A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

bàncina! , iscl Definition foedhu chi narant pruschetotu po prexu o ispantu Synonyms e antonyms bartzalina!, bartzas! Translations French dame! English good heavens Spanish ¡caramba! Italian càspita! German potztausend.

bàncu , nm: bangu Definition genia de mesa ue trebballat su maistu de linna, su maistu de ferru, su sabbateri, su macellaju, ue si ponet cosa a bèndhere, a bufare in is tzilleris; in iscolas e crésias, genia de móbbile po cicire a unos a unos o in medas e/o arrimare o pònnere cosa in pitzu o po iscríere; màchina de ferrare; in su telàrgiu a istoja funt is duos fusos, unu in pitzu e unu in bàsciu, ue s'imbodhigat s'istàmine (in artu) e su tessíngiu fatu (in bàsciu) Synonyms e antonyms bancale / panga / banca 1 Idioms csn: su b. de is arreus = ue setzit s'incurpadu, in sos tribbunales; cumparre a su b. = andhare a tribbunale a dibbatimentu Sentences sos berdurarjos ponent sa cosa a bèndhere in su bancu ◊ che fit mannu, in iscola, chi no cabiat mancu in su bancu ◊ a crésia bi ant fatu sos bancos noos ◊ at dépiu bendi a su bangu totu is crabas e brebeis Translations French banc, établi English work bench Spanish banco, banquillo Italian banco German Bank, Theke, Tisch.

bàncu 1 , nm Definition tretu de terrenu a longu a longu, sa làcana chi abbarrat in is terras de campu; sa terra prus in artu in is surcos (e deosi tra bancu e bancu arresurtat una cora) Synonyms e antonyms làcana, trèmena Idioms csn: segare su b., in sa terra de unu = illacanare su terrinu; betare su b. a cosa prantada = afranzàreli sa terra de su b. Sentences in is foxis de is flúminis, in mari dhoi at bangus de arena 2. a sas pumatas como ca sunt mannitas lis cheret betadu su bancu.

bànda , nf: bandha 1 Definition chedha de sonadores, donniunu cun s'istrumentu musicale suo, chi sonant impare Translations French musique, fanfare English band Spanish banda Italian banda musicale German Musikkappelle.

bandài , vrb: bandhare, bannare Definition su mòvere o istesiare de unu tretu, o de unu logu, a un'àteru po fàere calecuna cosa / ind. pres. 1ˆ p.sing. bao, bau, 2ˆ p.sing. bas, bais, 3ˆ p.sing. bat, bait, vat, 1ˆ p.pl. bamus, 2ˆ p. pl. bazes, 3ˆ p. pl. bant; impr.: 2ˆ p. sing. bae, baitindhe, 3ˆ p. sing. bandissindi, 2ˆ p. pl. bagei, bandai, baxi, baze, bazi, bazide, bazie, baxeisindi Synonyms e antonyms andai | ctr. bènnere, torrae Sentences baxi in bona sorti! ◊ bandai a si crocai! ◊ baxei e circai su pipiu! ◊ sas féminas bandheint a su molinu cun sa cota prugada ◊ prus de unu, bannau e non beniu, no s'issit mancu inube est carragiau (I.Casula)◊ bao a la chircare ◊ immoi bau a pratza ◊ bandhadiche a logos tuos! ◊ a Castedhu bandat custu pulma? ◊ bazie in bonora! ◊ sos pitzinnos si che bant a foras ◊ ainnui ses bandendu?◊ custus antzianus bant ancora a trabballai.

bandàu , agt Definition chi giughet sa fasca Synonyms e antonyms fascadu.

bandèra , nf: bandhela, bannela, bandhera, pandhela Definition pannu cun calecunu ammostu mescamente coment'e símbulu de una natzione, de unu sótziu, de un'ente; nau a una o a unu a bàntidu; partes de su telàrgiu, fintzes de su carru (costana)/ min. bandheledha, bandhelita, bandherita Synonyms e antonyms istangiartu, pignoni Sentences sa bandhera sarda zughet una rughe ruja in mesu cun bàtoro moros, unu a cada bandha ◊ una chèscia si est pesada paxiosa chena de iscràmius e ne istrinchíllius de banderas ◊ su pòburu tenit una sola bandera: sa necessidadi! 2. fiast tui, bandhera, su primu sonnu miu! 3. aiant ammanizadu unu carru mannu cun sas bandhelas altas Etymon spn. bandera Translations French drapeau English flag Spanish bandera Italian bandièra German Fahne, Aushängeschild.

banderílla , nf Definition genia de ferrada (ma podet èssere de linna puru o de àteru materiale) chi serbit po badrare sa pesada de un'iscala, un'oru perigulosu o tramesare unu tretu distintu Synonyms e antonyms barandíglia*.

bàndha , nf: banna 1 Definition parte, foedhandho de logu o de tempus Synonyms e antonyms ala, cherru, filada, leada, parte, simada Idioms csn: a b., a bandhas (abbandha) = itl. in disparte; fàchere b. a unu = fai is partesas a unu; pònnere, collire cosa a b. = allogai una cosa; a b. de fora, de intro = a sa parti de foras, de aintru; annare, incaminàresi banna de… = andai faci a…; pònneresi a bandha = pònneresi a contu sou; dare bandha una cosa = passai, abbacai, menguare Sentences a una bandha e a s'àtera de su caminu bi sunt sos muros de sas tancas ◊ ch'est faladu a sa bandha de Campidanu ◊ a sa bandha de martis, de abrile, de mesaustu, a bandha de sas bàtoro, de mesunote ◊ li est andhau dae bandha de palas 2. su binu como fintzas in su tzilleri est postu a bandha ◊ mi at mutiu a una bandha e mi at nau cosa ◊ fia teracu ma a sos vinti annos mi ponei a bandha cun d-unu grustu de chentu porcos 3. de coro no mi poto divertire pro ca no mi dat bandha su dolore ◊ callentura furiosa male chi dat banna in lestresa ◊ sa zente at cumintzau a dare bandha a s'iscuricada, imbisitandhe su mortu Etymon itl. banda Translations French partie, côté English side, part Spanish parte, lado Italian parte, lato German Teil, Seite.

bàndha 1 bànda

bandhàre bandài

bandhèla bandèra

bandhelàlzu , nm: bandheraju Definition chie leat sa bandhera, ainnanti, mescamente in is crufessones Synonyms e antonyms bandheleri Etymon srd.

bandhelèdha , nf Definition min. de bandhela Synonyms e antonyms bandhelita, bentulicatòglia, veleta Translations French petit drapeau English pennant Spanish banderola Italian bandierina, banderuòla German Fähnchen.

bandheléri , nm Definition chie leat sa bandhera ainnanti Synonyms e antonyms bandhelalzu Etymon srd. Translations French porte-drapeau, porte-étendard English stendard-bearer Spanish abanderado Italian portabandièra German Fahnenträger.

bandhelíta , nf Definition min. de bandhela, bandhera pitica Synonyms e antonyms bandheledha, bentulicatòglia.

bandhèlla , nf Definition genia de ferru chi si ponet a is aperturas po intrare e girare in is grofales Synonyms e antonyms frontissa.

bandhèra bandèra

bandheràdu , agt: abbanderau Definition chi est totu prenu de bandheras; postu, créschiu coment'e bandhera, che una bandhera Synonyms e antonyms pandheladu 2. sa pudhedra est a coa bandherada Etymon srd.

bandheràju bandhelàlzu