A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

assemàre , vrb: semae* Definition pònnere semu, istrópiu.

assemblèa , nf Definition atóbiu de gente meda po chistionare de calecuna cosa o pigare una decisione: mescamente si narat de s'atóbiu de is chi funt essios votaos a fàere parte de un'organísimu chi aprovat leis o chi tenet unu podere púbblicu Synonyms e antonyms adunàntzia, arrodeu, godheta, riunione Translations French assemblée English meeting Spanish asamblea Italian assemblèa German Versammlung.

assembràre , vrb Synonyms e antonyms assemizare Etymon itl. assembrare.

assémbru , nm: assempru, esémpiu Definition paragone chi si ponet, cosa chi si ammostat o chi si narat po fàere a cumprèndhere méngius su chi si bolet nàrrere; fintzes su chi est una cosa a su chi paret Synonyms e antonyms paragone / bisura Sentences si como sezis inoghe, po assembru, a sero che podides èssere in América, cun sos mezos de oe ◊ in s'Evanzéliu agatamos assempros de zente chi si acúrtziat a Cristos cun fide ◊ su chi amos légidu est unu de sos assempros chi Cristos at fatu pro ispiegare su chi naraiat 2. unu tempus fint totu carros, no s'ischiat mancu cale assembru teniant sas màchinas! Etymon itl. assempro Translations French exemple, similitude English example, similitude Spanish ejemplo Italian esèmpio, similitùdine German Beispiel, Gleichnis.

assemenedhàre , vrb Definition semenare tropu a cracu, corpare a sèmene.

assementzài , vrb Definition pònnere o firmare cun sementzas, is púncias prus piticas Synonyms e antonyms atacitai.

assemidàre , vrb Definition su si pònnere o istare in calecunu logu Synonyms e antonyms acussolzare, aposentae Etymon srd. Translations French s'établir English to settle Spanish establecerse Italian stanziarsi German sich niederlassen.

assemizàre , vrb: assimizare, assomizare, simizare Definition su èssere agiummai oguales, su àere cosas in cumone, nau de cosa e de gente; su bíere o agatare e cunsiderare assimbígios in duas cosas o personas o àteru; connòschere a unu de calecunu piessignu Synonyms e antonyms abbentinnare, abbrembare, aerae, afigurai, agghentinare, assembrare, assimbigiai, atipizare Sentences sos fizos, mescamente cróbinos, si assemizant apare ◊ ambos frades si assimizabant apare: grussos, sa cara nighedhuta, pilos píchidos ◊ nois cherimus assomizare a issos ◊ si assomizaiat a una béstia morta 2. pro sa fortilesa sas cosas las assemizant a su ferru 3. l'apo assimizada a su tratu Etymon srd. Translations French ressembler English to resemble Spanish parecerse Italian rassomigliare German gleichen.

assemízu , nm: assimbígiu, assimbillu, assimbizu, assimizu, assumidhu Definition su assimbigiare, su èssere che pare o su matessi in calecuna cosa Synonyms e antonyms abbrembu, aerada, assimizanta Sentences custu mancu s'assemizu ndhe tenet, de cudhu! ◊ custos pitzinnos sunt frades, aguales in s'assimizu ◊ cust'ómine, a s'assemizu, paret cudhu chi amus bidu deris ◊ tenes s'assimbizu de frade tou ◊ custus no portant assimbillu de froris! ◊ s'ambiente chi oe est a manígiu a cuss'època nudha at assimbígiu (A.Barra)◊ bella meda!… no portat mancu assimígiu de fémmina!◊ de ocros ndhe zuchet un'assimizu Etymon srd. Translations French ressemblance English resemblance Spanish semejanza Italian rassomiglianza German Ähnlichkeit.

assemodàre assamodàre

assempiài, assempiàre, assempràre, assempriàre , vrb Definition assimbigiare una cosa a un'àtera; imbentare, fàere cunforma a una mustra o figura, chi assimbiget a unu modellu e, po cussu, pigare s'idea de calecuna cosa: assemprare si narat fintzes in su sensu de atuare, pentzare Synonyms e antonyms assemizare Sentences ti ses frimmu candho in cuss'ómine as assempradu sa cara de frade tou! 2. no est istadu un'ismarru, ma corpu assempiadu, su chi li at dadu! 3. de aundi ndi dh'at a ai assempiau chi cussu fuedhu bollit narri aici!…◊ de aundi ndi dh'at assempiau chi cussa est una bicicreta de fémina!…◊ cussa est una tontesa chi ant assempiau cussus! 4. za ti l'as assempriada sa cosa, comporendhe! 5. e chie bi tiat assemprare a cosa gai si no bi at tentu isperiénsia? Etymon itl. assemplare.

assémpru assémbru

assèndhere , vrb: assènnere Definition coment'e calare de artu, a pitzu, ma nau fintzes in su sensu ebbia de lòmpere, bènnere de unu male, de calecuna cosa chi no si iat mancu a bòllere o cun fortza chi faet male; fintzes lòmpere ebbia a unu logu, a unu tretu, a calecuna cosa, su bènnere de unu tempus / pps. asséndhidu Synonyms e antonyms achirrare, andai, assurpire, bènnere, falare, lòmpere Sentences e ite male ti at asséndhidu? ◊ como chi ndh'est asséndhida cussa lege tocat chi càmbies! ◊ li at asséndhidu unu raju ◊ pessanne a cantu li fit assortitu li fit assénnitu s'ingadhintzu ◊ sos pilos li assendhent in bassu a mesu de s'ischina 2. donzi caminu annat a sa Libra, bastat de no dare vorta pro bi assènnere ◊ sont assénnitos a si mannicare pacos ischerfiones de frútora ◊ custos pastores assendhent a unu buscu e bi passant sa note 3. su giàcanu mannu est assénnitu a carches a sa gianna de sa turre ◊ fit bete crateone chi Antonedhu atzicu assenniat a tocare terra chin sos pedes 4. candho assendhiat su veranu sos pitzinnos si apiligaint in sos fundhos pro gustare cucuja Translations French venir English to come Spanish venir, venir un mal Italian venire, scéndere (détto di un male) German betroffen werden (von einem Unglück).

asséndhiu , pps Definition de assèndhere; fintzes intrau in conca, cumpréndhiu Sentences asséndhiu ti nch'est su chi ti apo narau?

assendràre , vrb Synonyms e antonyms alghentare, arrafinai Etymon spn. acendrar Translations French purifier English to purify Spanish purificar Italian purificare German reinigen.

assenecàre, assenegàe, assenegàre , vrb: senecare Definition fàere a béciu, antzianu; nau de matas, èssere o fàere begra, bècia; assenegae = fàere a bémida, assupare Synonyms e antonyms imbeciai, imbedustare / abbrecare, imbecrare / abbatimare, assupai Sentences dami s'arcanu tou, o tempus, chi piús nou ti faghet cantu piús ti assènegas! (T.Rubattu)◊ assenegadas domitas biancas Etymon srd. Translations French vieillir English to get old Spanish envejecer Italian invecchiare German alt werden.

assenégu , nm: sénegu Definition su torrare àlidu a fortza e a moida po pelea o fintzes po male a prumones Synonyms e antonyms afandha, assubentu, assúpidu, bémida, supedhu Etymon srd.

assenetzàre , vrb: assinetare Definition ammeletzare, ma fintzes solu giare avertimentu Synonyms e antonyms ammabetzai, ammenetzare, meletare, sinnetare Sentences sa mama at assenetzadu sa pitzinna de no giamare sa zente cun su paranúmene ◊ babbu mi at assentzadu a pódhighe postu ◊ cussas nues sunt assinetendhe una tempesta (P.Serra) Etymon srd.

assenetzósu , nm Synonyms e antonyms ammeleciosu, minateri Etymon srd.

assenétzu , nm Synonyms e antonyms abbrúnchiu, ammaletzu, ammeletzamentu, amminetu, meneta Etymon srd.