A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

aprumàe, aprumài, aprumàre, aprumbài aplumài

aprumítere , vrb: promíntere* Definition giare su foedhu, assegurare innanti, cun antibitzu, de fàere o de giare calecuna cosa Synonyms e antonyms impromíntere.

aprummàu , agt Definition chi est grae meda, che prumu.

aprummonàdu , pps, agt Definition de aprummonare; chi est coment'e leau a prumones, ma de s'arrennegu, de su tzacu Synonyms e antonyms afeladu, afelonadu / cdh. impulmunatu 2. fit aprummonadu ca su collocadore cun su podestade li aiant leadu su triballu.

aprummonài , vrb Definition nau de cosas de papare, essire coment'e prumone, unu pagu asciutas, passadas, prumonatza Synonyms e antonyms abbortigare, acaramai, apistillonai Etymon srd.

aprummonàre , vrb Definition giare o pigare carda, arrennegu meda, tzacu meda Synonyms e antonyms aciumonare, afelonare, imprumonare Sentences mi ndhe aprummonat solu a bi pessare a totu su male chi mi ant fatu! Etymon srd. Translations French avoir du dépit, prendre la mouche English to make s.o. angry Spanish enfadarse mucho Italian fare stizza German jdn ärgern, sich ärgern.

aprumonitài, aprumonitàre apromunitài

aprupudhài aplopodhàre

aprupudhài 1 , vrb Definition fàere sa moida de s'abba (o de àteru deasi) budhindho, candho ndhe pesat su búdhidu a meda Synonyms e antonyms abbrufulai, acrocuai, aggargalai, froculare, groggolare, gurgulliare Etymon srd.

aprupudhaméntu , nm Synonyms e antonyms cariamentu, carionzu Etymon srd.

aprupudonàu , agt Definition chi istat bene de prupas, chi est grassu Synonyms e antonyms imprupiu / ttrs. puipósigu Etymon srd.

aprussierài , vrb Definition immalaidare de prussiera, de pruine, comente faet mescamente a is minadores.

aprussieràu , pps, agt Definition de aprussierai; nau de ccn., chi tenet neghe a prumones po sa prussiera chi portat Translations French silicotique English sick of silicosis Spanish silicótico Italian silicòtico German an Silikose leiden.

apuài, apubàe, apubài, apubàre , vrb Definition abbaidare e arrennèscere a bíere, fintzes cun paga lughe o atesu o a dónnia modu cun dificurtade, giustu coment’e candho totu su chi si podet bíere est una puba, una figura pagu crara, calecuna cosa chi no si biet e ne cumprendhet bene it'est; si narat fintzes in su sensu ebbia de bíere, abbaidare disigiandho Synonyms e antonyms abbistare, assebeltare, illampiare, impubai / bídere Sentences cussa luxixedha apenas si podit apubai ◊ apo apubadu un'iscritura antiga ◊ de atesu arrennesciat a apubai sa spéndula ◊ comenti orbescit si apubat su colori de is cosas ◊ no apubu nudha, sa vista mi est cumentzendi a mancai ◊ fut iscuriu che in buca ma apo apubau is porcos 2. fai chi su tzurpu apubit! ◊ su pastoredhu at apubau unu trunchedhu de ollastu liuru ◊ mi pòngiu innòi, chi mi apubint! ◊ sa màchina noa dha tenis giai apubada ◊ si cravat che unu lupu candu apubat su pistoni! Etymon srd. Translations French apercevoir English to perceive Spanish divisar, ver Italian scòrgere, avvistare German erblicken, sichten.

apubulàda , nf Definition gente a meda, aira, totu impare Synonyms e antonyms afollamentu, apillada, atrepógliu, atrupamentu Etymon srd. Translations French foule English crowd Spanish muchedumbre Italian fòlla German Menge.

apubulàre , vrb Definition bènnere gente meda, prènnere de gente, nau de unu logu Synonyms e antonyms abbudronare, afiotulare, afollare, assaurrare, atrepillai, atropare, atrumare, atutinare, pobulare | ctr. ispobulare Etymon srd. Translations French se presser English to crowd (together) Spanish agolparse Italian affollarsi German sich drängen.

apubusonàre , vrb Definition fàere a pubusone, a chirrione; su si achedhare in medas totus impare Etymon srd.

apubusonàu , agt Sentences sorgu tú, candu fiaus isposus, si pistàt che a su malladroxu, fut sèmpiri apubusonau in conca (A.Garau) Etymon srd.

apudhàdu , pps Definition de apudhare 2. una pudha che fit apudhada subra de unu ratu de linna.

apudhài , vrb: apudhare Definition su si che artzare a su pudhàrgiu, a s’acorru de is pudhas, artzare a pitzu de calecuna cosa che is pudhas; andhare a in artu; su si crèdere meda, bogare atza che pudhu in mesu de pudhas Synonyms e antonyms apiculai, apodhilare, apudhalzare / ampiai, alciare / alleporedhare, alleporizare, apudhichinare, incaboniscai, ingrigliare Sentences ma càstia cussu caboni chi si est apudhau asuba de sa carrada! ◊ custa pudha fiat apudhada asuba de unu muntoni de òru… 2. sa nébida a mengianu de su Frumindosa si ndi apudhat a bidha Etymon srd. Translations French se percher, ragaillardir, remplir d'orgueil English to perch, to make proud, to make cocky Spanish posarse los pájaros, engallarse Italian appollaiarsi, ringalluzzire, insuperbire German sich niederkauen, eitel werden, stolz werden.