A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

costerínu , agt Definitzione chi est de costera, de logu in costa; de Sa Costera Sinònimos e contràrios costeri / costeraju 2. custos sunt boes de ratza costerina Ètimu srd. Tradutziones Frantzesu de la côte, riverain Ingresu coastal Ispagnolu ribereño Italianu rivierasco Tedescu Küsten…

cósti , nm Definitzione linnu malu o murta làvrina, genia de linna tostada meda chi faet a mata in logu de monte unu pagu artu / min. costiolu Sinònimos e contràrios àera, cóstiche, olàdighe Frases su masone fit ammeriadu in s'umbra de unu costi ◊ e cantu cannugas de costi apo pintadu cun cussa lepa!… Sambenados e Provèrbios smb: Costi Terminologia iscientìfica mtm, Acer monspessulanum. Ètimu srdn.

costialvàre , vrb Definitzione in is terras aradas, pruschetotu in costera o in logu in calada, fàere surcos a istúturu po arregòllere e che bogare s'abba a tropu Sinònimos e contràrios abbarzare, assulcai.

costialvínzu , nm Definitzione sa surcadura in is terras aradas po arregòllere s'abba chi proet a tropu Terminologia iscientìfica mssr.

costiàrvu cortiàrvu

cóstiche, cóstighe , nm Definitzione linnu malu o murta làvrina, genia de linna tostada meda chi faet a mata in logu de monte unu pagu artu Sinònimos e contràrios àera, costi*, olàdighe Terminologia iscientìfica mtm, Acer monspessulanum Tradutziones Frantzesu érable Ingresu maple Ispagnolu arce Italianu àcero Tedescu Ahorn.

cóstidu , nm: cóstitu Definitzione costu, ma impreau in sa nada a cóstidu de…, mancari siat a…, mancari costet… Frases dèu no soi po tei, cóstidu chi mi mòrgia bagadia! ◊ de cussas duas dèu no nd'isposu, a cóstidu de sa morti! Ètimu srd.

costíglia , nf Definitzione is costaos de su porcu cufetaos Sinònimos e contràrios costazu Frases a chena bi amus fae e costíglia.

costíle , nm Definitzione logu in costa, no meda mannu Sinònimos e contràrios costale, palinza, ratirile | ctr. paris Frases cussu costile lu paschet Bodale ◊ passadu su riu comintzat una pigada ràbida in costile Terminologia iscientìfica slg Ètimu srd.

costiólu , nm Definitzione matighedha de costi.

cóstitu cóstidu

costituènte , agt, nf Definitzione nau de un'assemblea, chi tenet s'impreu de fàere una costitutzione, sa lei de fundhamentu de un'istadu.

costituíre, costituíri , vrb Sinònimos e contràrios èssere, fàchere, fundai.

costitutziòne, costitutziòni , nf Definitzione sa lei magiore de un'istadu, sa chi faet de ghia, de fundhamentu e régula po totugantas is àteras leis e istabbilit comente s'istadu etotu est organizau Tradutziones Frantzesu constitution Ingresu constitution Ispagnolu constitución Italianu costituzióne Tedescu Verfassung.

cóstiu , nm: bolostru, colóstiu, golosti*, olosti, lóstiu Definitzione alàsiu, genia de linna chi faet a mata fintzes manna, a corgiolu lisu e birde, fògia ispinosa in is oros, in is partes prus bàscias o candho est a prantone, e (sa mata fémina) frutighedhu a birilledha tundha, orrúbia: faet in montes unu pagu artos Sinònimos e contràrios alase, arangiubburdu, lauspinosu Terminologia iscientìfica mtr, Ilex aquifolium.

costizòla , nf Definitzione logu unu pagu in costa, in calada Sinònimos e contràrios costale, costera, palinza Frases única d'istradone frisca istiga súlciat sos bacos de sa costizola ◊ su pinnetu fit a craru in costizola soliana, in zassu apozosu dae sa travuntana Terminologia iscientìfica slg Ètimu srd.

costodíre coltoíre

costoidòre , agt, nm Definitzione chi o chie costumat a chistire is cosas Sinònimos e contràrios allogadori | ctr. isperditziau, istrubberi Ètimu srd.

costoidórzu , nm Definitzione logu, tretu apartau inue faet a cuare Sinònimos e contràrios acuadórgiu, incóvinu, isticarzu, istichidórgiu, remunidorzu Frases cussos fint costoidorzos inue chie fit bandhidu cumproaiat s'onnipoténtzia sua ◊ sos minores giogaiant a costoidorzos, a tènnere o a primmamonta (N.Fadda)◊ mamma aiat costoidu sa cosa in d-unu costoidorzu chi no amus mai acatadu Ètimu srd. Tradutziones Frantzesu cachette Ingresu hiding-place Ispagnolu escondite Italianu nascondìglio Tedescu Versteck.

costoídu , pps, agt: custoidu Definitzione de costoire; chi est postu in logu o in manera chi no si potzat bíere Sinònimos e contràrios allogau, remonidu / cuadu 2. cussa est cosa male custoida 3. a su chirca chirca ch'est rutu in d-unu logu costoidu, in su foraidha Tradutziones Frantzesu conservé Ingresu preserved Ispagnolu guardado Italianu conservato, riservato Tedescu erhalten.