A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

costerínu , agt Definition chi est de costera, de logu in costa; de Sa Costera Synonyms e antonyms costeri / costeraju 2. custos sunt boes de ratza costerina Etymon srd. Translations French de la côte, riverain English coastal Spanish ribereño Italian rivierasco German Küsten…

cósti , nm Definition linnu malu o murta làvrina, genia de linna tostada meda chi faet a mata in logu de monte unu pagu artu / min. costiolu Synonyms e antonyms àera, cóstiche, olàdighe Sentences su masone fit ammeriadu in s'umbra de unu costi ◊ e cantu cannugas de costi apo pintadu cun cussa lepa!… Surnames and Proverbs smb: Costi Scientific Terminology mtm, Acer monspessulanum. Etymon srdn.

costialvàre , vrb Definition in is terras aradas, pruschetotu in costera o in logu in calada, fàere surcos a istúturu po arregòllere e che bogare s'abba a tropu Synonyms e antonyms abbarzare, assulcai.

costialvínzu , nm Definition sa surcadura in is terras aradas po arregòllere s'abba chi proet a tropu Scientific Terminology mssr.

costiàrvu cortiàrvu

cóstiche, cóstighe , nm Definition linnu malu o murta làvrina, genia de linna tostada meda chi faet a mata in logu de monte unu pagu artu Synonyms e antonyms àera, costi*, olàdighe Scientific Terminology mtm, Acer monspessulanum Translations French érable English maple Spanish arce Italian àcero German Ahorn.

cóstidu , nm: cóstitu Definition costu, ma impreau in sa nada a cóstidu de…, mancari siat a…, mancari costet… Sentences dèu no soi po tei, cóstidu chi mi mòrgia bagadia! ◊ de cussas duas dèu no nd'isposu, a cóstidu de sa morti! Etymon srd.

costíglia , nf Definition is costaos de su porcu cufetaos Synonyms e antonyms costazu Sentences a chena bi amus fae e costíglia.

costíle , nm Definition logu in costa, no meda mannu Synonyms e antonyms costale, palinza, ratirile | ctr. paris Sentences cussu costile lu paschet Bodale ◊ passadu su riu comintzat una pigada ràbida in costile Scientific Terminology slg Etymon srd.

costiólu , nm Definition matighedha de costi.

cóstitu cóstidu

costituènte , agt, nf Definition nau de un'assemblea, chi tenet s'impreu de fàere una costitutzione, sa lei de fundhamentu de un'istadu.

costituíre, costituíri , vrb Synonyms e antonyms èssere, fàchere, fundai.

costitutziòne, costitutziòni , nf Definition sa lei magiore de un'istadu, sa chi faet de ghia, de fundhamentu e régula po totugantas is àteras leis e istabbilit comente s'istadu etotu est organizau Translations French constitution English constitution Spanish constitución Italian costituzióne German Verfassung.

cóstiu , nm: bolostru, colóstiu, golosti*, olosti, lóstiu Definition alàsiu, genia de linna chi faet a mata fintzes manna, a corgiolu lisu e birde, fògia ispinosa in is oros, in is partes prus bàscias o candho est a prantone, e (sa mata fémina) frutighedhu a birilledha tundha, orrúbia: faet in montes unu pagu artos Synonyms e antonyms alase, arangiubburdu, lauspinosu Scientific Terminology mtr, Ilex aquifolium.

costizòla , nf Definition logu unu pagu in costa, in calada Synonyms e antonyms costale, costera, palinza Sentences única d'istradone frisca istiga súlciat sos bacos de sa costizola ◊ su pinnetu fit a craru in costizola soliana, in zassu apozosu dae sa travuntana Scientific Terminology slg Etymon srd.

costodíre coltoíre

costoidòre , agt, nm Definition chi o chie costumat a chistire is cosas Synonyms e antonyms allogadori | ctr. isperditziau, istrubberi Etymon srd.

costoidórzu , nm Definition logu, tretu apartau inue faet a cuare Synonyms e antonyms acuadórgiu, incóvinu, isticarzu, istichidórgiu, remunidorzu Sentences cussos fint costoidorzos inue chie fit bandhidu cumproaiat s'onnipoténtzia sua ◊ sos minores giogaiant a costoidorzos, a tènnere o a primmamonta (N.Fadda)◊ mamma aiat costoidu sa cosa in d-unu costoidorzu chi no amus mai acatadu Etymon srd. Translations French cachette English hiding-place Spanish escondite Italian nascondìglio German Versteck.

costoídu , pps, agt: custoidu Definition de costoire; chi est postu in logu o in manera chi no si potzat bíere Synonyms e antonyms allogau, remonidu / cuadu 2. cussa est cosa male custoida 3. a su chirca chirca ch'est rutu in d-unu logu costoidu, in su foraidha Translations French conservé English preserved Spanish guardado Italian conservato, riservato German erhalten.