctr. assentadu, remonidu Frases sa coghina pariat unu cuile: bi aiat botos, iscannos e linna agrugada! Ètimu srd.

agrúgu , nm Definitzione boghe de animale, mescamente su gúgulu de su cane; fintzes boghe de persona pranghendho Sinònimos e contràrios gruju, gurrúliu, órulu Frases s'agrugu de su cani 2. est a agrugus tzerriendi ca dhi est mortu su mairu ◊ scerau, cussu piciocu: est mortu a agrugus! Terminologia iscientìfica bga Ètimu srd. Tradutziones Frantzesu hurlement Ingresu animal howl Ispagnolu grito de animal, gañido Italianu urlo animalésco Tedescu Schrei, Heulen.

agruguài , vrb Definitzione genia de apédhidu chi faet su cane a boghe longa: si narat fintzes de gente po prànghere a boghes, a tzérrios Sinònimos e contràrios abeliai, agruinai, agrumiai, guguliare, gurruliai, orulare Ètimu srd.