A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

balènte , agt, nm: valente Definition chi o chie faet balentias, òperas mannas in cosas de bonu; nau cun ironia, su contràriu Synonyms e antonyms àbbile 1, capaci, validore | ctr. casticatu, remitanu, trebiali Sentences chie nche furat s'anzone a unu póveru no est unu balente, ma un'arga ◊ su balente afrontat donzi male, fintzas sa morte 2. sa cultura de sa zustíssia at fatu a balente cada títule chi tirat busilatas a sas luches o profitat de sa càrriga púbblica pro s'inrichire! ◊ sos balentes de commo nos pintant in cara milli fàvulas ◊ méngius molente chi no balente! Surnames and Proverbs prb: su bisóngiu fait s'ómini balenti Etymon srd. Translations French brave, valeureux, vaillant English brave (man) Spanish valiente Italian pròde, valoróso German kühn, Held.

balentèsa , nf: valentesa, falentesa Definition ocasione bona po calecuna cosa Synonyms e antonyms cunzuntura Sentences como chi est issia sa balentesa tocat a la cullire Etymon srd.

balentía , nf: valentia Definition sa b. est unu valore de su sardu: est su fàere de su balente, su coràgiu de parare a su tempus, a is dificurtades e traschias de sa vida, a sa malesa de chie cumandhat fintzes contras a su torracontu de sa gente, a is cambiamentos de su connotu chi at fatu chie a sa sociedade nosta dh'ingiúliat e dh'istrochet faendhodha andhare a passu de is istràngios, b. est a fàere bene ue e candho dhue at dificultades; in cobertantza e a disprétziu si narat de su contràriu puru Synonyms e antonyms abbalentiada, falentesa, falentia, proesa Sentences s'isposu tuo no fachet una balentia, no godit petzi su chi li dant! ◊ custa est balentia chi mantenzo: mi pico s'isposu chi cherjo deo, no su chi cheries bois! ◊ totu sa bidha est cuntenta de sa balentia chi at fatu, ca est cojúbiu bonu! ◊ in totue su Sardu chi est istadu at fatu sempre balentia! 2. za l'apo bida sa balentia, a bíere a fiza mea acasazandhe su pejus de sa bidha!…◊ arratza de balentia chi as fatu a lassare a cudhu chi istimaias!…◊ ite balentia a assachiare unu pisedhu abbarradu solu!… Etymon spn. valentía Translations French vaillance, courage, prouesse English bravery Spanish valentia Italian prodézza, bravura, atto di coràggio German Kühnheit.

balentínu , nm: bolentinu, bolletinu 1, bullentinu, bullitinu 1 Definition ispaitu, codriola de cànnau, lentza po piscare, po imbodhigare in sa bardúfola, fintzes grussa po iscúdere Synonyms e antonyms cannabitu, cordedha, filadissa, funedhu, ispaitu, lentzinu, restiga 1, toroneu, tzunghedhu Surnames and Proverbs smb: Balentinu Etymon itl.t bollentino Translations French cordelette, ficelle English little rope Spanish cordita Italian cordicèlla German Schnürchen.

balentiósu , agt: balintiosu, valentiosu Definition chi faet balentias, ma no sèmpere nau po su bonu Synonyms e antonyms àbbile 1, cabosu, corazosu | ctr. casticatu, isente Sentences a chie at ghetau custa pitzinna goi balentiosa? ◊ fàcheti balintiosu e abbarra pro azudare! ◊ zobané, bio chi ses meda balintiosu secandhe preda: si cheres ti pico deo! 2. passendhe lassaias, tue balentiosu, furone, burrighinos de fiados semados Etymon srd.

balentòne , nm Definition unu balentiosu ma pagu e nudha de bonu Sentences l'as ischitu isparare, fachendhe a balentone, cudhu innossente!…

balentòni , agt: valentone* Definition chi si pentzat balente: nau a befa a unu chi no est balente etotu Synonyms e antonyms brafanteri, cuapu.

balentúra , nf: Definition calidades diferentes de farra betadas apare Synonyms e antonyms falentura.

bàlere , vrb: bàliri, bàllere, balli, vàlere Definition tènnere valore, serbire a calecuna cosa (fintzes a ccn.), èssere bonu, lómpiu, adatu / ind. pres. de 1ˆ p. sing. bàlgio, ballu, bafo, barfo e barzo, bazo; cong. de 1ˆ p. sing. balla e barza, baza, de 2ˆ p. sing. ballas e barzas, de 3ˆ p. sing. bafat, balfat, barzat, bazat e ballat; pps. bàfidu, bàlliu, baltu, bàrfidu, bàrtiu Synonyms e antonyms contai 1, selvire Idioms csn: no bàlere mancu a manigare = no èssiri bellu mancus a papai, mancu a si satzai, èssiri sentza de abbilesa nudha; no bàlere a nudha, a logu = no serbiri a nudha; bàlliri s'arrexoni = fagher bàlere sa resone chi si pessat de àere Sentences mi cunsidero piús pagu de su chi bafo ◊ custa botza de oro, cantu si podet bàlere? ◊ cussu dinai no balit ◊ custa cosa no balit una cibudha! ◊ paret no bafat a bi pessare a cussu bisonzu ◊ tue no mi bales a nudha: menzus lassa bènnere a frade tou 2. su passu chi amus postu in sas iscolas est bàrfidu a bídere cantu sos pitzinnos connoschent su faedhu issoro ◊ tue no bales a nudha, no ischis mancu a manigare! ◊ cussa peta no balet a nudha ◊ custa cosa no balet a logu ◊ isse no ndhe balet prus, est antzianu meda ◊ dae candho at tentu cussu dannu no ndh'est bàfidu prus a nudha 3. custa pira no balet: fuliachela! ◊ sa figu est linna chi no balet a pònnere a su fogu 4. no circhis de trassai po ti balli s'arrexoni! (A.Melis) Surnames and Proverbs prb: balet prus unu faghinne chi no chentu pentzanne Etymon ltn. valere Translations French valoir English to be worth Spanish servir, valer Italian valére German gelten.

baleriàna balariàna

balèsta, balèstra , nf: abbalestra Definition tretu ue si ponet su cassadore iscocandho e aspetandho a passare sa fera Synonyms e antonyms oretu, posta 1.

balèstra 1 , nf Definition genia de arma antiga po iscúdere fritzes atesu; parte de una màchina (una pira de tizas de atzàrgiu de longària diferente) chi aguantat su pesu a manera de ammortighinare is corpos Scientific Terminology rms Translations French arbalète English crossbow Spanish ballesta Italian balèstra German Armbrust, Blattfeder.

balestradòre , nm Definition chie tirat a balestra Synonyms e antonyms balestreri.

balestréri , nm: balistreri Definition chie tirat a balestra Synonyms e antonyms balestradore Surnames and Proverbs smb: Balistreri, ballistreri.

bàlfidu bàfidu

bàlga , nf Synonyms e antonyms basca 1, bisognu Sentences balga de custu tenes.

balía, bàlia , nf: abbalia, valia Definition su bàlere, su giúghere fortza prus che àteru nau de sa carena Synonyms e antonyms abbrétiu, ardúriu, bastantia, bidória, briu, foltza / abbaldansa, alidantza, atrevimentu, coragi, iscòcoro Idioms csn: leare bàlia = leare corazu, atrevimentu; àere balia = àere fortza Sentences li fint manchendhe sas balias e su mischinu si lasseit andhare subra de su bancu ◊ seu caramada: no tengu balia peruna! ◊ impígnadi cun tota sa balia chi as in su chelvedhu! ◊ custu ti daet balia pro fàghere su viàgiu ◊ téteru de su fritu, no at balia de si ndhe pesare 2. balias de abbochinare e de s'imbèrghere no ndhe li colaiant prus in conca ◊ paret chi no apat mancu balia pro lu piànghere, a su fizu! Surnames and Proverbs smb: Balia Etymon itl. balia Translations French verve, force English vivacity, strenght Spanish valía, energía Italian brio, energìa German Lebhaftigkeit, Energie.

baliài, baliàre, baliàri babiài

bàlida , nf Definition su bàlere de una cosa Synonyms e antonyms balidóriu, balimentu, valore, valuda Sentences no at bàlida de ses dinaris Etymon srd. Translations French valeur English value Spanish valor Italian valóre German Wert.

balidóriu , nm Synonyms e antonyms bàlida, valore Sentences cussa no est zente de balidóriu ◊ custas sunt poesias de pagu balidóriu Etymon srd.